因為同99住唔開心，父母叫我地三口子搬左返娘家，短短幾個月老公同我家人好多磨擦，老豆同我細佬唔做家務，老公話養到細佬成個大食懶，佢已經出左黎做野。
1 我媽好多生活習慣同我老公唔夾，
我媽做每樣野都要好耐，做野好慢，佢鐘意有啲衣物手洗，長期係廁所洗野，排隊用廁所好耐，家務方面老公話唔洗我媽做，因為見佢太慢同佢做親家務好浪費水，水費超貴，老公同我分擔左好多，但媽媽硬係成日插手幫我地做，有日媽媽又幫我做，老公見到話點解唔俾返我地做，
2 兩老都好寵孫，我地兩公婆教訓緊佢，佢地又黎錫，早上返學又要幫個孫換衫著鞋，我地多次話唔洗佢自己識做，佢又要做，
3 老人家又有浪費用紙既習慣，教個孫咩都用紙，例如按lift,每樣野都要用紙墊住，每樣野都用紙抹，小朋友而家真係大量用紙，每樣野我媽都話好污糟，老公見到又好唔鐘意，
4 我媽係一個超鐘意講野既人，老公話佢把口由朝到黑唔識停好煩，因為佢係好鐘意同人傾計既人，可能佢樣樣同99相反，老公唔習慣，
而家老公同我媽面阻阻，我媽最近見老公放假仲寧願日日出街，我媽話覺得老公根本唔錫我，我話唔係，我地一向感情好好，而家對住我屋企人先攪到大家感情差左，佢地仲話我老公成日黑面，好似兩老要靠佢過活同住緊佢屋咁，我而家真係仲衰過同99住，好煩惱，但講到搬又未有能力.
冇能力就忍住先，到有能力先
又或者可唔可以咁，係娘家附近租屋，如果阿媽肯個仔俾佢湊，收工先湊返，唔請工人都慳返一大截
2個讚
你講既無能力係連劏房都租唔起？如果係咁都無咩意見可以比 一係就你老公忍 一係就搬返去99度你忍
20個讚
咁你老公知道同非原生家庭老人家住幾難頂啦而家
搬出去細細地租屋得唔得？如果唔得就一係佢忍一係你忍
唔好生第二個
16個讚
最好解決方法，搬出去住
你都唔想個小朋友日日見到媽媽或爸爸成日抱怨同發脾氣
其實二邊都試過同住都唔得，唯一方法只可以搬出黎，唔係仲可以點
12個讚
搬唔到嘅話，就要加強自己一家係寄人籬下嘅概念，樣樣都想維持返本來嘅習慣同家庭教育，樣樣都想改變娘家思想同習慣，幾好相處都假啦，咁落去無一個人會開心。
13個讚
其實都無咩意見俾到，一係老公+父母忍，但俾我寧願自己忍，如果奶奶唔介意就搬返奶奶度
你兩公婆同6299又相處唔到
詳細情況點你冇提到唔知
同外父外母又相處唔到
你講嘅野就幫住晒老公，淨係怪自己屋企人麻煩
我建議你同老公去見婚姻輔導
2個讚
兩個人都返full time，點都夠錢租間平屋，搬出嚟啦
2個讚
咩叫無能力
無能力又要結婚又要生
但又要寄人籬下仲咁多要求
你爸媽養到你咁大，仲要睇你哋面色，明明喺自己屋企，真係慘
你哋咁多要求咁要樽鹽，就搬la。無錢劏房都要住㗎la。大人小朋友洗費 cut 得就cut。老公返兩份工。我唔信咁樣搬唔到出嚟住。
29個讚
1）叫你老公唔好理細佬啲野，關佢咩事？
2）阿媽鍾意洗野咪由佢洗，洗得慢都無計，無理由你老公要阿媽改變咁多年年個模式架嘛？你地仲要睇唔過眼話幫佢洗，係咪有強迫症 
？ 呢個日程可能係老人家打發時間，你唔比佢做，咁淨係想佢坐喺屋企？
3）鍚孫都唔得？10個有9個老人家都係縱架啦
4）用紙又唔得？好大問題咩？老人家鍾意乾淨、衛生意識強係好事嚟㗎喎。
得罪講句，覺得你 / 你老公太多事 
9個讚
其實成家立室後就最好唔好打搞到父母喇，同住一定多磨擦，情願其他地方慳d 都要搬出黎住，住大西北又好，住細d 又好，只要降低要求點會揾唔到。
10個讚
個意見就係你同你老公唔好對人咁多意見
自己冇能力要靠老人家就唔好阿吱阿咗
16個讚