call車天氣差係冇車
我揸車返工 30mins, uber car 收£23
一日一程，一年£6000，來回 £12000. 可能日日咁call 有 discount 掛
call 車係咁 affordable, 好多人會 call車唔揸車
唔知你住邊區。有啲車成30分鐘甚至1小時先至一班，再加上間唔中會唔見咗班車。如果一程車直達還好(可以預出門時間)，但要轉車就隨時唔知要等幾耐。
香港？有幾何等成半粒鐘一班車？
4個讚
呢度二手棍波車超平，入油又唔貴，多數人屋企又有driveway，我d同事全部起碼生三個，所以個個家庭都揸車好合理，去同學屋企/birthday parties/ farms, 嗰啲地點只可以揸車先去到
2個讚
係英國無車會比較restricted，搵工都要考慮location，我同我老公一人一部車，大家返放工時間唔同，唔駛爭，放假我老公又晏起身，我可以自己一個人約朋友食飯又得，去行街又得，唔駛轉幾程車，慳時間
2個讚
試過臨近聖誕係市中心等左一個鐘先有巴士，中間show過3至4班車一係cancel一係不知所蹤，個日好似得零度定1，2度
因為好多來 uk嘅已經上左岸，只係揾生活費，只要近，最好 10mins返到工
反而後生冇乜錢個 d 呻，我真係接受唔到
有啲人連行去搭巴士都呻，我心諗我試過行半個鐘 + 10mins 巴士+35mins 火車。我唔係冇飯開，但都照去啦
其實有車就點都會方便啲。
英國啲巴士最麻煩係多數30-60分鐘先一班車，仲要成日脫班。另外就係「就時間」麻煩，例如：巴士車程30分鐘，但你份工10點開工嘅，最接近嘅班次係9點，咁就被迫早成半個鐘番到公司呆坐；又或者放工又要等30分鐘先有巴士番到屋企。
而如果自己揸車，時間可以自己調較。
我哋剛剛嚟時都未買車，我老公去見工，揸車30分鐘，但搭輕鐵火車至少1.5小時，其實有車係方便自己分配時間。
當然，我都識人堅持唔揸車嘅，生存到，係揾工有限制啫。
3個讚
係、真係預唔到時間、火車都成日delay
最麻煩係鐵路工人罷工，延遲嗰啲就真係失晒預算
唔係罷工都會、完全唔知點解……
我識一個香港人，單身女性，住share house。
揾工揾極都唔岩心水，最主要廠嘅番工時間太早，根本未有巴士；一係太夜放工，佢驚自己行番屋企又有危險。
不過佢話年輕時有交通意外，有時我哋約佢出街坐我哋車，佢連車頭都唔敢坐。陰影太大真係無辦法。
1個讚
日常生活無車都唔大問題,
最煩係搵工， 無車就多左限制。
我個人係 機械感好差， 左右都要諗下先分到，
係香港生活咁耐， 都唔覺得需要學， 黎到呢度就覺得需要。 而家都成日跟老公車， 睇下人地點揸， 學多D, 要努力係呢段時間增值自己， 希望今年可以KO佢。 
1個讚
英國住唔同地方，大家感受嘅嘢會好唔同
住得隔涉，巴士線會更加疏同成日脫班
住得近大城市，巴士線會比較密同準時
我唔 comment 人地有需要幾多駕，但有一駕係必須
有啲香港人一個人都揸兩駕車，分長途短途
試過架巴士行行下唔跟路線，跟住叫全部人落車，都痴痴地
我屋企行去工作地點、中小學、郵局、GP、超市，全部十五分鐘內可以到，但都覺得有車可以載小朋友周圍去玩方便好多，有時去d地方好隔涉，揸車主要係為小朋友，尤其冬天
其實我同你一樣都係晌香港完全無諗過學車，因為香港交通方便車費尚算合理，覺得根本無需要。
嚟咗呢度，我老公識揸車，本來都諗住側側膊唔多覺由得佢，但呢度住耐咗經歷埋個冬天。我師傅有句講得啱，「you don’t want to walk your son to school in this kind of weather（佢講呢句時係冬天）」，唔好講小朋友，其實大人都覺得難頂，所以加強咗我學車決心。
其實學順咗，又覺得揸車幾好玩，仲有種「相逢恨晚」嘅感覺
當然，如果我遇到嘅師傅和樓主遇到的一樣咁衰，我又無學得咁開心。始終要揾好和有交帶嘅師傅都要緣份。
1個讚
有小朋友有車真係會方便好多，所以有小朋友同冇小朋友嘅人睇法又會好唔同
英國嘅公司好散，周圍都有
如果因為只去市中心係少左好多選擇。而且市中心係 lawyer firm, university, finance, account多。唔係人人冇經驗都揾到
見呢度好多人都話巴士好唔準時，唔知你地住邊區同有幾密搭巴士
我好多時都係搭巴士出入，咁耐以嚟只遇過幾次脫班，車站顯示牌同個apps ETA都幾準
1個讚