佢冷待你，你都冷待佢等佢感受下就最好
記住要忍到心
老老實實，你老公冇80分，都有6，70分囉。人無完美，女人最緊要睇開d…
1個讚
我好明你老公，因為我都係咁嘅人。我係女人，但男人性格。
我好愛我老公，我對佢嘅分析，就係愛佢嘅表現，係我認為最幫到佢嘅方法。
佢要求我感性地安慰，我做唔到。我無呢個回路，無呢個設計，無呢個功能。我成世人都無做過呢件事。我係一個機械人，我只會分析。
我哋吵過不少架，我都好理性咁同佢討論因由。佢其實都係個理性嘅人，明白了我做唔到，於是佢剩係要求我聽。好，於是我聽，忍著唔分析，因為我愛佢。於是我咩都唔講。
老公好明白我，於是佢剩係要攬下。呢個無問題，我就俾佢攬，不問原因。
有煩惱我唔需要搵女人安慰。安慰對我無用，女人亦唔會明白，女人仲會喊。我要嘅係分析。安慰對機械人無用，機械人只需要解決問題
5個讚
如果明知唔會得到佢既應有反應，仍然硬住頭皮令佢對你有反應，最後只換黎傷心
咁我情願唔需要佢既關心。。。。我唔想自己本來已經唔開心仲要變得哭哭鬧鬧。。真係會變情緒病架
直接同我一樣 唔搵佢傾計搵其他朋友傾就算
你覺得佢仲愛唔愛你呀
我覺得佢唔係唔識表達感情，係對你無咗感覺
男人係咁 我老公都係
佢好似感受唔到我嘅感受咁
只係識講好理性說話去分析
係冇體諒嘅感情嘅
到最後都係靠自己去消化
我老公唔係呢type但之前有男朋友都係咁，但我好了解佢，所以個陣都無咩問題。
其實我覺得男人女人忙緊既時候都好怕人chur住，同會唔會係你日積月累，每次一同老公講嘢既時候都係講啲負能量既野？以死相迫其實對方都會大壓力，我覺得你可以嘗試搵樹洞䆁放負能量，對住老公就講開心既野，講十次開心野可能都可以放負一次，真係唔係個個想另一半成日放負。
另外你得閒可以google下龍震天”讓我們好好談一談”，其中一段有講，”在女的那方面，她給麻煩男方，想法負面，有情緒；而解決問題的方法很簡單，就是再不要給麻煩男方就可以了，但她從來沒有想過，她天真的以為「透過讓我們好好談一談」的方式，男朋友就會突然間不怕麻煩努力哄她，其實只是她自己天真的想法。”
我覺得佢都講得啱，同埋我覺得呢個作者講好多感情上既野都有道理。我自己係樂天既人，我都好怕身邊人放負，原本心情好好地，一下子就好差。同埋得女人先鐘意咩都拎出嚟講，男人真係唔太鍾意傾計。
你老公係唔理家庭事，但你要做既係提供解決方法，唔係只係呻，例如好多家務，你就同佢講要請工人。
2個讚
就咁睇佢 d 回覆，我覺得佢係一個患自閉症的人士，如果估中咗的，你 d 小朋友應該都好難攪
唔好諗咁多, 有資源嘅去見下counsellor。
我都係一樣，好多時都自己消化左就算
有啲人話揀得預左
或者對小朋友好，有對家庭負責咪得
不過見到對方越來越冷漠，其實每一日都好難受
同唔到朋友同家人講太多…只會令佢哋唔鍾意自己老公，然後會越嚟越想你離婚
其實我都唔想咁就一世
不過真係咁多年感情，仲有小朋友，好難去決絕
睇到依句我就諗，樓主老公會唔會係阿氏保加？
我知道佢好忙，每晚開會開到好夜，有時要出去食飯應酬。
我諗佢尋晚係覺得我情緒勒索緊佢，所以佢覺得好煩躁，所以反問返我轉頭 “跳落去有咩好處”。
啱啱上網Google過 “亞氏保加症丈夫”, 我先生冇打過我，唔好打個小朋友，屋企有咩錢財需要佢唔會孤寒。會主動應酬我屋企人父母。
啱啱讀完姊妹介紹嘅 龍震天嘅 讓我們好好談一談，感覺其實改變唔到就係改變唔到。
其實真係好難改變其他人，你可以改變既就係自己，但要睇吓個人值唔值得你改變。同埋你自己都覺得你老公其實係負責任對你好，只不過係無同你傾心事，但可能佢都有佢既煩惱呢。
同埋退一步諗，如果有個屋企人成日都好唔開心，想死，其實自己都會唔開心，有壓力，就好似你所講既情緒勒索。問題又真係唔係攞出嚟講下就會自動消失，會唔會真係諗下有咩實際solution 可以解決問題？例如你工作上既難題，係有方法解決？就咁同老公講佢都無辦法架喎
我覺得呢度先係最明顯，心中冇你
同情你
女人只係希望多溝通，但男人好似永遠唔明白咁…
如果大家仲相愛你試下改變自己。
如果你仲愛佢，你試下改變自己。
如果你不再愛佢，就改變段關係。
當你嘗試改變自己，你可能發覺對方都改變緊。
女人，表面唔好太硬淨，內心強大，都不要太外露。唔係要你假，而係同一句說話，唔同嘅表達會有唔同效果。
我曾經同你有相似經歷(又係呻工作，我老公同我逐樣分析，佢俾我感覺係我錯，係我蠢) 雖然情況冇你咁壞，但對於我嚟講，都好大衝擊。
1個讚
你愈喊佢愈嫌煩，我就玩絕對均等：你唔關心我，我亦唔會分一丁點關心比你
呢啲係鬥氣，但我唔會比個男人以為可以就咁算。佢對我點，我一定送返塊鏡比佢
男人就係咁
1個讚
咁都未必可以否定呢個可能性, 唔係為你老公揾藉口, 但係你不停假設佢係唔重視你對件事冇好處
揾專業人士幫手對你地一家人都會好啲
我老公都係咁，每晚小朋友一瞓就係打機睇波，有野搵佢傾就一臉不耐煩。
我開過幾次火（我開火絕對唔係人咁品），每次都係之後幾日醒目少少，會放低手頭上嘅野認真聽我講。但一兩個星期後，又唔記得又係個個衰樣！！
我真係覺得佢連呢到嘅網友都不如！
至於解決辦法就係delegate多啲野俾佢做，而家搞緊移民，我真係乜都無理過。apply 呢樣個樣俾返晒佢，反正我急佢就懶懶閒，不如佢做晒有野急我先可還治其人之身。係咁小氣架啦！哼！
有一個父親係如果小朋友有事會好緊張，
講好多野講。
如果係自己太太受傷病左之類，
send 埋whatapp比佢都扮睇唔到，
一句關心說話都無。
當太太理怨做野辛苦，自己病。
老公都係好理性講：其他人都叫你唔好做，
你咪唔好做囉，又唔係我迫你去做既。