很多爬文說兩歲的高度大概就是成人的一半。
小兒只有79cm, 不太喜歡吃，常常晚上都會醒來，出生已細粒，身高一直都在3或3%以下。
知道也有遺傳的因素。
到兩歲了，好後悔無全力谷他生長。
也明白擔心沒有用，但心好痛。
大家曾用什麼有效的方法幫助孩子增高？
呢個係有研究定傳聞？我老公以前細個勁矮排頭幾位，而家18x，所以我覺得呢個講法唔準。
我覺得增高最好方法就係做運動，做運動會肚餓，自然會食嘢同長高。
4個讚
飲多啲奶
你同爸爸幾高？
其實佢都只係2歲，男仔高到20歲，來日方長，大啲去游水打波就會長高。
3個讚
除咗樓上講嘅飲食同埋運動之外，我覺得睡眠都好重要。純自己同身邊朋友經驗係話連續瞓勁耐中間冇醒係會有幫助。
有個高中姪仔前排停課冇返學，冇出街，冇嘢做就喺屋企狂瞓，喺冇正常運動之下之後就標高咗。我幼稚園小朋友又係有一輪鍾意連瞓12 個鐘後高咗。所以都可以多留意睡眠質素，daytime 如果曬唔到太陽都少接觸藍光，尤其睡前，夜晚瞓覺房間環境要幫助製造多啲退黑素改善睡眠質素。
2個讚
應該係統計，用成長曲線去比較。好多人都唔跟成長曲線嘅。
我以為係當時嘅自己出post
我小朋友K3得95 cm
當時好多同學都過110cm
呢傢四年級、就125
當年睇過中醫、話小朋友唔食野、或者食左唔吸收、其中一個原因係「脾胃」唔好、要飲下「健脾」湯水、食下鮮淮果類「健脾食物」、你不如睇下信得過嘅中醫。
我自己有日日同佢曬太陽、最少都10-15分鐘、又日日比佢飲奶、食nuts 會特登煮蝦仁炒蛋、六七點食完飯會落街踏單車、報左跳繩班（但佢跳幾下就停）、甚至朝早搭校車前、會早十分鐘同佢落樓下迫佢跳兩下繩。
9點半全屋熄曬燈
佢細個訓得唔好、一兩個鍾就醒
去到小二先好啲可以訓天光
（其實我又唔明、有朋友仔女11點訓、食零食正餐多數外賣、甚至打機打到半夜兩三點訓、都生得高大、六年級有160）
放假都會去行山、夏天會報泳班遊水。
我都唔知仲可以做啲咩、希望青春期追到。
3個讚
四年級陪一齊打波，積極運動加游水早睡早起 ，互相配合點有成績
2個讚
我唔太熟, 但係聽過有啲小朋友可以去打生長激素。小朋友有冇去睇過西醫呀?
有呀、上年仲睇過兒科
醫生話咁呢幾年長高都係每年5-6cm
係正常範圍
話冇野好跟
我問過生長激素
當時佢過答覆係比本身唔夠分泌嘅人打
咁佢呢傢係有高
即係有分泌
咁就冇咁嘅需要
只係細過高得少
可能係早發育…
我小朋友細B, 但係班最高個幾位，我反而好擔心佢早發育…….牙又早換…
但佢個女未嚟M傢
佢仔女都係K3開始都大隻同高，講緊零運動，長期街都唔會出咁滯
但有時約佢去公園，玩下波，大小肌肉好明顯都唔係弱
可能天生個底好
都明白，又冇得下下CHECK實，只能夠生活飲食自己注意多啲
1個讚
放鬆些
盡力而為
小朋友在大的壓力下成長，都會影響發育
放鬆啲，生長線係參考，佢低左你多留意係岩嘅，如果有提供足夠食物同空間俾佢郁，佢食唔食，食幾多，吸唔吸收，爬唔爬，跳唔跳，又唔使攬哂上身
高唔高遺傳係好重要因素，講緊唔只係父母，係兩個家族，不過如果父母自己本身都唔高，都真係要降低期望
同埋佢咁細，大個啲培養佢做運動
男仔好多時都係升中先開始突然標高
1個讚
其實我個仔都好細粒，依家中二先得160
佢由細到大都大運動量但唔算過量嘅，籃球、游水、跑步、足球、羽毛球、拉丁舞，總知keep住有運動。瞓覺基本中學前都9點半瞓。中學就10點左右。食，我都盡量煮佢又無乜揀但都唔長高
依家我睇化了，佢健康已經無價。
3個讚
食固食成點？
活動發展能力OK？
我女都好細粒,生長線得5%,學童保健話下年無改善就要轉介醫院
我仲要幾高下,同個女一齊D人成日誤會我女仲好細個
1個讚
果D一打要打幾年,日日打一針唔係個個接受到,我有朋友既朋友政府跟進,俾佢打佢呀媽都拒絕左
可以睇醫生評估,你小朋友有無過重?