我仔2歲果陣都係唔講嘢, 後來我經健康院寫信去咗醫院做評估, 評估係speech delay, 就開始排服務, 期間我自己搵私人治療師做訓練, 到差不多3歲終於識講嘢, 同埋由於早排服務, 所以K1入學兩個月已經開始有到校服務做訓練, 私人+到校兩邊訓練追番好多, 而家就嚟4歲已經追番同齡差不多水平, 如有懷疑就盡早去評估, 唔好拖, 以免錯過黃金治療期, 希望幫到你
1個讚
我仔未到2歲識講嘢，再細 d 15個月已經識上樓梯，都唔算發展遲緩，但最後都係評估為自閉症譜系，因為佢太固執，講嘢都太單一係自己有興趣的才會講
1個讚
咁就好！！你放心哂啦！
2歲小朋友既互動係大家一齊玩同一樣野，有同學仔同個環的確係一個幾好刺激佢爆音既環境。但最主要都係家長同訓練既介入。
我仔18個月，去健康院見姑娘，佢地有份問卷tick tick tick，除左講唔到20個詞語，我仲有一個item過唔到關，就係佢從來冇用過食指指佢想要既野。
之後下一步就係見健康院既醫生，佢有一份再詳細啲既表tick tick tick，之後佢有好幾個items都過唔到所謂standard，所以轉介去兒童智力中心再做詳細檢查。我仔當時既referral letter就寫左佢係疑似自閉症。
去到排兒童智力中心，第一次家長見姑娘做問卷，到第二次先係見小朋友，所以上半部好靠家長點樣去spot同形容小朋友既行為。之後姑娘會同center既專家評估你個case要見咩專業評估。排評估大概9個月至一年，但中途有機會打電話俾你zip位。
我仔隔5個月就zip到位見職業治療師，去到都係spot佢玩，最後評估佢係發展遲緩。大約left behind左6-8個月。小肌肉未係發展太好，所以可以refer去training。
政府Training有分到校同去中心上堂(由協X會、保X局代辦)，如果嚴重發展遲緩可以排特殊學校，不過所有位都係佢地專業判斷派咩位俾你。本來我揀左到校。到校係3歲/K1先開始，所以我要排左中心上堂先。一般中心位好似又係要等大半年。不過我又好好彩屋企附近有新中心落成，隔左2個月就開始上training。再加埋讀左N班，兩邊一齊幫補。屋企都好緊要，我奶奶sit完堂番去會同佢再練習，等佢快啲學到啲技能。
同埋去左training我地先知阿仔個口肌好弱，所以講野同食野都麻麻。中心既言語治療師會俾好多方法同意見你去教小朋友講野。到左阿仔可以同我地對答，係大約十二月(番左學同training4個月後)，2歲半左右。講野有明顯進步。其實除左講野，仲有守規則、聽指令、運動等等都會進步好多。
至於佢係咪真係有自閉就暫時未確診。政府要三歲四個月打後先會幫你排心理醫生期做評估。不過我唔係好care佢係咪確診，重要既係有適堂訓練，等佢唔好left behind太多，可以合流上小學。但最後唔得既話，大不了咪留班。如果有多啲budget，可以去私人機構做評估，收費幾千蚊+。training 約1000蚊一堂，你預一星期上一至兩堂。
你呢段時間可能會辛苦啲，小朋友EE牙牙又唔知佢想點，但係最重要係正面同積極面對同教佢。
希望呢個分享幫到你。
6個讚
謝謝你的分享
希望我仔仔都可以慢慢學下講野
我都想幫佢係出面做下評估，我想問係咪協康會都ok架？ 仲有冇其他機構係好的？
謝謝你的分享我都擔心，我諗都要幫佢做下評估，廢事自己估估下
謝謝你的分享請問你當時搵邊間私人機構做訓練和評估呀？我而家都打算幫佢做 唔想錯過黃金期～同埋到校服務係咪要間幼稚園都有呢個服務先可以安排到？謝謝你
