鍾意 / 唔鍾意 係好個人既感受, 同一樣野總有人鍾意/唔鍾意, 無得拗… 你樂意做佢樹窿就繼續聽佢呻, 但如果影響到自己情緒就疏遠下好啲
2個讚
接受現實，再做唔成朋友的了。
我也為同樣事情唔開心過，後來真係無再來往。
佢都搵到本地既厭英華人組織，住左廿三十年都仲要圍爐狂數英國，志同道合。
2個讚
你個朋友隔住mon都feel到有幾負。直接d問，佢呢家有咩係欣賞架？如果係無，你就唔使介意了。
佢樣樣唔順利，即使對佢好既野(移英)都唔識appreciate, 無啦架，唔好同佢一般見識。
1個讚
你都算好好人啦肯聽佢講咁多。
如果係我，我可能都會心痛自己啲時間，佢一呻英國嘅嘢，我就會提醒佢勿忘初心，多啲諗下自己為乜黎英國？成日諗以前有幾好，只會令自己覺得更加慘。
1個讚
我只係諗起一句可憐之人必有可恨之處
對待逆境個心態只係識得怨，都唔會去檢討吓自己當初點解要黎呢個國家，同埋點樣放低自己去融入。
真係咁多唔滿意同埋後悔，其實冇問題，咪努力諗方法回流囉。又唔滿意又要呻又咩都唔做，咁樣嘅人生係佢自己攞嚟
你已經好好，如果係我，我一定會好快搵藉口走
既然我都俾唔到意見，我都唔想聽佢放負影響心情
5個讚
多謝樓主分享感受。
我快會飛過來。這段時間，想法特別多也特別紛亂。不完全與你這位朋友的討論相似。希望分享一點感受。
全世界都有人適應，也有人不能適應，所以才有走有留，例子無數。（有長者思鄉之情，由香港返大陸終老，落葉歸根；也有由大陸返香港，為種種原因，例如家人、醫療、福利等。）
我在想，離開了香港，所有這裡的人物事物立即變成回憶，這變化已夠震撼和催淚了；然後，到埗了要重置所有生活習慣，語言、天氣、食物、交通、人、社會制度…等等。你朋友還考慮到建築的風格。
離開，是一連串決定和申請步驟的總和，怎麼也不會一剎那就可以出發。中途有人撤回離開的決定而留下。離開，有哪些是最令人「非走不可」的原因呢？（為什麼是英國，就不用解釋了。）
不想長篇大論。請見諒。
5個讚
呢d負能量朋友，盡量少接觸為妙，你接近得多你自己都會唔開心。佢應該係本身家境有問題，其實每度地方都好同唔好，要來就要調整心態，想佢嘅好處，包容佢不足。
3個讚
明呀
就好似好多年前 有次同個朋友約食飯 咁去食扒啦
佢平時係食開茶餐既扒 咁諗住食好小小去食百幾二百蚊牛柳/牛扒咁
我食落就覺得幾好正正常常 朋友既comment就…一D都唔好食 佢話扒皇X皇D什扒仲好食 
果刻當然無語 只希望佢係初初食唔慣 食多兩次就接受或識欣賞
(扒皇X皇最近好似執剩一間了)
你朋友個情況當然嚴重好多 聽落係各(任何 
)方面都唔like UK 都真係幾煩
希望佢係初到貴境 EQ比較麻麻 過一兩年適應左就無咁多抱怨啦
如果咁既情況發生喺我身上
朋友次次出黎數落我上次介紹餐扒唔好食 又貴又比$50什扒難食 
咁可以點 又唔想反面…
… 都唔知 或者每次喺佢發表偉論前 我搶先講明我立場 再聽佢喺咁鬧 條氣會順D卦
最少我表明左我唔多同意佢在先 佢之後鍾意點鬧就由得佢 (算唔算阿Q )
不過認真 你朋友咁樣生活落去(不停跟從前/別處比較) 遲早都無晒UK朋友 你都幫唔到幾多
4個讚
唔係個個人都適合做樹窿嘅，就咁睇，你朋友需要搵個counselor, 又或者去教會/教堂，搵牧師／神父傾下，佢似係需要搵人”涔”下
2個讚
唔鐘意咪返香港囉
呢啲人少接觸為妙
太高負能量
其實每個地方都有好有唔好，除咗政治，香港的確好多野比英國優秀，但如果佢淨係著眼全部劣處，我諗佢都未必頂到幾年，放下負ok但唔使100%負，我有時都呻掛住香港d好嘢、efficiency. 反而我有時問移英港人適應點呀，佢哋會一臉笑容話佢哋一嚟到已經好ok呀好適應呀，咁嗰啲人我都無乜意欲再傾落去，因為我覺得佢哋只係安慰緊佢哋自己，我都唔好意思同100%正能量人士呻，我有時好怕正能人
5個讚
呢d 人抵俾人叫佢返香港/去大灣區。
可以叫佢比較下每日嘅 PM2.5，睇下邊度好啲
3個讚
諷刺嘅係，呢位朋友係神職人員，佢平時輔導開人。
同意，所以即使我心裏面覺得香港有唔好，都唔會出口數。
連英國歷史文化都彈，我真係O咀。當然佢講「剩係掛著過往嘅輝煌」、「睇得多無曬感覺」係真嘅，但個個發達國家都衰落緊架啦，度度睇得多都會厭，都唔係英國獨有嘅問題啦
已經有朋友咁樣勸過佢，叫佢唔好成日掛著以前，否則自己會好慘，難以融入。
但佢話，掛著就係掛著架啦
有得就有失、都見好多收成期黎到呻到樹葉都落、仲唔化過我哋啲有仔有女黎捱世界呢班
佢要呻ok既、唔想聽就避開一排、最緊要唔好影響自己心情、你唔係佢情緒垃圾桶
4個讚
問心我都掛、但唔可以成日沈溺過去
湊仔家務都夠忙可能係好事
2個讚
咁呢啲好危險，可能佢平時又聽埋一堆負面嘢
可能要去排 gp 精神科睇下。
有專業人士開解下好啲
我身邊都有兩三個識既係咁， 有個嚴重到係E邊咩人都衰， 包括hk人。 幸好同佢地距離好遠， 好怕d咁負面同極端既人。 佢既諗法我改變吾到， 只係搵少d
2個讚