謝謝你的分享
我仔仔就係冇乜音，又少BB話，我想問你點發現BB有痴脷筋架？
我仔仔又係遲講野，去到2歲進步都好慢，得極少量單字，出街仲要唔肯講野。問過兩個醫生同言語治療師，都話仔仔冇大問題，個延遲係可以接受既程度。但我覺得佢始終太慢，我擔心到都上黎問過其他媽媽。
上個月開始 (27M) 言語大爆發，到而家每日都會多1-2個字/詞語。佢講句子仲未好叻，只可以配搭唔同詞語，勉強表達到意思，仲係中英夾雜(我冇呢個習慣)，但目前既進步我已經好收貨。
題外話，我好耐之前鼓勵佢講野，同佢講: 媽媽好期待係你訓之前，同你係床上傾計架。呢個星期，佢真係臨訓前好努力同我傾計，眼訓到合眼都要應幾隻字。原來BB係有將自己既說話放係心!
我覺得個個case唔同，問下唔同專家意見，專家都話可以等既話，就等下，始終佢地見BB比我地多。
2個讚
我個仔頂唔順呢套，佢好受傷，而且愈硬頸唔講野，寧願自己搵方法要到想要既野，所以我都係等佢happy時先鼓勵佢講野。盡量搵出佢講到既字既共通發音，先教佢講其他近似音既字，起碼多幾個字講到先。
再搵下有冇d對佢黎講好難發既音，例如我個仔發唔到聲母L，言語治療師雖然唔收我仔仔，但教左我點做居家訓練，用匙羮訓練脷仔向上。而家仔仔成日講「叻叻」了!
S聲母言語治療師話唔駛處理住，3至4歲先。
1個讚
我3歲先識講野，細個阿媽唔知咩自閉症，只係擔心我係啞，對我讀書無期望
點知我由細到大考級頭，輕鬆入三大，所以我阿媽成日周圍同人講，遲講野嘅人讀書仲叻
不過我小朋友之後返學
k2果陣老師都覺得佢唔講野、揾佢同個最多野講嘅同學一齊坐
之後幾個月就講嘢大爆發
2個讚
一出世護士有話佢有少少痴脷筋叫我問吓醫生。當時醫生話無嘢。
到半歲左右明顯係心型脷，就出去搵私家醫生剪 
2歲前脷仔伸出嚟無長過嘴唇架，勁擔心。
到3歲就變返正常脷
我聽過好幾個人咁講，其中一個係親戚個仔三歲先開始識講爸爸媽媽，之後年年考級第一
我女都係咁就好
大個讀書受好多野影響，話唔埋嘅。就算同一個人，都可以包尾變第一，第一變包尾。
最大影響應該係幼稚園面試。
點解？
2, 3歲要in N班, K班。說話能力唔多唔少都影響面試表現嘅。
1個讚
係呀 早啲識講嘢真係著數好多
之前上網睇過呢篇文章
唔知幫唔幫到你
1個讚
好的，謝謝你我都準備申請做協康評估。黎緊9月已讀n班
文章幾好，好好嘅提醒！ 謝謝你分享
我個仔都係咁，我哋兩歲開始注意倒呢個問題就逐隻字教佢讀，返咗n班語言突飛猛進，語言開始追返近認知
但而家又有另外嘅問題要處理
已經好精靈