同你一樣
又係講小朋友嘅野先會覆，我講其他嘢好多時會睇唔到（直接skip左去小朋友個道）/唔記得左
人前係好好先生，24孝爸爸，孝順父母，冇任何不良嗜好
但係有時就算係關心佢佢都係一句答完，更唔好話會關心返我
傾偈冇，想佢開金口同太陽由西邊升起差唔多
想撩佢見到佢對住我個樣已經信心減半，硬住頭皮去撩最後都係傷自尊心
我冇好似你咁話跳落去，但我都感受到你個種hurt，我喊哂口叫佢唔同我傾下除仔女外嘅嘢都扮睇唔到，好多次我因為太傷心喊佢都扮睇唔到
我都覺得好迷惘，每一日都好難受
我係好想改善關係但佢好似唔俾機會，唔知你係咪咁…
我既情況都差唔多，對我好對我家人好 對我荷包都好open 其實so far都ok
但好多時佢聽完我呻唔開心既野，但比埋d反應或解決方法係令我更負面，完全幫唔到我relax （特別係我工作上既問題），其實響呢方面對佢既不滿當然有啦
久而久之我唔鍾意同佢講心事，我反而同朋友講，我同佢既相處主要圍繞響日常生活雞毛蒜皮上，吃喝玩樂既野
但好怪又覺得咁相處又ok wo…
好相似嘅情況。有時我喺度諗，可能有啲男性品種，就算你搵螺絲批撬開佢個口，攞把槍對住佢，用炸彈炸死佢，佢係唔識關心就係唔識……
咪不斷同自己講：唔好同佢講傾囉。自己處理囉。同朋友講囉 （所以點解要上嚟呢度搵姊妹傾）
積下積下，又會一次大爆發……歷史不斷循環。
呢句真係好真。我向你呻完話你冷漠話你唔識關心，你可能覺得我煩先無奈地望吓我一眼睇吓我想講乜。嗰一刻覺得自己好卑賤，好似乞兒咁乞求你關心，仲有咩心情再講心事落去……
又咁講
我老公係由細沉默到大，佢唔識表達我一直都知
不過由拍拖到結婚，佢都好努力，因為咁打動左我
但到有小朋友就唔同哂，咁當然有小朋友後我都有唔同左，當我地有咁重大嘅「改變」然後步伐不再一致…
你同你老公相處上，只有你自己先感受到係點
當你哋有不一致嘅時候，要點去行，其實個答案係邊，你應該好清楚
我都明你好傷心，佢咁樣其實真係好令你不安，或者你會越來越抓狂，希望換佢一啲反應
我會勸你唔好太激烈，亦都唔好唔愛自己，因為當你激烈完仍然得唔到佢一啲反應個時，最傷仍然係自己…同埋你咁激，佢都只會當你傻左，不理性咁表達自己佢更加唔會接受你
你仲有小朋友，如你小朋友長大同你一樣處境，你會點去開解佢呢，嘗試咁諗好好安撫左自己先，然後再試吓諗點樣同老公講你嘅感受，佢可能冇反應，至少你有好好咁將你嘅感受話俾佢知
其實結婚多年後, 尤其有咗小朋友, 小朋友又長到咁上下後, 夫妻關係自然就會不知不覺中淡化咗, 因為一個男人如果對家庭有責任感, 又對仔女關心, 又對你父母孝順, 只係對你好似關心少咗, 我覺得你應該嘗試理解佢, 可能佢覺得你係成年人, 應該可以搵到自己解決問題嘅能力, 而每個人都會有一大堆壓力, 相信佢本身都一樣會有, 但佢唔會向你呻, 所以佢會覺得你呻都冇用. 我認為你可以轉向自己嘅朋友吐下苦水, 呢嗰都係一種紓壓的好方法, 而對佢呻也可作為紓壓一下, 並有心理準備無法得佢有回應, 呻完就算, 咁樣會唔會比較好呢?
