情緒病，應該休學？
知唔知咩野令佢抑鬱，係學校？定其他野？
如果真係好嚴重，佢抗拒停一下都好，讀書唔差個一陣
不過都要盡量了解咩事令佢咁，慢慢解結，如果唔係都治標不治本
要行到呢一步相信你都唔容易
希望你地搵到出路
1個讚
睇咗醫生未？ 初中仲係強制教育，唔可以随便就話唔返學，最好問咗醫生意見先
同埋驚佢習慣收埋自己之後，要再出返去個社會接觸其他人仲難，要考慮清楚唔返學對佢嚟講係咪最好
1個讚
一哩埋好難返出嚟，所以停唔停要小心，問下專業人士，有需要睇下醫生
2個讚
佢有無同學校社工傾開計? 最主要知道背後原因,會唔會俾人欺淩定有咩原因唔想返學. 好大機會佢未必肯同父母講真話,可以透過學校社工了解下先,如有需要可以帶佢睇精神科醫生,可能面對陌生人佢會容易啲講出問題癥結,到時再睇下點處理.
加油呀!
1個讚
停學Ok，不是重點考慮。
最重要不要讓病情惡化，或變成精神病或抑鬱症就麻煩了。
一定要醫生呀。.
1個讚
要搵社工幫手呀… 學校社工, 明愛嗰類機構應該都可以幫到手. 唔係要勸阿女返學, 而係要搵背後唔想返學原因喎
4個讚
青春期, hormone變化都係一個誘發情緒病嘅原因, 病向淺中醫, 去睇專業醫生, 好快會康復, 如有需要, 可以PM我, 我有一個睇開呢類病症嘅好醫生, 收費都相對平民…
1個讚
我都有屋企人細路係咁
今年中二
一星期總會請一兩日假
但父母又逃避緊個問題、好似想由得佢算
1個讚
返學事少, 但我覺得要認真地先了解邊到出左問題
4個讚
多謝大家嘅回應同意見
其實我女去年升中二，覺得學業壓力好大，出現焦慮情緒，見過學校社工，看過精神科醫生，診斷診斷為廣泛焦慮症，當時同阿女了解咗主要原因係學業，所以同佢商量後決定轉國際學校，到今年年初，一轉入新校（好多分組discussion)，焦慮更加厲害，唔係因為學業，而係上堂方式、學校focus運動（我女唔叻）、同學好開朗（同我女心情對比）…. 見咗心理專家，似乎係自己唔知現在嘅定位，覺得係學校時間好長、唞唔到氣，所以唔鍾意返學，一星期只返到2-3日…現在已告知學校心理輔導，我女同佢傾過，不過唔夾，因為佢只係叫佢think positive之類… 現在有食藥，精神科醫生話如果佢唔想返，唔好迫佢，心理專家話唔可以迫，唔好instruct, 要等佢自己決定返唔返，不過家長又要等佢知返學係小朋友嘅責任⋯⋯我每朝早都好辛苦，唔知佢返定唔返，唔可以迫，又唔敢問：「你想唔想返？」佢一定唔想返…. 唔返，我就要email 學校，每星期學校輔導又會email我問status(因為見成日請假），…. 我好大壓力….
