你地小朋友嚟到英國後有冇繼續學樂器、運動、畫畫等興趣？
我小朋友係香港學double instrument, 嚟到只繼續係學校學小提琴，冇再學鋼琴，亦停了學畫畫同田徑
佢近排提過下想學返鋼琴，我都想佢繼續學，佢有5級程度唔再學好似好可惜咁，但首先要買部琴，我唔識揸車一定要搵個近屋企嘅老師⋯好煩腦
我仔無，香港有返數學班（佢自己要求）, phonics班，畫班，嚟到無繼續，反而去咗學騎馬
佢好鐘意，仲想去學足球
提外話，英國普遍對數碼鋼琴接受度高於香港，可能佢地覺得鋼琴很佔空間，而且一般屋仔都係千多尺。佢地覺得數碼琴慳位又方便晚上練琴。
其實鋼琴唱歌要搵附近老師都唔難，反而Brass真幾難搵。同香港一樣。另外Covid後多左老師轉online教
我小朋友响香港咩都冇學，冇時間，反而來到英國好得閒，响學校報左Keyboard, 買咗個琴响屋企比佢練習
violin, 過到嚟考埋4級就唔想學，現時跟學校免費學緊，但唔願練琴，學校叫佢去樂團，佢都唔願去…
畫畫，學校無活動，想幫佢揾，但唔知點揾畫班
跆拳ITF，揾咗一批，揾到個黑帶3段，但阿仔係黑帶2段… 最後轉咗個黑帶4段，但時間/位置唔好，搞咗一排導師先話：佢地唔興咁細個考黑帶，所以最快7年後先會俾佢升3段… 我另外知道一位HK媽媽會由韓國移居uk，佢個仔好似得11歲，韓國ITF 黑色3段定4段… 佢話嗰邊係咁… 所以佢都好頭痕
有呀，除咗星期五外日日都有。我哋council 可以申請老師去學校教琴，價錢唔平，不過就唔使自己頻撲。
我哋都喺鋼琴老師推薦下買咗digital piano。我個人覺得純為小朋友多樣興趣其實ok。至於有人話學壞手勢，唔識彈真鋼琴我有少少懷疑，始終宜家digital piano 都有weighted keys。
2個讚
你council 好好
我中部county council 只提供online teaching
仲要申請左三個月都未安排到老師
雖然係
但真係有明顯分別
老師冇推薦model，我完全唔認識鋼琴所以穩穩陣陣買咗Yamaha YDP-165。我揀完之後有問老師意見，佢話有84個Keys、有weighted keys 就OK。
1個讚
我買咗Yamaha YDP-165。我冇認真睇過Acoustic Piano 價錢，但上過Yamaha website 見入門級都過萬鎊，反而digital piano 一千幾百就有。要我買一部過萬鎊鋼琴我諗我有排諗，咁樣又耽誤佢學習，而家買咗digital piano 我覺得我嘅決定非常正確。
1個讚
我對鋼琴零認識，所以真係唔清楚。但呢度啲Acoustic 鋼琴好貴，而我又唔清楚小朋友會學幾耐鋼琴，我對佢期望亦都只係希望佢識一樣樂器，所以digital piano 已夠用。
唔知你可唔可以講多啲？
我買咗kawai cn29，本身唔識鋼琴，都係睇online review買的
小朋友上緊council到校嘅鋼琴班，剩係用1本琴書，同香港一次過3本琴書+每星期練幾首歌嘅模式好大分別
初學就真係唔好買鋼琴住的，因為真係未肯定佢有冇興趣 / 肯唔肯日日練，
我仔買咗數碼琴，但只夠佢考到三級 （中途如果有考試或者比賽就要book 琴房練）
老師話digital piano有啲model用到考8級，stage performance都有用，有wooden keys and real actions，當然會貴啲但都比acoustic piano平
我小朋友係香港用acoustic piano, 依家打算買digital，呢度啲人好早瞓，怕佢晚上興緻起想練會嘈到人
講就話可以考到八級
我買嗰陣時個都係咁講，但係用落就知唔得。
不過concern到唔好嘈到人
買digital都係好好嘅原因 
係呀，貴少少就有呢個function, 老師都建議我哋買
好奇一問，如果有香港老師大家會唔會搵香港老師教定一定要搵番local教，假如學費一樣？
Yamaha 有啲琴有silent feature, 怕嘈到人一流。如果我喺歐洲會揀個歐洲琴試下，可能都會有。
我仔仔嚟到英國有繼續學琴。
新學嘅有空手道和游水。