最近同一位移英港人碰面，互訴近況。我知佢一直面對好多困難，嚟英國主要因為政治和子女，所以都特別體諒，佢將英國踩得一文不值，講曬飲食、交通、生活費、文化、經濟等等，我都無反駁。佢講嘅都無錯，雖然我唔介意英國種種方面，但佢介意，呢啲無對錯。
講到建築，佢話英國維多利亞建築唔實用，我都同意，我自己都嫌棄；但佢話「英國嘅建築用色真係好單調」，我就終於忍不住駁，因為維多利亞建築唔實用一件事，但外觀真係好靚喎。佢然後話要「日本靚好多」，我心諗，日本用色咪仲單調？？然後佢話，好掛著香港嘅繁華。
我忍著唔講「你都係返香港啦」，因為我諗，佢生活太唔開心，所以想宣洩出嚟。可能我讚得英國太多，所以特登係我面前講。
我好唔開心。我問自己點解咁唔開心？可能呢個就係自己屋企俾人批評嘅感覺，可能呢個就係恩人俾人批評嘅感覺。無可避免地，雖然我平日間中就幫佢，但我對朋友印象差咗。
諗起自殺嘅香港女仔。如果佢搵人咁樣吐苦水，大概都係會俾人罵。
佢都幾唔西化，幾唔了解個文化喎。冇做定功課，冇調節內心嘅期望又唔衡量吓自己嘅能力就魯莽過嚟真係唔可以怪人哋嗰國家㗎喎。
咁唔喜歡維多利亞式建築咁咪去金絲雀碼頭住高樓大廈囉。
佢5x歲，呢個年紀多人係咁啦…
啱啱出咗個民意調查，年紀大，低學歷，收入少嘅香港人，對英國就不滿啲
如果生活係好struggle嘅點會因為嘅呢野怨。佢講嘅都係比較主觀, 係中意就中意, 唔中意都冇辦法, 冇咩好拗, 好歐洲人都有好中意亞洲文化咁。
如果係為子女嘅, 同佢傾下家庭算啦, 困住係唔中意嘅地方, 放眼自身可能會好過啲。
明晒！
人哋俾個避風港你唔係叫你嚟做王帝㗎喎，係俾個地方你渡過難關，而又希望你有能力可以貢獻返個社會報答返佢。
佢子女出咗好大好大嘅問題，但如果返香港問題仲大，所以都係唔講算
咁真係唯有講天氣 
佢又狂鬧英國嘅天氣
由頭到尾都係佢主動講，我其實已經特登唔講廢事刺激佢
Um……但唔識欣賞勉強留係度咪仲辛苦？
咁有冇問你朋友咁佢除左啲唔好嘅，有冇啲好嘅野會贊下同欣賞架？
講天氣應該鬧得仲多
哩度啲天氣連本地人都會用黎自嘲
佢勉強留真係好辛苦，但佢仔喺香港教育制度下無法生存（英國好一啲啲，但其實都係好差）。
我真係好想叫佢返香港。但因為佢情況已經好差，我哋又嘈過幾次，呢啲說話我都係唔講啦，我講嘅嘢佢都幾抗拒。等佢啲朋友講啦
佢有讚過學校對仔嘅處理好過香港。同埋法治民主好。佢話「香港樣樣好，就係有一樣唔好」
唔啱傾就唔好傾
對朋友親戚都係咁
所以佢成日話叫我見下佢，我都拖咗成年先見。
佢喺谷入面講，我都係少啲回覆佢。
不過佢有時會主動搵我傾就無計，畢竟佢已經好慘
谷入面真係唔好應佢
唔係佢以為你鐘意聽佢講添呀
單獨搵你咪佢搵你兩次應一次、之後三次應一次
冇改善就遲早唔應
我對個成日想搵我著數既「朋友」都係咁做
咁佢會唔會考慮下其他國家啊，澳洲天氣好，地大物博，可能佢過去都可以生活到。
又或者加拿大啊，聞說加拿大仲多華人，舊時97走果班好多都有去加拿大，可能搵得返香港嘅味道
咁又可以諗下新加坡馬來西亞，中文點都識，粵語仲好好添，天氣應該都類近
你朋友50+ 咁佢小朋友應該都唔細啊，或者唔好讀書住，黎個gap year 抖下
我猜佢應該無錢同資格再移民。我都係唔講咁多嘢，陣間佢又話我講風涼話。
佢仔經常係俾人趕出校嘅危機徘徊，已經成日停學。我勸過佢俾仔快啲出嚟做嘢，不過講完佢又好唔開心，好似好多苦衷咁。我諗佢仔都未必有能力返工。都係唔好再喺佢傷口曬鹽。
大家都唔洗俾咁多意見佢，因為我已經怕咗佢，唔會再俾任何意見佢啦。
一來俾意見朋友係大忌（佢求安慰姐，意見嘅嘢好多人俾過佢，我重覆只會煩到佢，我亦唔知佢背後咁多嘢）；
二來我唔係太想同佢傾計，搞到我自己唔開心；
三嚟佢身邊好多更加熟嘅朋友，相信呢啲意見有人講過曬。
我寫出嚟係宣洩下，畢竟我唔可以對佢講，所以就寫喺呢度。順便俾大家知道，原來政見相同都好，都有人咁憎英國。寫完已經舒服咗，多謝大家。
你都係到呻下開心返啦
佢搵你做垃圾桶，你都唔好再理佢啦，接收得多負面野好容易自己都負埋一份
調返轉有個人係咁踩香港我都唔順，當然，以事論事香港而家係好多問題
英國好差咩？文化歷史冇得輸喇啩，其餘都有得彈嘅
你唔開心係因為突然發現自己嘅朋友咁低水平
twitter耐唔耐就見到d大陸人呻，自己由細到大個老死原來好蠢好愛國，都係好似你咁反應
事實上佢講嘅又唔係錯，但本身有執念你好難同佢坳，一係由得佢呻，你響旁邊「係囉係囉」就算，不過你一定要顧掂自己先，如果你情緒咁容易受其他人影響，咁不如唔好聽佢呻住啦