大家都支持取消哂所有防疫限制？
其實中左之後最理想既做法係點？完全靠個人自律，如果冇病徵隨便出街都可以？
1個讚
節哀順變
回應你既題目
我都認為係自律
2個讚
流感 (HxNx) 果 d, 一樣有死亡個案，有乜好講？ 如果有高危的家人，咁自己 keep 住戴口罩多幾個月甚至一年以上，仲要唔好堂食，收埋自己算了
其實感冒點做就應該係咁做
5個讚
同意，無可能咁樣防疫防一世
4個讚
部分香港人嘅普通感冒處理=有病都照出街，唔戴口罩亂咁咳，一d公德心都無
其實個個都衛生d就得架喇
除此之外都無咩辦法
自己注意身體健康啦，抵抗力強就唔洗成日驚
2個讚
Covid-19就當正常傷風感冒一樣
唔好再做乜野檢測！
取消口罩令
自己決定帶定唔帶
身子弱就自己多防疫
4個讚
香港有蒙面法，仲可唔可以戴？
家人A剛離世，前幾日佢入院，先揭發家人B比家人A更早有唔舒服，但完全乜都冇講，醫生都冇睇（二人同為長者）
如果佢有講，大家响屋企戴返口罩，情況會有唔同嗎？
呢啲假設性問題，就算醫生都講唔到一個百分百嘅答案俾你，明白有家人離世一定唔好受，但事到如今再追究家人B對件事有咩幫助呢？節哀順變
8個讚
出外唔得？
係喎，仲有冇架？未取消架咩
1個讚
咁係唔係要怪家人B唔出聲、唔睇醫生?
我明白至親過身, 家人反應一定係denial, 好嬲, 不停問what if, 之後就會係漫長嘅depression,
樓主而家係典型處於anger+bargaining階段, 理性同你解釋你唔會入腦(唔入腦唔係你嘅錯),
我建議樓主一定要搵方法舒發情緒, it’s ok to be sad
7個讚
其實唔好理係咪肺炎
正常人發燒喉嚨痛嗰d知道會傳染人，多數都會選擇喺屋企休息停止 close gathering 費事傳染人，尤其講緊家人。
而家B咁係好自私。
樓主嬲好正常。
19年之前真係唔覺咁多人有alert, 感冒照樣周圍去(包括去見長期病患者)。
我估AB係兩公婆, 老伴過身, 自己都唔好受
其實周圍都有病菌、發生咁既事無人想、再講邊個病先都冇意思、好好照顧自己同家人B
2個讚
家有長者大概會明白佢地既固執總係令人唔知點好，我承認唔止今次佢中招唔出聲令我嬲，其他仲包括過往每次對佢既健康關顧，都總係食檸檬
我實在唔知家人B有冇諗自己有冇責任，就算佢有諗，都唔一定能夠輕易响呢個階段承認，留返俾佢自己諗就好
我唔會响家人面前講既，放心，所以先要响呢度講出黎
1個讚
還好有人話我知咁係正常
1個讚
我都明嘅，個個人諗法唔同，只係覺得而家最緊要係你先照顧好自己情緒，家人B有冇反思、承唔承認都好，喺呢個時候著緊呢啲好大機會令自己更加勞氣同傷心
1個讚