阿媽留間屋俾我哋幾姊妹。其他姊妹都結咗婚搬咗出去住。
依家係家姐住緊，佢住就梗係冇所謂，但係依家打算結婚叫埋老公搬入嚟住，我哋就覺得唔好、 想收返佢老公租，唔知大家覺得點處理先至好？
2個讚
我覺得好難
間屋幾姐妹名？
1個讚
依家得你家姐一個住緊?
係呀、幾姐妹名
是的，得佢未嫁
叫你家姐俾錢當買咗間屋佢。
如果佢老公一住入去，成世唔洗指意攞得番層樓， 你地當送咗層樓俾佢。
見得太多人係咁
38個讚
其實一家人點解咁計較？何況本來都係得佢一個人住
我就係見過咁！但唔知用啲咩方法可婉轉啲解決
佢未嫁出去一個人住，當然冇問題
將來佢地生埋小朋友咁點? 續個計租? 建立左家庭將來就好難趕佢走架啦…一係你地幾姐妹收返層樓, 買埋佢o個份, 叫佢搬出去住
4個讚
話曬都係媽咪留俾幾姊妹嘅資產嚟，而家變咗佢一個人攞曬，點解變咗係其他人計較…？
48個讚
計返市值租金叫你家姐俾部份租出黎，例如租要15000，三姊妹每人可以收5000，你家姐俾10000你哋二姊妹。其實最好就賣咗層樓再平均分錢，你家姐就有首期買樓，
13個讚
你收唔到佢租㗎啦～ 叫佢搬出去，間屋放租，平分租金。
13個讚
你說得對，我哋就係咁唸。
1個讚
處理過類似情況 有好多變數 會影響條數大約點計(比較公平地)
想問幾個問題…
有無每人分到一間房 無既現況係點?
屋企得家姐一人住 雜費依家係點處理(水電煤 管理 差餉 維修)
你地現在有否各佔屋內空間 得閒會返吓去瞓/茶聚/存放物品?
姐妹各人感情如何? 有無邊個唔鍾意邊個?
家姐有無打算再覓新居?
都係唔好問太多 差不多了 
最近我親戚有類似你咁嘅case, 個孫同嫲嫲一齊住, 嫲嫲剛剛去世, 間屋留畀嫲嫲一仔一女及同住個孫 (三個人)。個孫當然想繼續住間屋, 但點計租? 一係就個孫搬出, 單位租畀人, 但租金分三份又唔係收得多錢。 最後都係決定賣樓分錢最實際
11個讚
實有說話聽
其實我哋收租都係市價打折再除幾份，冇話要計到咁盡，只係唔想間屋咁樣比左佢哋一家，我哋幾姐妹感情都幾好
1個讚
呢個都應該係最好方法
(又或者邊個想要就市價減少少買左層樓佢)
4個讚
認同
感情好，就更加要均真去計，因為感情好嘅係幾姊妹，但一牽涉埋姐夫，就變成幾家人嘅事
10個讚