小朋友食唔到蠔
食巴西堅果得唔得
我小朋友兩歲時25%，醫生都話佢係細粒，一向都係同齡嗰堆最細粒嘅，去到4歲時跌到3%左右，返健康院姑娘覺得好嚴重轉介俾醫生，但醫生睇完，就問返我本人細個係咪都好細粒？
咁又真係嘅，我自己細個都係食極都係細粒，係去到發育期突然脹爆
反而個醫生覺得唔駛太擔心，佢覺得小朋友都係生長中，只要自己睇住有冇增長都ok，佢話遺傳好有關，既然我都係高小先突然長，佢覺得我小朋友好大機會都係咁。
我都有問醫生如果有問題會點做，佢話如果真係有需要，就會轉介去醫院，去做啲詳細血液檢查睇下身體係咪缺乏咗啲嘢。所以如果樓主太擔心，可以問一問健康院有咩可以做。
睇完大家講，我覺得睡眠真係大影響，我小朋友濕疹，所以睡不好，不過最近好瞓咗，真係覺得長高咗咁，樓主都可以留意下。
1個讚