睇完幾個移民post, 我都見到無限loop
仲有天氣差、食嘢又差、交通差⋯⋯其實英國仲有咩好？
為咗小朋友走，但連教育都差，甚至香港讀仲好。
呻到咁，唔係叫你返香港就負面，支持回流過返d 開心生活啫。
3個讚
其實呢度好多人都唔響香港
好多野大家都一樣知, 只不過有D人感覺到真係好似唔住得人咁
拿教育我冇話唔好，係唔可以同香港國際學校比啫若果你讀state school嘅話，最多只可以話係語境一樣，因為都係講英文，so far我覺得教學方式係好過香港，但想小朋友讀書好就要自己judge學習進度，當然你唔想追冇人迫你
1個讚
從來都冇講話唔住得人，住唔住得人呢樣野好主觀，係諗清楚先作出決定，否則到時來到suffer嘅係自己
上左年紀既local人幾好，
話說我係shopping center 唔見左個card holder,
竟然比我係forum搵得返， 仲要一蚊都無唔見 ， 好開心 
2個讚
state schools 未必好得過香港band 1添，當然入返本地個文化用英國思維都重要，唔好諗香港嗰套
state schools 都有state schools 嘅好嘅
如果以我經驗：十個英國人（不論種族）九個都好
好係指路不拾遺、幫人、教人等等
1個讚
一個人下定決心喺一個地方生活, 但對當地有憂慮, 其他人冇需要叫佢離開. 即係大家唔會叫d投訴的locals走.
或者有咩不滿都係同返一早已移民的locals傾
上星期一家坐metro 去玩, 但有幾個站突然停駛,我地望緊要係咩站轉車，可能個樣好茫然，有個後生仔過來問我哋去邊，跟住教點樣轉車。
1個讚
英國人係比我想像中有禮貌，普遍都好好禮貌，好有教養，感覺成個國家嘅人都好有教養，冇香港人咁rude，當然係咪好人我唔敢講因為只係睇到表面，正因為d人咁有教養所以好難接受童黨問題嚴重成咁
3個讚
其實都係習慣. 事無大小都sorry, thanks, cheers. 說話隱晦地表達.
我讀中學時喺街(學校冇這類同學)見到嗰種打扮的年輕人都會離遠d.
但我覺得呢度嘅中學生(唔係童黨)都幾冇家教，係條街大叫，搭巴士放隻腳上椅，大聲喧嘩奔跑，但大個左會突然變得有教養，有d百思不得其解
1個讚
出黎社會要搵食就要收斂/扮下嘢
3個讚
個文化係著重gentleman，禮讓
我另外就鍾意佢重歷史重智慧，較輕功利同錢財
3個讚
呢個有保留
我睇完上面關於治安問題嘅評論，都專登搵住左廿年英國嘅親戚問下，又問下已移民英國兩年嘅兩位朋友，佢地都無一個好似上面咁負面，唔知係咪住嘅區唔同呢？
親戚都係話裝CCTV,唔好買賊鐘意嘅車款咁去預防，佢地係個區住左十幾年都無俾人爆格（touchwood). 佢地話睇到香港日日劈友，捉細路仲有呢幾日蔡天鳳單新聞，覺得香港恐怖好多
4個讚
睇咗啲留言覺得好好笑。所有唔好嘅事無限放大，一去英國就要預咗比人偷車入屋行劫，寵物預咗會比人偷，公共交通預咗一定唔準時，甚至預咗冇，學校預咗又童黨又打交，稅又預咗高醫療又預咗差。
我幫口加埋去美國預咗做槍擊案受害人，去加拿大預咗暴風雪停水停電甚至凍死，又預咗夏天比大黑熊襲擊，澳洲預咗比毒蛇鱷魚鯊魚咬，預咗唔係山火就係水浸，紐西蘭日本美國（部份地區）預咗地震，日本泰國預咗海嘯。
都係香港最好。比舊襯家分屍，地鐵會炒車或者行行下開門，周街劈友，學校安全因為上堂都有CCTV 全天候保護。都係個別事件，唔影響我。
9個讚
喂呀
我係講"唔通預左"，唔係無限放大，你可以睇清楚，係講有呢d事發生，而爆格就真係好普遍，乜區有冇錢都可以爆，你覺得唔會嘅我冇所謂，我只係講下我所擔心嘅事，同埋諗清楚先來，因為同香港好大分別
如果講cctv英國唔會少過香港，當然用途不同，近排我發現屋苑多左好多人裝，行出街基本上家家戶戶都裝保安系統，cam，唔通佢地多錢得滯冇訂使，貪過隱，太無聊要搵d野做下，一定係除非唔係
1個讚
講到尾，唔係唔比呻，係煩膠得滯
2個讚