我喊咗一晚
每一次當我好想向你傾訴，你只會睇住手機。而我覺得我不被尊重而發嬲，你又好無奈咁望住我覺得我又咩事，我已經唔想再講落去。點解要我乞求你先望我幾眼。
咁樣嘅循環，由我識你開始已經係咁。咁多年，好多時我問自己，係咪我問題？係咪我唔應該要求你太多？係咪因為性格硬梆梆就自然唔識聆聽？每一次我呻完，你之後一兩日都會俾下信息關心下我。之後變回一樣，直到下一個循環嘅開始。
好多時你唔喺香港，屋企大小事務都係我處理，水電維修，煮飯清潔，教小朋友等等。而我出面仲係一個全職打工仔。
知道你好忙，可能鍾意就有幾日比一個訊息，再唔係就冇訊息。我話小朋友咳，你即刻回覆。我話我唔舒服，冇反應。我換光管俾電電親同你講，冇反應。仍然係望住部電腦工作。
其實你點樣先會有反應？
我好堅強，但其實我唔想堅強。係環境令到我要堅強。我都好想有人錫，有人聆聽。
你係一個好人，對屋企開支唔吝嗇。你係一個正直嘅人，人哋都覺得你係一個好好先生。你會照顧小朋友，你會買餸煮飯。但係你好似做唔到作為老公最重要嘅角色 – 聆聽關心太太。一個看似好溫馨嘅家，但我覺得好空洞。但對你嚟講，呢個屋企正常不過。
“男人來自火星” 有講，男人以為自己嘅角色係要幫女人解決問題。但係其實女人需要嘅係伴侶嘅聆聽。
拍拖當初，係你主動話以後大家有咩心事都要攞出嚟講。但咁多年你做唔到，你唔會同我講半句你遇到嘅問題煩惱。而你亦都冇能力聆聽我講。
我最近陷入事業困局，其實我已經同你講過好多次。每一次你都冇耐性聽我講。直到今晚，我講完你仍然係望住手機。我話我想跳落去，你好理性咁問我 “跳落去有咩好處？” 我唔識答你。係咪要我去分析跳落去嘅好處同壞處？隔咗幾分鐘，你話要沖涼熄機，咁就走咗佢…………
好耐未試過咁歇斯底里地喊，我唔知仲可以撐幾耐。係唔係瞓醒就可以當冇事發生繼續過我嘅日子。
5個讚
佢平時有冇同你傾訴自己嘢？如果佢expect 你聽同分享咁佢就好自私
平時佢唔會講佢嘅問題，每次我想講我嘅問題佢都心不在焉。我知佢好忙。因為我唔應該煩佢？係咪夫妻唔需要傾偈？好迷惘。
除左呢樣衰？佢有無其他好處？例如盡時俾家用？對你父母好？關心仔女？
無人完美，如果佢有其他優點，就睇下夠唔夠cover佢的缺點
1個讚
去到你話跳落去佢都無動於衷，咁你哋係咪真係行到落去？有啲人可以忍、有人唔可以，你係邊種？忍唔到就長痛不如短痛。
我認為係愛，但可能愛已經變成責任。又或者大家工作好忙好攰，一天完咗已經冇心情再去聆聽對方？………….我不斷好理性咁搵原因……
感受到你既失望
小朋友幾大啊？
如果佢唔關心你，你哋之間係咪冇愛了？
你咁堅強，撐起半邊天，可必忍受呢啲冷暴力呢？
有冇考慮過分開？「放過你是放過自己」
仲有一樣野，男人係唔善長聆聽
抱抱先
佢係講得啱，跳落去冇用
「生命滿希望 前路由我創」
冇左佢一樣可以生活
為左唔關心你既人 - 不值
3個讚
對屋企，佢唔會吝嗇洗錢或者俾家用。會主動湊小朋友。會同我爸爸媽媽飲茶。冇不良嗜好。
可能對佢嚟講，盡左責任已經足夠。
其實係咪我對佢過分要求？
再唔善長聆聽，當伴侶話要跳落去，點都唔會話「有乜好處」然後幾分鐘後就走左去呀
3個讚
多謝你。咁多年我都好迷惘。我哋兩個都係好理性嘅人，我會先諗係咪自己出問題。唔想去怪佢。有時諗到自己都就嚟黐線
我本來覺得, 你老公只係過於理性、表達唔好果隻
好似我老公咁, 都係唔鍾意聽我講公司d 是非
聽多兩句就會講"咁你咪唔好做law"
但佢其他野都係OK 既
但我見到你講
我話小朋友咳，你即刻回覆。我話我唔舒服，冇反應。
咁我又唔覺得佢係理性得濟唔識表達
似乎佢對小朋友既事依然會表達關心
好似對你麻木左咁
抱抱先~~~
明白你撐左好耐
你好堅強 
你要求唔過分，但要明白有d男人就係咁無情趣。你仲要講佢一開始初認識就係咁，即係佢一直係咁既人
講真，一對夫妻耐左，好多時都係同屋主咁，相敬如賓，可以一直恩愛唔係無，但少囉，愛情就係會變親情咁。你諗下如果你有事，例如突然有大病，佢會唔會緊張？如果咁都唔會就病問題了。至於你話訴苦佢無心聽，坦白講，我的另一半講工事時我都成日玩電話唔會好留心聽，因為真係好悶同無聊
1個讚
係。我都好不斷理性咁同自己講，夫妻耐左就係咁。屋企工作好多瑣碎事都會消磨大家意志，唔會再好似年輕時咁對對方殷切。
我不斷同自己講，算啦，at the end of the day，問題都係要自己解決。我應該變得更冷酷.
做女人，一個最卑賤嘅要求，只係想枕邊人聆聽下自己…….
唔係。工作和工作以外佢都有大堆豬朋狗友。表面嘻哈。
其實我唔知男人遇到困難需唔需要搵人傾訴？定係係ban埋自己一段時間就OK。（睇書講）
係咪只有女人先要吐苦水
男人多數同死黨呻。
你想佢聽你講野，你有無試過用嗲佢方法請佢聽你講野，然唔係表現得不滿而要求佢命令佢聽