其實係03年 sars 後嘅覺悟，普遍感冒都唔會出席 gathering
不過我真係火遮眼代入左自己最近一個好慘嘅親身經歷，無諗過AB係兩個老伴，老人家係會少呢d覺悟。
呢幾句完全唔關事
如果個人病咗會傳染，就應該自己唔出街住，呢d叫公德心。
不過我忽略咗B可能係老人家，老人家的確無呢個覺悟。
好正常，尤其當你聽到好多風涼說話。我好明你嬲乜。
不過如果B係老人家，佢哋真係無太多傳染病思維，唔覺得咁易傳染人。所以好難怪佢
首先，願安息，我成日引用嘅說話係「痛苦會過去，美會留下」，希望你會記得某種留下嘅美。
要接受現實世上有人係咁自私，而當有人心態係「我死唔去就得，我唔想戴口罩」果陣，唯有做好自己衛生，其他聽天由命，唔係個人能力控制到嘅事。知你好嬲，我唔介意你掉低個情緒喺度，唔係個個都接受到事實演變成咁的。
樓上講起流感，我地不妨睇吓數據：2018 年冬季流感死咗 384 人，2019 年 357 人，同時第五波（計法應該係略少於 4 個季度先，解釋時唔好直接除 4，因為冬季係會比較性多人患上呼吸道感染）打 3針 復必泰 或以上嘅 死咗 284+44=328 人，一共死咗 13012 人（要留意唔同年齡接種次數同比例係有唔同）。
知呢度好多人唔想打針，亦唔知樓主提及嘅朋友打咗幾多針，只能夠話如果香港人大多數嘅心態係當一般疾病處理，咁個方向點行好清楚：
- 死嘅一係無打針，一係真係唔好彩。知咁講好 harsh，但都要接受現實。
- 其實 2019 前都有專家叫過老人家係要戴好口罩出入，既然死亡率比流感高（計埋無打針嘅），咁「個人衛生」係要做得比以前好，去補救。我估樓主可能識得其他老人，等情緒回落返嘅時候有時間可以提一提其他人。
Source（官媒，唔鐘意可以唔睇）：
2個讚
基數唔洗計？
每日幾千幾萬人感染，同以往嘅流感感染率，可以咁比較？你單挑死亡人數黎講？
係，警覺性提高主要就係由呢個時候開始
就係老伴，更加令人難以理解
A曾大病入院，明明由3月起已經講緊好擔心A中招會捱唔住，但B今次有唔舒服（突然冇左反應）竟然選擇隱瞞，而且至今否認係covid（3月同今次快測中，B都話自己唔係covid）
成日話唔想自己成為負累，唔出聲唔係仲令人擔心？
有疫情開始已經討論到依家
你聽過最理想方法係點？
B係唔係男士？有啲男士一向比較大男人，就算發燒都唔會認
又可能B係驚要去隔離營又或者要去醫院住，冇得探又唔知幾時可以返到屋企，所以點都唔認、點都唔講自己有咩唔舒服
1個讚
全世界都唔驚唔理，早排世界盃，人地現場果幾萬人都係咁聚集大喊大叫，又新加左幾重症/死亡個案？
自己驚就自己接埋。
有可能唔一樣, 但都可能結果係一樣… 明白你會嬲,
家人B都可能會因為知道左咁而家唔開心, 唔知你佢
地係你邊個, 但都唔好將成件事怪責於家人B, 好多時
長者自己中左都唔知…
之後如果係無左口罩令我都一樣會帶一段時間, 我屋企
都有長者唔想自己中左野到佢.
講真呢啲真係自律只能自己做好自己.
蒙面法係講緊集會和遊行個時唔可以蒙面… 咁一般外出唔舒服
帶係無問題.
要比較，但唔係最大果個考慮。
- 個數據係只計第五波，delta 年代無大爆發，所以個死亡人數已經計咗大爆發時嘅影響，唔使咁驚。
- 有人用其他地方比較我覺得 unfair，因為香港人口密度全球頭幾位（有人用新加坡做比較我一樣覺得唔係好，因為香港有 80% 面積係郊野公園，減返嘅話香港其實係仲逼），而且人均壽命長。我會話個期望係香港應該係最難放寬嘅地方，但遲早有一日要放寬，會唔會導致平均壽命短咗，呢個真係唔知，但現實來嘅，當有人話唔想戴口罩 / 旅遊飲食業頂唔順等等，而個政府唔係民選嘅，你不論喺政制層面定社會層面都好難唔接受，所以要調整心態，唔好再覺得條街無病毒。
- 如果大多數人係死唔去，咁個方向應該係 I. 如果中咗嘅人過多，會唔會塞爆間醫院，導致其他服務受影響（例如其他長期病患嘅病人、要做緊急手術嘅等），按照今年 12 月嘅情況睇係好咗；II. 藥物供應夠唔夠，呢點同銀行擠提一樣，全世界嘅銀行唔會夠錢俾所有客戶提款，但係一般而言唔係所有客戶都會同一時間攞錢，所以只要唔係全香港人㩒走戶口入面嘅錢，銀行就唔會爆煲。止痛退燒藥一樣道理，所以自己要留足夠嘅，但唔好亂咁搶；III. 留意吓點解有人中完特別易死，睇完數據得出嘅結論應該係無打針，咁無打針嘅人下一步要做嘅野自己諗了。
以上講嘅野，係咪兩個字「自律」就做到，你預肯定唔係，但既然你預知到有人係唔自律，而且你會接觸到呢班人，你保護自己同其他人嘅措施就要包埋「有人唔自律」呢點做考慮。我明白係難，但都要焗住做。
自律就肯定,好多人都講會自律,但大部份人都係未必真正做到自律,衹有佢自己騙自己. 包括我自己都有唔自律情況,戴口罩未必戴好,接觸到陌生野未必第一時間去洗手或用隨身消毒液,呢啲都係唔自律之一.
當然明知自己病都唔休息或表面冇野仲週圍去,呢啲人就算現在冇事,冇人知道天知道,隨時有等收一日.
係，的確兩者都有可能，我會調整一下，謝
1個讚
多謝你幫手解釋，不過我都發現無論B係因為咩原因唔睇醫生/拒絕承認自己中招，我都唔會體諒佢，始終我既準則都同佢好唔同，冇辦法交會
無錯調整下自己諗法，好多嘢都唔到我地控制
到，目前首要既時係照顧好在生既家人 b，佢
都估唔到會咁，加上一下子無左老伴係身邊都
會亂諗野。
仲有後遺症未計，後遺症一樣可以塞爆醫院 
那打素醫院內科及大埔醫院內科及老人科部門主管李舜華在同一節目表示，近日入院的非新冠患者不乏年初曾染疫的長者，主因新冠康復情況不理想，如胃口不佳、活動能力下降，或因脫水導致腎衰竭等
http://www.mingpaocanada.com/van/htm/News/20221120/HK-gba1_r.htm
1個讚
呢個世界無得如果，食幾多著幾多可能係注定，節哀順便，明白你會有憂傷期，好好保重，先冷靜休息一會，處理好家人A的後事。
咳嗽 唔－定係感冒， 氣管敏感 都可以 咳嗽。