我親戚經驗，係local 老師好hea (跟學校，council派個啲），最後佢搵左鄰居一個嫁英國人嘅大陸人教，佢話教得好太多
咩科？聽到有香港街坊搵返香港老師教數學、英文就真係搵local 吧
課外活動係搵council 安排嗎？
我覺得有可能係要求問題。香港或亞洲家長成日都要有成果（即係考幾多級），而且係短時間內見到，但咁樣無可避免就要催谷、練琴，除非細路真心鍾意，否則就會令到佢哋失去興趣。我情願老師慢慢教，最重要keep住佢嘅興趣，唔好反感。
我識一個本地year 6 都只係2級，我相信香港家長會覺得匪夷所思。
唔係所有活動， 只是音樂（包括唱歌）。我應該講錯咗，唔係Council 應該係County。我哋County 有個專門關於音樂嘅department (?)，可以申請老師到校教，老師會喺課室時間pull out 小朋友出嚟教。
至於其他活動，例如足球、劍擊、畫畫、street dance etc就after school club。
網球、籃球嗰啲就出去學。
我女跟council嘅老師學，佢自己亦想local老師教，老師有主動提出話佢可以考級，不過佢想我女可以少啲壓力下去prepare，話佢而家小學仲係好細，唔需要急因為已經高於一般小學生水平，慢慢學預備充足下，target再下一期個試
呢度小學生好多都未考級或只考了1-2級，老師家長心態同香港都好唔同
1個讚
我親戚！！
其實太慢一樣會磨滅興趣，我親戚跟學校學左4/5年到，就係見個仔學到無乜興致咁，又見新鄰居教先決定轉。而家考到2級個仔又有返啲成功感，都係好事嘅，人夾人吧。鄰居住左英國好多年，唔會好似香港老師咁pushy, 又唔會好似local太free, 所以啱啱好掛
1個讚
以一般香港家長心態去睇可能係hea
呢度學樂器唔係為考級，主要為培養興趣同for fun, 唔會好似香港咁彈得唔好就鬧，仲捽埋家長要跟緊啲
樂器同畫畫
我小朋友有學樂器，council安排老師去學校，方便好多唔使帶又唔使夾時間
另外有上after school club，choir, gymnastic, badminton全部免費
第一次聽、我都去了解下先
呢度學嘢無咁方便、小朋友插班學校既after school club 都開了、waiting 中
初到英國會覺得好難搵到課外活動，但其實佢哋好多嘢都有，上網搵下、問吓啲家長就會搵到。
話說，我小朋友來到英國，Y7先開始學Keyboard, 佢同香港同學講，佢而家學Keyboard, 個個第一時間問佢，佢考到幾多級，好似兩個野掛鈎咁。
剛剛學校安排同keyboard 老師zoom, 老師問我哋想唔想考試，我話比佢學for fun, 冇諗住要考試，老師都話冇所謂
英國學樂器會唔會學費同考級掛鈎？同埋如果大人想學可以去邊度搵？
我屋企附近有個嚟咗英國好耐嘅大陸人教鋼琴，佢website相片全部係學生考級成績，坦白講就算佢教得好好，我都唔會考慮，係香港已經chur夠，嚟到英國放過自己同小朋友吧
真係睇小朋友，有啲對自己有要求，咁就不妨谷一谷佢。好似我嗰個咁，求求其其嘅，我就最好放任佢。
4個讚
Yes 我個大嘅直頭由佢，放棄樂器啦
我小朋友主動要求想學返樂器，不過佢話唔想考試，我由得佢，反而依家佢好主動練習，仲勤力過係香港要考級嗰時
我為呢件事同老公爭論過。
我俾小朋友學琴，係純粹想佢少啲screen time，一直都無點叫佢練，由佢自己嚟。
有一日，小朋友話唔想再彈，咁都無咩所謂。但老公反對，覺得唔應該半途而廢，仲罵埋我都係個半途而廢嘅人。佢話至少考個級。
我就梗係火，話返佢邊個途廢咗？我嘅目的係少screen time，唔彈琴可以去踏單車/踢波，都係呢個途，無廢到。你想仔考就自己迫。
然後佢就話我無用，迫唔到個仔。佢覺得音樂對小朋友好重要。我唔識音樂，叫佢，佢覺得重要就自己迫個仔做。
個老師香港人，收港幣，喺香港仲有成壇remote教琴生意。
2個讚
香港老師一定會要求考級，因為升一級就可以加學費
考唔考級除咗睇有冇需要之外，仲要睇下個小朋友肯唔肯為咗考級不停練嗰三首考試歌，預備考試起碼要幾個月＇其實係好悶㗎，幾個月都不停磨住嗰幾首歌同scales