感情好 咁開頭多數無所謂 不過將來就可能有麻煩
其實會有好多爭拗位 (但如果你地都錢睇得好開 就唔使點理)
-
佢住落左 如果係正常租金(或平小小) 咁佢應該有全屋既使用權 你地D物品/房間… 要如何處理 &係咪都係可自由出入
-
如不是正常租金 各姐妹可佔某部份空間 將來維修費(厠所/廚房/天花/漏水/… 有時都要幾萬蚊都算多架)會是誰出呢? 始終係家姐常住佢用得最多令物件易壞
-
有無機制可提出賣樓? 如某姐妹想賣
-
…
2個讚
認同
不論長輩或平輩 都因家庭成員越來越多起不少爭拗 都有一個共通點 … 錢 
2個讚
第時一句手頭緊唔交租你都奈佢唔何。
賣樓分錢唔好煩。
10個讚
其實只係得一個解決方法
就係賣樓平分
家姐細妹想點用畢錢都得
一勞永逸
9個讚
忘記左講 如感情好 真係唔想咁計較 &唔想行到賣樓(好似咁絕)
建議可將部份(或全部)租金放落一個基金池 有咩維修就喺果度出錢 攞黎飲飲食食都可以 
都應該係一個多方面可不傷感情的方法 (在你家姐角度租金唔似被瓜分 要維修時唔使籌錢計較誰出多與少 隨時仲可一齊"免費"去旅行 
…)
1個讚
唔賣嘅話就租出去
可以有份錢幫補下出面住嘅租金
佢地亦冇理由好嘈
幾姊妹公公平平唔使煩
就係想保住感情先早賣分錢、巿唔巿價好難講、大家都以為蝕底左仲慘
4個讚
要家姐交租其實無解決問題，仲會複雜左，例如姐夫有意見認為係自己屋，唔使交，或者佢唔交租唔通去告佢，又或者佢認為交左租，佢哋一家一伙，你哋唔好入屋同搬走所以私人物品等等。
要解決方法
1.賣樓平均分
2.放租平均分
否則姐夫入住之後，下一步應該有小朋友，間屋遲早佢哋一家霸住，分分鐘霸到小朋友大個再成家立室繼續住，三代同堂都繼續住，到時你們擁有嗰一份就形同虛設。
7個讚
感情好更加攤出嚟講你哋感受話俾家姐知你哋認為唔ok，大家傾一個接受到又唔影響感受同權利的做法。
2個讚
問佢想唔想轉埋佢名？
講$失感情。賣左去均均真真最好
3個讚
愈遲講愈傷感情！快啲講賣樓好啲，最多咪話好等錢使！
3個讚
一有小朋友就趕唔走，任何嘢先小人後君子好啲
6個讚
唔賣嘅話 佢地就住過世 租又唔使比 好著數
照市值除返 比返租比層樓有名的人
如果唔肯就賣樓啦
感謝大家回覆
會再坐下來商量，佢初步打算住幾年儲錢買居屋。
四五年後再按大家的方法賣樓或計租金
1個讚
賣左咪有首期囉
5個讚
收市值租金家姐會嫌貴冇人情味，又唔洗旨意將來加到租，點講都傷感情，下策。
租出去收到租幾姐妹平分，好過租返比家姐兩公婆。但同家人有金錢瓜葛都係下算，應該避免。
所以如果係我，一定賣樓分錢。各人有各自家庭，各有考慮，唔想太多糾紛，最好冇金錢利益關係，賣樓分錢係最好選擇。
11個讚
賣樓分錢最實際！
其實佢地冇理間屋屋企人都有份
而家話就話住多幾年儲到錢走
呢個如意算盤唔好話結婚前冇唸過
咁從來唔提冇商量過似知會多啲
當然，最重要係當事人大家 ok
2個讚
幾年即係起碼10年啦，touchwood 講咁嘅安排都有8 成機會反目收場，要另外幾姐妹個個都真係好豁達對錢銀唔計較先會work 。
趁今日大家關係好賣樓分錢先係最能夠保證保住感情嘅方法。
一層樓多過一個名通常都係親情反目嘅導火線
13個讚