咁個BNO visa吸引丫嘛，呢個係事實，有邊個唔貪？尤其是有仔女嘅
彈到唔合比例脫離現實就一定要指正，但唔好屈我哋唔比人彈
1個讚
你可以唔搭嗲
哦
咁你都係貪個國籍啫，6年後又話返香港
2個讚
係
我係呀
笑死我, 我想post張圖但都係算啦
2個讚
咁我唔係囉，我只想逃避香港
2個讚
我當然貪啦點解唔貪，咁平嘅visa有英籍喎
唔通我貪英國冬天咩？
但我愛英國（都愛香港）所以攞完英籍會兩邊走/留英/回流
而家開始驚英國治安，會留意下新聞
大家一齊努力
哦，原來如此
可以入下local group(類似咩大埔街坊個d)，睇到仲多野，當然好有愛嘅都好多
1個讚
我有入local group，你咪話，有啲人都搞事㗎
當然大部分係好嘅
我覺得好笑啫。移民咁大個決定梗係應該考慮清楚。
Keep calm and carry on 真係近代英國文化精髓，2005 同 2017 倫敦恐襲我諗移居英國嘅港人冇幾多個記得，英國應對嗰種冷靜同從容冇幾多個國家做到。經濟唔好治安差唔係英國獨有問題，罪案率喺先進國家亦唔算特別高。講到要“唔通預咗”比人偷車爆入屋先好移居英國我覺得係無限放大。香港同大陸治安（就講偷車爆入屋）同歐美比真係好得多，如果最重要係治安點解移民呢？生活實有取捨，你有我有李嘉誠都有取捨，睇你要啲乜同肯攞乜嘢交換。
每個移民熱門國家我隨口數得出57樣大問題，點解咁多香港人仲要去呢？梗係有原因，呢啲國家比到佢哋嘅好處多過唔好嘅事。要預咗比人打劫先好移民仲要去嘅我覺得唔係低能就係口不對心。
英國同加拿大比香港人嘅移民計劃真係好慷慨，去得都應該接受佢哋文化，好多嘢係冇香港咁好，可能佢哋唔覺得係一回事，又可能佢哋明白改變要時間，所以反應冇咁大。呢啲都係文化嘅一種。
9個讚
我完全無記名邊個去留言，有人講過讀書香港讀仲好、醫療香港好、治安香港好、天氣香港好、交通香港平又方便、香港搵錢有工人唔使日日煮三餐、買餸識路香港都唔錯（但唔可以話英國平）、香港問題影響唔到佢⋯⋯幾個post 夾埋呢堆留言，其實真係仲留喺到做乜呢？做朋友見到你日日俾個男人家暴都叫你走啦，呻完就解決到咩？既然香港有香港嘅好，我又唔明點解叫你回流係負面。呢個都係解決問題嘅一種，成年人，呻完就繼續前行，但徘徊喺呢堆問題上做乜？
8個讚
可能我慳慣，係香港買餸真係可以好平，我覺得同呢度差唔多，拉勻菜同肉我覺得差唔多，但個分別係香港食急凍英國食冰鮮
天氣相信唔使再講，醫療就大家都知nhs罷工，約gp難call白車唔到呢d都無需多講，咁香港又真係未試過call白車唔到嘅同埋私營醫療市場大，搵私家醫生睇下傷風又確係方便過英國，咁呢d都係事實來，但nhs睇重症就服務好好，呢d都係事實冇必隱瞞，其實決定得移民一定係覺得香港有問題先走，但走左又唔需要強調香港差到咩地步，每個地方有好有唔好，平衡下接唔接受到，so far呢d問題仲解決到，當然再惡化落去我唔知，因為同經濟都息息相關，來緊經濟大家都預計唔會好甚至一直差，呢點係需要考慮，如果目前有另一個選擇可以積極考慮，畢竟人係想越來越好而唔係越來越差
Btw我冇講回流係負面，連負面2個字都冇講過
3個讚
全中呀
其實真係有人記得邊個講過乜㗎？我都係撈埋一齊嚟睇/留言
我明呀，但個個生活習慣、模式都唔同，但我喺香港唔會日日香港放工再迫巴士去深水埗買餸再返屋企煮飯㗎嘛，咁你唔可以否定有人喺英國買餸比較返佢喺香港會平㗎喎。
我都有呻，通漲勁咗、電費都交多咗，咁咪搵多份pt 去解決，有人又話父母成日返工親子關係差，要湊小朋友兩公婆一個返早一個返夜影響夫妻感情。走得，預咗要咁，同香港生活唔同，搵錢係唔多又無人幫手，但走嘅原因令我覺得完全值得，講十萬次都係嗰兩隻字，取捨，覺得唔值嘅香港人仲有選擇返轉頭。所以我一直話支持回流唔係咩負面嘢，支持去選擇對你家庭好嘅地方。如果見你住得咁唔高興，硬要你接受英國真係好好㗎，仲奇怪。
2個讚
你冇，我記得
回流唔會係負面，理得其他人點講，黃一定有佢原因
我想黃人無論去邊都生活開心
我只記得呢度大約十個名，不過佢哋背景通常都冇記
感覺都老朋友嘅
2個讚
我都記得一啲名，但未必記得邊個講過啲乜囉
2個讚