所以係大家對必需個分別
1個讚
養得起車咪買車囉，養唔起車嘅話咁咪搭交通工具囉。都要睇餸食飯㗎嘛。有能力可以揸車，揸車梗係方便啲啦。但搭公車或者揸車，始終都會有日會習慣嘅。
1個讚
供駕普通d 4/5 年舊車，10% deposit, 每個月當£250, 油當£100, 車保當£70
全部保守估計£420, £1400, £1500人工超緊. 除非同屋企人住，或兩個人冇細路
多謝你建議
唔習慣，只係接受與忍耐
馬死落地行，唔會生存唔到
基本上我識嘅所有家庭，小朋友有幼兒小學中學，窮好有錢好，有d有牌有d冇牌有d 2個都冇牌，不約而同落地第一件事去買車／學車，仲係以最快速度去做，佢地2個都冇牌就只好捱，捱到其中一個有牌就即時出架車，冇車係生存到一陣但長期生活唔到，唔係個個都住city centre，特別係家庭
2個讚
接受咪即係習慣囉。
我以前都有老公接我放工，但係而家我返工嘅地方成一個半鐘頭車，佢點接我返工放工啊。馬死落地行，一係搭火車、一係揸車。
最討厭就係佢唔俾我請講廣東話嘅補鐘師傅，佢覺得人哋唔多識路/識揸車
唔同
半個鐘巴士好近。所以我唔明點解好多香港人嫌半個鍾巴士都遠。香港搭車返工有時都大半個鍾
半個鐘巴士到，原全唔考慮揸車
我係兩個鍾，因為轉兩程。所以我先話我遠
1個讚
半個鐘返工咁得天獨厚？我喺香港返工單程都要一個鐘啦。所以我會利用搭車嘅時間上嚟baby discuss 吹吓水
我睇錯，係一個半鍾。正常時間，如果一程車唔駛轉都ok。係怕佢 cancel 就煩
有 d香港人嫌半個鍾巴士都遠。
行45mins又話遠，我心諗係 uk 行到算近
45mins行到好天我會行，慳返£2
行下好舒服
如果唔係日日都要出去，只係想有時有自己私人時間，亦唔係穿州過省，其實call 車已經解決到。
當然，我係認同屋企點都要有一架車，同埋最少都要有一個人識揸車，因為出去 / 買野有時真係要揸車先方便同去到，但如果按樓主個情況，如果佢住既地方其實唔一定要車出車入（有完備生活同公共交通配套），咁我就覺得可以按佢喜好喺呢段時間唔駛學車。
我自己而家都係冇揸車（雪藏牌），但可能我住既地方生活配套算方便，同埋小朋友都大個（佢有校巴返放學），真係除非要買大件重野，我都從來唔駛靠我老公車出車入（我可以揀搭巴士、單車、e-scooter、如果天氣唔好就唔出街 / call 車）
真係會穿州過省玩既（除倫敦）就一定係同老公一齊既family activities，所以亦唔駛要我揸車。
另外，如果小朋友已經係中學生，其實我見學生大部份都已經係自己搵車 / 路返放學，咁家長又唔駛專登用車接送。
2個讚
你已經好有忍耐力、呢個都係考車既動力吧、有細路仲要諗埋佢、涷病仲煩、負幾度企定仲涷過行
一家大細搭車仲貴呀、養架平車
1個讚
我返工地方係遠，但車站算近，所以 ok 接受
試過一份行半個鍾 + 10mins 巴士 + 35mins 火車。個份返左幾個月放棄。太遠，老公都車唔到我去
我唔太怕冬，uk d 雨又好似淋極都唔病。好奇怪
我諗過考到都未必成日揸、呢度路面情況仲煩過香港、但係一個技能、負擔到就學
1個讚
如果講學車/ 揸車無需要，咁住香港更加冇需要，米又大把人係香港學車揸車。
到埗初期試過玩call車，一來都幾貴二來唔係成日有車，uber司機都幾缺，有時等好耐都冇人應機，所以想隨心所慾d都係自己揸車好，可以選擇
1個讚
淨係個天氣已經好大分別，未計英國巴士係冇香港咁密同可靠，香港我住個度樓下冇超市，但我每日放工都經超市，有需要就買埋先返屋企，放工到返屋企途中基本上有齊生活需要嘅野，食飯買野行街，唔需要特登再出某個地方，所以英國嘅方便同香港嘅方便真心不能同日而語，即時倫敦都未必做到，而且唔係個個都住倫敦，可能想住得舒服少少就會遠少少，有車真係舒服好多，當然睇個人budget，但我認同車係必需品，等於電飯煲同雪櫃其實唔用都得，你實生存到，但極唔方便咁解
另外我唔中意網上買餸，唔知係架車到幾耐，特別係鮮肉類，而且呢邊已經冇乜娛樂，連出街買餸都唔使個人會悶到傻
1個讚
係，我呢邊平日朝早9:00 前係一定冇車
所以如果唔係要接小朋友，就一定要避開呢D 時間call 車。
一架車基本要求已經滿足到，大家協商一下用車，但有車至少有選擇