9個讚
我老公想幫佢休學，等佢好好休息，我又怕日日係屋企，之後更難去面對出面嘅世界，更難再返學，心理學家都覺得唔可以只留係comfort zone, 要學面對困難，但每日咁樣我哋三個都煎熬，我老公又再話休學或home schooling 可能大家也舒服啲，不過我又係到諗，係要行對佢將來好嘅方法
好似新學校並不適合女女，女女現在是year 10（本地中三）？國際學校進入高中課程都辛苦的，未處理好情緒問題而升班壓力可能更大。
其實女女仲想唔想留在宜家的國際學校，定係試下再轉校？聽人講沙頭角ICHK比較關愛，初中課程係多戶外活動少學術，唔知會唔會少啲壓力。不過佢哋Year 11要考IGCSE，如果Year 11才插班，都一樣要面對學業壓力。
媽媽和女女都加油！
2個讚
其實我諗如果學校風格同佢唔夾又真係會好大壓力，有啲人外向好social，有啲人內向慢熱，真係好格格不入，如果格硬讀有少少為轉而轉
揀學校時好好同小朋友一齊了解學校大約係點，一齊評估同討論唔同嘅情況，問佢嘅諗法，引導佢可以點做之類
新學校其實知唔知佢個狀況？除左社工仲有冇其他支援，比如安排一個可靠嘅同學仔/大姐姐陪伴佢過度適應，老師又支援到咩程度
不過而家應該新學校都唔太岩佢咁
抑鬱係會好冇心機，咩都唔想做唔想郁，係原本好鐘意都會唔想做，有啲人會好驚見人social，佢焦慮可能而家都真係要退返一步，慢慢同佢建立返自己
同埋對抑鬱病人黎講positive thinking係廢話，難聽過粗口，搵一個同佢夾嘅窗口俾佢輸出負能量都好重要
停學係岩，不過都要俾佢知道停學唔等於匿埋係屋企，個一排都要陪佢多啲出去，陪佢一齊建立一個興趣，比如同佢去行山，一開始唔好真係行，係去郊外去公園行個圈曬太陽，去畫室畫畫，去做多啲唔同嘅野，如果佢去完唔想再去就next試其他，父母支持，認同，接受都係好重要嘅力量
佢唔想返就叫醫生寫假紙，學校輔導照直講佢今日唔ok，唔想迫佢，你唔好太上心，除非佢地有支援幫到你小朋友
父母難做，其實我覺得你好好，好欣賞你為小朋友身心健康選擇去休學，對香港嘅父母黎講係好大嘅心理關口
再加上照顧有情緒病嘅人係好吃力嘅事，力不從心，只能係道支持你，希望你要照顧佢感受同時要照顧自己嘅感受
18個讚
更要返學
停學呢件事我覺得都要同呀女傾，呢個係會影響佢人生嘅決定，所以佢要好了解發生咩事，點解會有呢個決定，咁樣做意味著咩
希望佢自己都要深思熟慮佢將要點面對
父母都要諗下停學之後下一步係點陪佢度過
俾佢知你哋而家唔係幫佢，佢要自己都幫下自己，爸爸媽媽係會陪佢同支持佢，尊重佢嘅想法，所以先會有呢個想法，無論點都一齊
佢都中二，唔算好細，佢需要好好思考，約法三章，唔好匿埋係屋企，如果一開始唔ok唔緊要，咁要幾耐，一星期，兩星期，一個月，訂立大家嘅底線之後就要出黎面對同接受而家嘅自己，要幫抑鬱症嘅人要提醒病人有自覺性，知道自己發生咩事，學會接納自己，重新建立自己，再去珍惜自己
停學嘅話佢可以面對少啲嘅人同事，但佢要好清楚仍然有問題要面對
1個讚
多謝大家嘅意見🫶🏻🫶🏻🫶🏻🫶🏻🫶🏻，當日轉什麼學校都係同佢有商量，佢英文好，成日睇西片，當我哋問佢怕唔怕適應好西方文化嘅環境，佢都自信地話冇問題，我哋叫佢多參加課外活動同運動，佢都話冇問題，去interview 後重話好鍾意間學校，但返學嘅第二三日就面色沉哂… 學校其實幾好，有安排同班同學做buddy, 但佢又覺得個buddy 個type 唔係好係佢個type, （因為好sporty 好care free) 之後老師亦有同佢傾什麼性格嘅同學比較傾到，老師亦介紹咗一兩做文靜少少嘅朋友俾佢，我覺得學校算係好好，我覺得阿女想唔到現實學校唔係好似電視劇情，佢以為喜歡睇西片等於自己好西化⋯⋯
其實我哋好多野都同佢有商量，但佢嘅思想不停地變，佢成日challenge 點解要上history ， geography…. 我到大學都唔會選，又話返學好悶，又話老師冇預備…. 自己係屋企自修更快… 佢想法好似有文有路現在社會知識通訊發達，小朋友喺網上學到嘅嘢好多，成日覺得自己乜嘢都識，但係就欠缺左生活經驗，青春期又唔係好聽大人嘅意見….
我細個其實都成日講呢啲嘢
5個讚
當年我細佬都係咁
中二就情緒病
成日唔返學
現在3X歲人
成日唔返工
無份做得長
真係咩醫生都看過
現在處於放棄狀態
希望你可以好好盡早處理
唔係 真係一世
3個讚