睇完差啲以為係我自己出post
如果佢對小朋友好就算啦，如果成日唔理小朋友就同佢講，小心你老左俾人送去老人院呀！睇下榘會唔會醒覺
問題就係，夫妻除咗責任以外，心靈上是否不需要溝通. 可能男女思想構造唔同。
我冇答案。我都好迷惘。如果唔係都唔會上嚟問大家。
我明白大家都好有壓力，生活上工作上。所以我不斷同自己講，盡量唔好搵佢。
佢好理性，可能會幫我諗解決辦法。或者係我最脆弱最想聆聽嘅時候challenge我點解唔諗ABCD方案。再差啲就係 ”哦”，”好”. That’s it.
佢就係嗰啲人，覺得同你呻完都冇用，講嚟做乜。
而我覺得，兩夫妻，關係唔係過客，唔係hi-bye. 係世界上最親密嘅人。呻完冇用都好。都應該盡量去了解對方。
完全明白，我果件都係咁，最慘係朋友個個都覺得佢好好，同朋友講啲人反而同情我老公，真係有苦自己知。
我覺得有d人性格就係唔鍾意同人傾心事，根本無得迫，可以放棄同佢談心。要傾就搵自己fd傾。可以繼續維持生活伙伴既關係和小朋友父母既關係，放棄soul mate 既關係。沒有期望就沒有失望
你話想跳落去佢無反應係因為佢覺得你唔會跳，只係發脾氣講下。
如果佢連生活伙伴和父親既角式都做唔好就可以考慮放棄佢。
好可悲，但係又好真實…………
我朋友都係咁覺得，連我阿媽都係！當佢係仔多過當我係女。咁我又可以邊個呻…….
好似只有上嚟呢度，先會有姊妹明白。
有冇試過用返你老公啲態度對返佢或者無視佢？以前我老公有一排又係唔多同我傾偈，果陣覺得自己好似冇老公咁！見到佢咁樣我冇癮再想搵佢傾就無視佢又冷冷淡淡咁，反而佢調返轉成日煩住我！
其實呢一年尼，我已經被消磨意志，或者逐漸睇化咗，好少好少因為佢唔聆聽而埋怨佢 (年輕時一定會）
唔係特登唔理佢，而家真係冇力氣再玩呢個心理遊戲。
有時唔出聲，佢嗰刻可能會覺得理虧會主動少少。但係隔咗陣又變回一樣，歷史又係會不斷循環。所以我覺得好疲倦。
試下做小d，嗲多d，不妨呷下仔女醋，等佢知你想要某程度的呵護。可能你太過硬淨，佢已經忘了你需要人幫，習慣左你自己甚麼也攪得掂。呢下佢衰無記性，幫唔落
反而你話要跳落去，是否真心？可能需要揾專業人士幫下自己
其實我有少少明你老公，因為我老公都類似你老公果種人。
佢都係會講咁出類似‘這樣做對你有什麼好處’嘅人。
可能對於佢黎講，同你溝通講冇幾句你就喊佢會覺得冇癮，倒不如唔講
我知你要求嘅可能好多時候係心靈上嘅滿足，例如一句關心，一個擁抱。但佢就偏偏咁簡單都俾唔到你。
或者你試下唔好將屋企啲野攬曬上身，分啲俾佢做，啲咩整水喉換燈膽留俾佢搞
當你好唔開心嗰陣去睇下其他forum(例如baby condom
) 就會覺得其他人老公賤同廢十萬倍，包括偷食、嫖賭飲吹，然後你就會發覺其實你老公唔錯
男人永遠想屋企有個林明禎笑面迎人嗲佢，當你苦瓜乾口臉成日同佢呻，佢哋會覺得你好唔吸引好煩因為佢哋工作上都已經夠煩，佢哋反而似大細路想人安慰同撒嬌、想人關注，男人永遠受軟唔受硬唔逼得，所以女人同朋友呻下仲好
我成日都係咁樣安慰自己
同埋有你哋班姊妹傾訴下，已經好好 
我都係咁，有時鬧交心情差去睇吓d forum就會發覺相比之下自己個老公又唔係太差。至於我講嘅男人睇法係我同老公相處落嚟領悟到嘅，佢哋的確係鍾意屋企有個識嗲人又索嘅開心果，千祈唔好同老公鬥忙鬥攰咁樣只會演變成鬧交