謝謝你我會諗同齡小朋友識講野都未必好叻，會唔會搵啲大佢少少嘅哥哥姐姐同佢玩會好啲呢？
我以為篇文係自己打嘅
我個仔都係下個月就兩歲，都係唔肯講嘢，但係聽得明我哋嘅指令，亦都識表達俾我哋知要乜野。本身歲半去健康院嘅時候已經約咗兩歲再返去跟進語言問題。我仔最多係發晒脾氣嘅時候大叫「俾」
最近就有講過吓「車車」，但都係咁多冇其他啦。
我諗住兩歲睇完健康院，睇吓佢會唔會轉介去排評估，自己再幫佢排私家評估。嚟緊9月會返n班希望會好啲。
謝謝你的分享 我想問你囡囡係咪本身都唔會講，但突然間有一日就識講好多野呀？還是循序漸進咁一日一日咁進步？因為我仔仔嘅情況係連車車、奶奶、飯飯個啲都未識講～發出嘅都係冇意義嘅音
BB話依依呀呀都少，我係擔心佢表達方面真係比人慢好多好多
謝謝你分享！其實我仔歲半都唔及格要返健康院覆診，剛剛都見左健康院姑娘，初步話佢能理解不能表達，而家3月尾約左見醫生，我係唔知見完醫生排期治療唔知要等幾耐所以打算都搵私家同佢評估下先 希望你的BB都快啲開金口，做父母真係會好擔心
我囡係一直唔肯開金口，點撬都撬唔開，亦無意欲模仿，純粹係18個月後開始多BB外星文，但無人明
大約19個月佢開始講 baba mama，我當時咁岩consult咗英國呢邊一個治療師，佢過咗我幾招（我無跟足）但見囡囡有顯著進步，開始肯講，即使唔accurate我都滿足了… 而家23個月大，40個單字（有部份得我明lol）+ bread good / mama叻
我覺得係20個月大時開始一日一日咁進步
1個讚
我女歲半係一個字都未講，手指指都好少，有咩就拉住我手過去嗰隻嘅，到差唔到 20m 講第一個字 ball，再兩個月後講第二個字 car，之後開始大爆發，陸續學識 ABCs，形狀，數字，顏色，動物都講得出 30 種
第一句句子係 2y1m 講 kick a ball，問答嗰啲越嚟越理解得好，亦經常會離遠已經手指指話我聽，少咗拉我手先慢慢過去，爸爸媽媽都係到 2y4m 先叫，而家 2y5m 仲好鍾意自創歌詞有紋有路
唯一比較煩心嘅係佢全部講英文，好多時我俾佢帶住講埋英文，佢英文反應快好多，有聽過多語家庭小朋友係會偏好佢認為容易啲嘅語言，下個月去健康院唔知點呀，中文評估咪唔合格囉，但我覺得佢本身學嘢係快嘅
2個讚
多謝你咁詳細嘅分享我會繼續留意佢嘅情況，最緊要係咩事都好，唔好錯過治療嘅黃金期！謝謝你
媽媽和寶寶都要加油
謝謝你的分享 我都覺得我仔仔對英文反應好啲，佢接觸嘅教材玩具都係英文，佢好鍾意，但平時溝通我地大多用中文，唔知係咪因為咁，令到佢學講野慢左 如果佢肯講下英文都好丫，而家咩都唔講先令人擔心
謝謝分享係呀，岩岩2歲返去健康院，姑娘又係問佢識講幾多個字
唔通識講9個就唔及格，識講10個就及格咩
我當時係協康會做咗評估, 再排協康服務, 但由於排太耐, 所以我搵咗私人治療師(喺佐敦, 如果你要資料就Pm我, 廢事賣廣告), 應該大部分學校都有到校服務, 你報名前可以了解咗先, 網上有list好容易查到
我仔仔都係2歲剩係發到5個音，因為出世有痴脷根問題所以非常注意佢講嘢
到2歲3個月後，突然識得講多好多個音，之後就慢慢識講嘢
3歲返咗學後，講嘢模仿都叻咗，對答都無問題。
努力同佢對話多啲，睇多啲圖書，慢慢會反映返出嚟
當然擔心就去睇醫生先。
我仔細個又係唔講野
又係淨係手指指
為左迫佢講、我成日扮唔明
例如佢指住水樽想拎水飲
我會扮唔知、引佢講多啲
問返佢你要乜野呀？
有時會發脾氣
但慢慢會屈服、開口話要水
謝謝你的分享係呀！我都會扮蠢要佢講，但佢發哂脾氣，超硬頸 我再試下～