我就係生得唔高、去學童保健、姑娘呀醫生呀次次都會望一望我、然後話媽媽其實身高遺傳都有影響…
但好多朋友同我差唔多高、甚至矮過我嘅、都係爆生長線
97%身高，95%體重
應該無過重？過100%先叫過重吧
但佢有個肚腩仔…
1個讚
我小朋友一年級果陣、啲人以為k1
身高主要都係睇父母基因，除此之外睇埋父母果邊有無人矮
我女7歲小二, 現在只有109cm, 又係3%以下, 但睇詔私家同政府都係話爸爸媽媽都矮其實小朋友矮係好正常。
我一直一有時間就同佢去行山, 盡量做戶外活動, 但我女唔鐘意食野, 唔算瘦但成日食幾啖就算. 而且佢有口腔敏感, 一切新的食物, 飲品, 刷牙, 面霜都好抗拒。
前兩日見到有台灣媽媽分享佢女兒小三開始食一種中藥的增高藥, 一年半高15cm, 好心動, 但中藥阿女一定唔肯食, 惆悵中。
1個讚
但會唔會有激素果啲呢
始終女仔飲食都要小心
我見台灣人會煲「長骨湯」、好似有田七
話發育時期比小朋友飲
不過我就冇深入了解過
我自己一星期煲兩三日湯
兩次滾湯
一次四神湯、五指毛挑淮山、陳皮水鴨果類健脾開胃湯水（買湯包）
我覺得長期飲食野係食好左
我小朋友都係高敏、又係食嚟食去都係果幾樣野
我是矮的，爸爸是正常，我都預左仔仔不可能高，但現時比預計再矮一點，一直追不到3% ，所以好傷心。
好似我個仔，佢又係有一段長時間，每一兩個鐘就醒一次。而家叫做好一點。
多謝你嘅分享，令我感覺有同路人
謝謝各位的建議
如果係女仔，我就冇咁擔心
女仔高矮唔緊要，最緊要唔好肥
食呢啲都怕有副作用
雖然無過重,不過都接近100%啦,我朋友個女早發育,醫生話過重係主要原因
我比較遲高,所以都唔係太擔心我女,我中二先開始高
1個讚
吸收多啲蛋白質，我女係會每日食兩隻蛋，行出嚟大隻㗎佢，不過參考下嘅啫唔好比較，個個出世都唔同磅數，根本個起跑線已經有分別，睇住自己 BB 跟唔跟到自己條線就可以 
主要係見到佢話中藥, 所以覺得係天然野. 不過因為係中藥我女100%唔會肯飲(平時都唔肯飲水), 所以有效都無我份.
太早發育唔好㗎，我就係人板，屋企人冇乜點理我，細個成日好夜瞓，零食放題又打機煲劇，我六年班就有160仲要我係女仔，高過晒啲男仔咁滯，但係成個中學完全冇高過，中一條校裙著到中七
希望你朋友嘅仔女唔會好似我咁樣啦
留意下係唔係深層睡眠質素影響? 幾點瞓故然重要, 瞓得夠唔夠深層又係另一個問題。
人體的生理時鐘，晚上10點至淩晨2點之間屬於深度睡眠期，也是兒童分泌生長激素的高峰時段，這段時間內，生長激素不僅會刺激骨骼生長板，還會修復肌肉、腦神經等組織，使人恢復活力。 若孩童未能在此段時間進入深度睡眠，就會導致生長激素的分泌無法進入上升波段，即可能影響兒童的身高發展
1個讚
我仔而家未夠21m，13.x kg、89 cm
出世4kg+ 到而家都係90-97% 生長線，我老公本身都高大 100kg、193cm，所以覺得個仔只係似佢，加上佢可以夜晚連瞓11hrs、9 成時間深層睡眠。
不過醫生只係叫唔好比太多嘢佢食，因為佢食量真係好大，其他冇乜問題。
1個讚
我矮同細粒，我老公好高大，我女似我都係好細粒
由bb開始身高都係5-10%身長線左右
依家3歲都好細粒
日日曬太陽出街玩最少2個鐘，食嘢幾好特別鍾意食肉都無用
基因係主要原因，只能盡力谷
首先身高被DNA上限,佔70%重要性
其餘30%係曬太陽吸Vitamin D, 有足夠Ca 同Protein
而激發成長係Zn(蠔最多, 帶子蝦得少量,魚要食超多先夠），重要Iodine夠,甲狀腺正常就會激發生長
之後最緊要運動
其次， 血要有足夠鐵去傳氧, 食牛肉波菜,…
1個讚