總有有人係好似你奶奶咁歡迎，但亦都有唔少係被迫。我識嗰個個奶奶都係鍾意湊，但事實佢仔一家係無獨立能力，個新抱見奶奶湊得咁開心就完全唔理，自己日日玩電話，個仔就扮睇唔到，喺Facebook做到一家五口樂也融融咁
我小朋友細個果陣
其實有啲羨慕同長老住嘅朋友
又唔駛趕返屋企
返到去小朋友已經沖好涼食好飯
兩公婆間唔中又可以拍拖食埋飯先返去
係冇左私人空間
呢傢朝朝送小朋友落街搭校車
見到鄰居係老人家湊落嚟
都羨慕人地就好啦，可以訓晏啲
雖然人地可能係夜收工先起唔到身
1個讚
世事冇完美
有得必有失嘅
1個讚
始終係兩家人發展成三家人，呢啲要慢慢磨合先得
其實真係有好有唔好。我自己無小朋友但有幻想過有小朋友既情景。
自己湊雖然係辛苦，但小朋友一定係跟父母觀念長大，有一家人感覺。老公會多啲機會involve湊仔。
如果有長老幫手，一定多啲me time有時無咁辛苦，但可能長老會有同父母觀念唔一樣，到時就要嘈話唔可以咁教細路啊，唔洗著咁多衫食咁多啊blablabla，同埋有時一家人event會變到長老成日出現。
所以食得咸魚抵得渴啊
係呀，所以我覺得好似錯配咁，同好似得亞洲父母先係咁，其實我buy外國個套，小啲巨嬰。
其實我覺得人係被迫長大，例如無人幫，佢就自然會識湊仔or at least諗辦法。
係呀，但我爸媽太有自己生活，但老爺奶奶就勁傳統，只鐘意處理家庭事務，唔會自己去玩個啲，一定要癡仔女。
我奶奶直頭話想成日見我爸媽，姐係三家人一齊玩，但係我爸媽鐘意做個啲同佢哋唔一樣，例如我爸媽行個啲山太hard core。不過有時都會一齊食飯，可能三個月食一次？其實咁樣算唔算密
冇人幫就會自己死死氣去處理返
不過我有朋友長老中途病左幫唔到
自己接返啲細路
湊到抑鬱、日日乜都做唔到、自己呢埋喊果隻
2個讚
可能佢99當時都有呢個諗法
一家一主靠自己觀念
樓主已深潛
陰公，寵孫唔得連響自己屋企洗嘢都俾個女同女婿厭棄
你搬啦好心，兩個做嘢都「冇能力」搬出去係咩玩法
2個讚
都係是旦同其中一家人住，邊到對你哋嚟講無咁難頂就搬返去。
但同得長老住就一定要隻眼開隻眼閉，任何人都唔可以干涉，或者試圖改變人哋多年嘅習慣。
有冇資格申請公屋？申請左先，等七至十年都起碼有個希望可以搬走。如果無資格就努力儲錢，一夠錢就揾地去搬，劏房/大套房都照搬。
搬左之後你會發現地方雖小，但自由度很大，三家人都會變得和諧。
女GEI頂唔順男家, 男GEI頂唔順女家
一係搬出黎
一係各自返自己屋企
4個讚
要睇你奶奶身體好唔好，價值觀同你接唔接近…
我仔出世前已知老爺奶奶想湊，所以8年來無需請工人，不過佢哋屋企細，我哋又有能力，所以係分開住，山上山下咁，相隔十分鐘車程。
我哋星期六日一定自己湊返，等兩老有得休息同有啲私人時間。
儘管如此，8年嘅湊仔生活令佢哋老咗好多，現在奶奶已無能力日日煮飯…最終我哋都要接返個仔自己湊。
鐘意湊係一回事，有無能力湊又係另一回事…
1個讚
奶奶身體唔算太好，但宜家仲有返工做家務，有啲老人家都有既關節痛，間唔中氣管敏感咳。佢哋話湊但都會請工人。老爺會揸車但都老左，有時會頭暈。
佢哋兩老好鐘意返工，星期日我老爺都會走去返工做啲生意仔。所以能力就應該仲有既，但係我仲未諗掂。價值觀就一定有代溝架啦，所以近排都覺得做老婆好多野諗。
我覺得我老公係孝順嘅，佢會間唔中叫埋老爺奶奶去酒樓食晚飯，一家人輕鬆下。
Yes 我媽當年一力承擔湊我仔，到細女時佢話無能力湊兩個，要請工人。工人到步後，佢話早知大仔一出世時就請，有個工人幫手佢頭個兩年唔洗咁辛苦。
肯請工人咪好囉，我奶奶嫌工人做嘢懶，請過鐘點但俾佢逼走咗…每次鐘點嚟完就同我投訴個鐘點做嘢求其，請咗仲衰過唔請 
湊仔辛苦過做野