印度大師圖
其實英國好多方面無香港咁好係事實，方便程度，約GP, 行街食飯，治安…呢d未嚟之前一早都知，如果介意嘅應該唔係開始諗移民過嚟
所有嘢都係取捨，睇下你覺得民主自由重要定方便安全(?) 重要
英國近排治安聽聞係差咗，多咗爆格偷車嗰d, 但我又唔覺得變到罪惡城市咁，起碼我無聽聞有香港人中招，我自己亦都係出街成日拎部電話出嚟撳，touchwood 都無事…當然都有擔心爆格嗰d, 惟有自己小心d, 鎖好門窗
總之我喺度都仲覺得安全嘅，起碼唔洗日日擔心政府又搞d咩出嚟
2個讚
放黎睇下， 等大家relax d啦
咁講GP當公立， 咁係漁港去睇公立都吾係即刻啦！ 咁講急症咁係uk咪去A&E, 兩邊都要等。 咁其實有買保險或有醫療plan係有private doctor睇. 咪等於漁港醫務所。
1個讚
你講得啱，但個落差就係香港中產過去英國做返下一層，由有工人到家庭主婦，由manager到做倉，由睇私家到排街症，由私校到state schools，所以要適應
我都係啦，以前喺香港過百一杯咖啡我諗都唔諗就叫，嚟到呢度過£3一定唔飲，而且十杯有七杯係難飲；我喺香港用有機嘢，支洗潔精都過百，到呢度加價加到£3我都嗌救命；我以前買書Waterstones best seller嗰個架鍾意掃邊本就邊本，唔會諗行李過重，唔會諗有冇得借，香港有冇得賣，總之買晒先，頂而家去Oxfam£2.99都嫌貴，去圖書館借算
話開心一定係呃你，但明白係自己揀，我知道at the same time我得到啲乜，我呻完發完脾氣又冇事，都係愛英國，做唔到全英國人都要做一半
3個讚
但香港樓下就有私家醫生，價錢affordable，呢樣英國係冇
大家自己人，唔係唔撐你，係想你正面啲開心啲
我都衰嘅，有話你，但個個都希望你堅持落去，幾年好快過，入籍後一條好漢
同香港比較係因為想你諗下：英國點都livable 過香港，等你心理上平衡啲啫
係呀，私家又貴又要排好耐
其實真係㗎，英國一定無香港咁方便，呢d大家嚟之前要搞清楚，諗下係想追求d咩先過嚟，唔好以為過嚟可以同以前生活一樣
但講到英國日日刀光劍影就誇張咗d, 如果真係危險到咁就梗係唔好過嚟啦，但我唔覺得差到咁先
反而唔洗驚上網打句嘢都可能出事先
5個讚
咁睇下你英國邊度， 我行出去10分鐘就有， 如果坐車30mins有就更多選擇。 就算以前香港有d人都特登要去旺中， 銅鑼灣睇醫生。
計方便同先進，香港唔係排第一都起碼三甲內
計整體工作能力，我差唔多肯定係世界第一，淨係譚仔阿姐都勁啦
調適好先過嚟，唔好將香港嗰套放諸四海，咁會舒服好多
人哋都有好多香港冇嘅嘢，例如我喺呢邊攤草地攤返晒我四十幾年冇攤嘅，已經夠晒本
3個讚
唔好提，嘉賓要搭𨋢都半粒鐘
其實我冇野呀，只不過係張問題攤出來講，咪大家諗下點應對囉，唔好下下諗到咁美好，細路唔使做功課大人是旦打份hea工超市買餸好平之類，同埋呢度嘅問題都真係幾多，比我想像中多，以前亦未handle過，例如爆格呢d，以前香港就話知你有錢先爆你，呢度就有冇錢都爆左先，完全掌握唔到個logic，面對呢d未知我係好驚
總之多謝你啦，我知你係為大家好嘅
6個讚
咁你個邊私家睇3個字幾錢先？我講緊係咪affordable，去邊度睇問題唔大
我都唔算好掂㗎，第時我呻就幫下手
我朋友睇私家都等得耐（冇香港咁耐），£100，但藥到病除
佢係重感冒
可能因為你本身係諗住會長住英國？所以會愛之深責之切，就好似真香港人之前對香港會特別上心，但我公司d外國人同事對香港新聞無感覺，佢地只係當自己過客。
我有朋友本身都只係想要多個國籍去，同等仔女大d獨立到英國讀書，一早講明6年後會回流，見佢地而家就好enjoy，當打住工旅遊，特別英國歐遊大把嘢玩，甚麼退休問題/英國前景佢地都唔關心。
如果英國治安/你所提及既問題繼續嚴重落去，或者可能都諗下再搬去其他國家住？唔知難唔難呢？
2個讚
藥使唔使另計？
我check過呢邊私家基本上隨時都睇得，但£80起，phone consultation，face to face £130，藥費另計
1個讚
係呀會長住，搬屋都煩唔好話搬國家，如果治安再惡化，又未諗到呀，反而係經濟方面差到搵唔到食，就真係會諗轉場
3個讚
旺中都誇張， 記得有段時間其中一部電梯維修， 真係排到幾條街
1個讚