我奶奶朝早六七點就起身洗衫晾衫，仲要整一日三餐(佢自己鐘意無人迫佢)，麵包都自己由麵粉整起，要返工仲要買餸。煮飯會洗埋碗。同佢話請工人嘛。
不過到時再算啦，我覺得佢哋係挨得既人。相反我媽講明唔湊。
你奶奶好堅喎
你奶奶我覺得正野嚟
只要佢唔係太干涉你哋屋企
係痴身啲我覺得可以接受
係呀，其實睇到網上面其他人講既，我覺得我奶奶已經好好，雖然一定有觀念唔同，但起碼佢唔係心地唔好既人。
佢除咗有表示想抱孫（我老公有做中間人話我哋有分數），其他都無好干涉，但有時會過度關心
我老公二十尾佢都仲驚佢食唔飽著唔暖，我媽唔會驚呢啲。
係呀，真係傳統女性，我自問真係做唔到。
1個讚
我奶奶同你奶奶一樣咁堅，佢仲會去我屋企換床單拎返屋企洗好再上嚟換
但係8年過去，佢身體真係頂唔順，腰又痛腳又痛
我同老公宜家係唔准佢嚟我哋屋企幫手做家務，怕佢有日整親行唔到
其實後生無人叫奶奶做呢啲，個個都自己識食飯做家務，但反而係老爺大男人，奶奶又太鐘意家庭主婦呢個角色先成日做好多。但無影響到我咁我就唔理，哈哈。
我唔鍾意人哋搞我屋企啲嘢，同埋我會要老公做同我一樣份量既家務，我唔想奶奶做左我老公個份。