我老爺個細佬個仔，上星期突然走左，因為每年男家團排地點book位等等都係呢家人負責安排，都已經confirm初一唔會攪團拜。
咁我就唸住初一返我阿媽到，早兩日我將呢件事輕輕話比我媽知，我阿媽聽左後反應好大，叫我初一唔好返去佢到，唔洗買野比我哥，通知埋其他後輩唔洗買野比我…
佢話因為走左果個人好親，都叫做關我老爺呢邊事，仲話我應該咩都唔好攪，利是都唔好派，唔好見人…
我阿媽成個反應感覺好似會比人誤會係我呢邊有D咩大件事咁，但事實上係老爺細佬個仔果一家發生事，真係有咁大牽連？
1個讚
佢覺得你嫁左就係男家嘅人，你係外嫁女，男家白事自然關你事，你照做好啲，一就做左唔好比佢知，有咩頭暈身㷫佢會怪晒你
9個讚
咁都係叫做你屋企有白事
你媽覺得紅白相沖唔好
佢覺得唔舒服你咪聽佢講唔好拜年唔好送禮
4個讚
但係老爺個邊有事，係咪應該問老爺奶奶個邊點睇啊？
不過都同意阿媽咁緊張，就算老爺奶奶話無所謂都唔好同佢講咁多好啲。
知道。咁我都聽佢話，新十五前都唔返去。
知道。新十五前我都唔會去我阿媽到了。
1個讚
男家有白事，揸正嚟講，我屋企傳統都係唔會拜年同派利是。
但我哋後生一輩，可以選擇跟或者做左唔好話佢知，如果上人哋屋企都會先問對方是否介意，介意就唔好上去，約出來食飯都得。
6個讚
我都覺得呢個先係重點
乖呀 
既然唔使去拜年
可以諗定新年有咩節目
4個讚
呢個就係問題，我無特別追問，但我老爺奶奶直情唔當一回事，尋日老爺仲食生日飯，我奶奶仲買蘭花年糕，呢幾日仲會添置更多花同食物係屋企，當然，團年飯年三十晚照食盆菜…
咁唔去阿媽個邊既拜年啦唯有。
中國傳統好奇怪，人在生時無能為力，死後反而法力無邊，做咩都會影響咁多人。
你應該都唔係同佢太熟，唔會為佢嘅死流一滴眼淚，呢啲禁忌原意係唔想一個傷心嘅人去一啲喜慶場合，互相影響對方心情，只要你心目中無負面情緒，唔提唔講咩事都冇。
10個讚
知道了，都要聽佢話。
係呀 我有時都同阿媽講，爺爺個啲好緊張年年都要拜山，但又唔見在生既時候年年開生日會。
1個讚
我外母過年只收藍x 曲奇，因為可以轉送其他親戚。有一年我送靚花菇俾佢，貴嘢來㗎，同年我舅仔俾公司炒左，佢入咗我數，話我新年流流送冬菇，攪到佢個仔燉冬菇。
你媽媽咁緊張， 可能係因為奶奶會怪責他教女無方， 唔識規矩
你中招得好無辜，迷信嘅人呢啲野會記一世
1個讚
真係第一次聽呢d
咁係咪新年都唔應該食冬菇
咁好笑，咁你可以同佢講你咁法力無邊古代一定係巫師。
但我都試過有年新年著左條爛牛仔褲（fashion)，我媽老屈我著左之後成年都好黑仔，叫我以後新年唔俾著爛衫爛褲 
事實上連我老公都唔熟，但聽到突然離開果一刻係震驚，過後我地都無感覺。
跟你講法一樣，心中無負面情緒，但我自己就覺得我媽既睇法比較大，老人家年紀越大似乎迷信越大…
都係一次， 有什麼事就數足你一世
1個讚