有冇人圍爐一下或者俾下意見
，仔仔2歲大但仲未講野，平時淨係識bababa，其實佢識叫媽咪，但唔會成日叫，要佢叫嘅時候就永遠都唔肯叫。水水、奶奶、車車嗰啲都唔識講，BB話很少，佢鍾意手指指同埋「唔唔唔」，會做下動作同我地溝通。佢好明白我地講野，會跟指示做，認知能力我都覺得佢冇問題，但就係唔肯講，唔肯模仿我地說話。我地平時都多互動，成日同佢講野，試過仔仔有請求嘅時候，要求佢講左先俾佢幫佢，但佢就喊哂發脾氣係都唔講。請問有冇爸媽有呢啲情況，分享下經驗
謝謝
識得手指指嘅通常唔洗咁擔心
1個讚
謝謝你回覆，因為見佢1.5歲到而家係講野發音方面都冇乜進步，所以都好擔心，母嬰健康院又唔知有冇得排期，唔知排幾耐
其實佢聽得明你講野，對你講嘅嘢有對應嘅反應都唔駛太擔心
男仔一般都係遲，想快啲可以考慮俾佢返n班，朋輩影響非常大，一返學就好快識
想book健康院都係可以嘅，1.5歲時打針有冇同姑娘講，因為如果姑娘見佢說話唔ok，會叫佢返黎做兩歲說話評估，如果冇問，你試吓打電話返去約，一般佢哋都肯幫手睇，唔會話排好耐
我個女3歲都未講嘢
我嘅意見係盡早搵專業人士睇睇，冇事嘅就當比個安心自己，萬一有咩問題就要趁黃金時間盡快處理
打電話去健康院講小朋友嘅問題，話想見醫生，之後就等醫生睇下有冇需要轉介去兒科，當然醫生話冇問題就最好
4個讚
2歲同3歲差好遠，男仔2歲未講野都正常，佢地係遲少少，同埋有冇返學都有影響，最重要係同人有互動佢明大人講乜，但女仔3歲都唔講野問題比較大
我仔個時2歲都未識講野，跟住同健康院姑娘講，佢地會轉介你去醫院檢查，佢都係咩指令都識，之後醫生檢查完話我仔發展遲緩，跟住就排做訓練，但言語訓練都排左幾個月，同埋都有返N班，而家就黎3歲，終於肯跟我地講下野，雖然d音都唔準，但如果都係唔講野，快d同健康院講，因為排見醫生又幾個月，而家我仔終於排到到校服務先唔駛再去醫院做訓練
1個讚
玩嗰時試吓? 趁佢心情好嗰時扮唔明佢要啲咩, 俾其他野佢, e.g. 明知佢要車但俾隻橙佢, 臨尾先話- 原來你要車~~
利申我自己個仔都係2歲後先開始講野, 2歲都係要返健康院check, 嗰時佢地有問講倒幾多個詞語之類係啱啱好夠數, 但係平時會用既都好少. 大約2歲3個月倒先無啦啦肯講野
我會建議你返健康院check.一check, 起碼知佢有冇學習遲緩，起碼求過安心。
1個讚
謝謝你的回覆我都想佢快啲返學，但n班要9月先開學，唯有睇下有冇playgroup 。 不過我成日覺得playgroup 比較少小朋友之間嘅互動
另外，健康院已book 希望快啲有得見醫生
1個讚
好的，我都覺得需要，已book 謝謝你
謝謝你的意見
我試下～希望佢快啲開金口啦！
我就係怕發展遲緩，怕錯過黃金期，謝謝你的回覆
1個讚
謝謝回覆！我都想佢快啲到語言大爆發的一天
咁細真係會少啲互動，再加上playgroup始終唔會日日上，同學校日日見同一班人唔同，但見到小朋友做嘅嘢，佢都會學得好快
好似我小朋友好細去playgroup玩，佢唔敢同人玩，但見到有小朋友彈彈下，佢返屋企都學人跳，見人跳舞佢又想學，原本佢企都未係好好
咁就好，希望小朋友健康開心，你都唔好咁擔心，慢慢黎
1個讚
我女21個月都淨係得媽咪 嗲哋，我當時擔心到喺度出post，又搵咗兩間私家言語治療，一間喺英國，另一間喺香港（因為我移咗英，咁岩個女20個月大時返咗香港探親）
我發現兩個地方對「遲緩」嘅定義好唔同…英國人覺得2歲bb肯嘗試溝通、嘗試表達，都唔係大問題，鼓勵家長跟下guideline同小朋友相處去刺激佢地講嘢就得，然後靜待小朋友語言爆發，3歲都唔講先要接受訓練。相反香港就會以「識講幾多個字」去定義小朋友係咪遲。
我咁講係因為我經歷過你呢個階段，我慌到走去私家醫院問醫生（一個教授級名醫黎），然後醫生同我講咗一番好深刻嘅說話，佢話覺得香港人太早將late speaking小朋友label為遲緩，其實可以俾啲耐性，去到2歲半、3歲先擔心，到時先再接受訓練一啲都唔遲。
而家我女23個月，佢今日突然間識由1數到10，仲講到某啲顏色、食物、英文字。希望reassure到你
11個讚
我都覺得忟
阿女細個1歲半嘅時候去健康院
姑娘淨係要我哋數佢講左幾多個字
數完呢個又唔計嗰個又唔計就話佢遲緩
小朋友初學講嘢有時發音唔啱又唔計
之後叫約醫生打俾我哋，個醫生都叫我哋唔使理，繼續expose多啲vocabularies 同陪佢講多啲嘢就得
雖然依家2歲半佢都係好多時講火星話
但係久唔久聽到佢講到一句句子都會好開心 
依家街上面開始少啲人帶口罩都會有幫助
我個女先前去旅行，甩咗一個星期口罩就講多咗好多嘢
3個讚
我小朋友都係2歲未開口，2歲4個月先爸爸，媽媽，姐姐，返咗n都係咁上下，2歲有帶佢去協x會評估，係言語遲緩，治療師果陣講暫時無其他發現，認知正常。之後搵咗私人言語治療，係有d幫助，之後疫情，無返學又無言語治療，我喺屋企同佢傾下計吹下水，唔理佢識唔識，我當同朋友傾計，3歲前句子詞語都講唔得多，叫做很跟講，3歲後突然自己講好多野，無叫佢跟，佢會自己好願意跟大人講野，而家快4歲想佢收聲都難。
3個讚
好奇想問下佢返學讀書會唔會跟唔到？
因為有個言語治療師話好多時細個有遲緩嘅，大個讀書係中下游. 我好想知關唔關事
我女n班時去睇言語治療，話佢講同理解都有遲緩（半年至一年），當時喺協康做訓練大約半年多就追返
而家三年級，暫時升小後成績都係全級top 5內，我哋唔係催谷型父母，覺得有言語遲緩唔一定影響讀書成績
2個讚