現在四周圍搵資料，如果要自修或者home schooling， 又或者小班education centre , 有冇適合嘅安排同選擇，我女應該適合考IGCSE… 至於社區中心，唔知有冇好嘅青少年小組或義工活動適合13歲可以參加，建立學校以外嘅朋輩圈
我親戚也有類似情況，最後只留在家中，所以好怕做錯決定
作為過來人
要佢明白好多事避到一事避唔到到世架
要解決得一個方法就係面對
因為冇野係一世 所有唔習慣都係暫時 適應左就冇問題
2個讚
估唔到咁普遍
1個讚
佢講嘅野似乎反映佢現時返學情況不符合佢的期望。
點解會覺得情緒病，醫生確診未？
你試下細心分析下，因為處理方法不同。
如果只係有D科目佢唔想讀，叫佢著重自己喜歡的科目，不要太大壓力，唔係個個人文科理科都叻。或者揾佢鐘意嘅興趣，轉移下佢嘅注意力。
但係如果真係情緒病，真係要小心，有D人就係果一下壓力/經歷就爆左，你唔會知或者估到佢承受到幾多。如果己經有情緒問題，我認為先疏導下會好D，不要急於要佢承受壓力。
你自己都要放鬆，不要太擔心呀！
2個讚
已經由醫生確定咗為焦慮症，正每星期見心理學家疏導佢嘅問題，佢比較固執，都有解釋過可以將焦點放喺唔同嘅科目同活動上，但仲係好抗拒返學，好多時放學後都好容易疲倦，之後果一兩日就好容易想逃避返學….你講得好啱，我要學識放鬆去面對呢個情況！
1個讚
我同你分享一個最近遇到情況，又係初中爆情緒，學校又好好做多方調適，就算考唔到試都俾佢升。。。但都好無動力返學。有社工就s5幫佢報個廚藝班，點知一試就愛上，反而有動力返學，就係迫自己捱到畢業同父母有個交代，自己就去學廚。而家仲走去做part time ,仲同人講返工好開心，同佢英文又唔差，可以同外國廚溝通，明白以前點解要返學。
其實真係要幫佢哋搵下人生小目標，唔好dream big, 但俾佢哋搵一個小目標，成功感而向前行。
15個讚
It’s not easy to transfer from local to international schools. The academic pressure may be lessened but your girl needs to adapt to a brand new learning mode. IS girls are very outspoken and given the anxiety background of your girl, it’s really not easy for her.
I think nth is more important than her well being. Keep seeing psychiatrist and don’t force her to go to school if she finds it suffocating.
Tell your girl that there are many types of schools. If she can’t cope with this one, there will be other choices for her.
Support you and hopefully things turn out for the better!
6個讚
我係剛剛發現呢個forum, 係度收到各人嘅分享、意見同支持，真係令我舒服左🫶🏻
8個讚
你囡囡情況好似我朋友個女，佢係B1A女校，中一時成績都唔錯，但中二開始插水，中三左右開始唔肯返學，睇咗又係你囡哩個病，之後斷斷續續唔返，有諗過安排轉校，但佢又好鍾意自己間學校，中四停學咗一段時間，學校俾佢返去重讀中四，但朋友都升晒班，加上學習上真係好吃力，結果都係要退學！之後出去讀吓英文、學跳舞等，病情都有好轉。但見同學都預備考DSE，佢又好想升大學，所以響父母要求想去英國！但我朋友問過agent，agent叫佢唔好搵一般寄宿學校，因為冇父母響身邊，驚佢GCSE、A-level會捱唔到，話哂都係公開試，始終有壓力，而且佢入學時都18歲，擔心佢同15、16小朋友一齊讀GCSE會唔適應。
後來響搵到間轉幫留學生升大學嗰種小型foundation 學店，起初諗住中四都冇讀完，就安排佢先讀一年對應係GCSE程度嘅課程，之後至開始上foundation 。我朋友諗住萬一個女真係支持唔到，咪當過咗一年外國生活體驗算！點知呀女入學之後，識咗幾夾得來嘅同學，非常開心。老師初步評估佢學術條件，唔洗上pre-foundation ，而且佢英文又好，考IELTS 已經有7分，再過咗一個學期，佢所有科目分數都達標，連學校都建議佢唔好嘥時間讀多年foundation ，因為佢應該夠分透過UCAS入大學。
結果佢真係入到間二線大學，而家year 1，正當大家都以為佢已經變返正常女學生一樣時，sorry ！佢同呀媽講響大學識唔到朋友，好唔開心，成日喊，而家我朋友好擔心佢個病又發作
5個讚
睇到你朋友個case, 真係感同身受，我女現在都係話鍾意以前間學校同啲同學，因為老師教法好清楚同系統，同學好友善，可惜佢知道佢冇可能轉返舊校，因為學習壓力太大…. 初初睇到你朋友個女係外國識到新朋友好開心真係替佢好開心，真係好可惜，佢到大學又遇到困難
青年人每過一個階段都唔容易…. 佢18歲？
香港唔止大人壓力大，而家d教育令到小朋友讀書辛苦過返工又唔夠休息，命仔緊要，同佢傾多啲偈，唔好鬧唔好Blame佢，再諗吓辦法，可能試下早d出嚟做嘢
1個讚
就算唔返學既日子，都要同佢去做運動
1個讚
而家應該有20，我都希望佢捱得過去，佢之前又係唔知自己將來想做乜，好難得響英國搵到自己人生方向，讀到自己鍾意嘅科，但哩科好冷門，香港只有一間有開，佢都知哩科響香港搵唔到食，所以都想將來留響英國做嘢可惜哩個女仔適應力似乎比較弱，之前嗰間foundation college 好細，師生比例對SEN學生的確有幫助。但上到大學就唔同哂，冇哂之前班朋友，仲要乜都靠自己！有D好簡單嘅嘢，例如搵唔到課室，佢會失去方寸！只要覺得唔係佢預期，一時間調節唔到，個人就變得好騰雞，又喊又亂諗嘢，乜嘢焦慮都出返晒嚟⋯⋯
2個讚
建立學校以外嘅社交圈子係好事，但我覺得teenagers 唔識合同佢做朋友，感覺佢自以為自己識好多嘢，比同年嘅同學成熟
佢接唔接受上興趣班/運動班之類，可以比佢結識成啲年紀大啲嘅人，等啲出嚟社會打滾過嘅人教吓佢點樣做人處事都好
我自己打咗10年泰拳，由少女打到變中女
我覺得呢個運動真係幾好，既可做運動又可以舒壓又可以識到朋友
你問吓女女有冇興趣，可以介紹去我相熟師傅度上堂，佢果度大人細路都歡迎嘅
2個讚
對症下藥
女女似乎是一個 deep thinker and deep feeler, 有無了解過高敏 HSP:
看完有共鳴的話，可試試做 HSP test
我想你朋友應該感到好痛心，一路陪住個女行一條唔平坦嘅路，見到個係外國找到目標、有朋友，生活開心，終於鬆一口氣，但到現在又見個女遇上問題…… 你朋友係咪都係外國？定只係個女留學？如果係，外國有冇社工或輔導之類？想像做父母一定擔心到….
睇完我覺得自己中咗好多
第一次知呢樣嘢
3個讚
係呀，好多都好似！我女個心理專家都有提到我女好sensitive ,對好野好敏感，我女成日諗野，諗到好遠，佢叫我女去諗下短期想體驗嘅目標