純粹心情唔好，又有野比佢入到，再加上迷信，所以中招
1個讚
唔好意思笑咗。
咁你舅仔有咩反應？
你呢個好無辜，但佢又形容得有道理。
都唔止死人既
在生既人都有
紅紅都相沖
果陣朋友結婚
埋怨有老友早佢兩個月結婚
當時朋友有去飲佢老友果餐
但當佢自己結婚時對方就以喜事相沖唔出席
依位係你老公既堂兄/堂弟，係你大伯/叔仔。
點都係屬於男家既白事，仲要白頭人送黑頭人。一向有白事既果一年都係唔好拜年，未辦完事都唔好去人地屋企。
一來去左對方屋企有咩事就有得瀨你，二來白事都自帶晦氣都唔好帶去人地度啦。
自己諗法西化唔信依d野都唔可以無視其他人既諗法，果個仲要人自己阿媽添。
2個讚
明白明白，絕對專重我媽決定。一律唔見面。
但我老爺奶奶又係咩想法…選擇性迷信？
我結婚嗰陣，有朋友早我三個月結婚。 佢問我介唔介意，因為佢好想嚟我嘅婚宴。
我同佢講你唔介意就ok，我哋屋企唔介意。
結果佢都有出席。
2個讚
我結婚時無擺酒
但有朋友遲我一個月結婚擺酒請我去
我都有問佢地介唔介意
佢地OK 所以我都照出席
1個讚
我阿媽都試過近似既事，
當年我太婆生日，佢返大陸同佢賀壽，咁果時大陸乜都缺乏所以手信都係帶藥水膠布呀，撒隆巴斯呀，藥油果d。
上去過一晚夜，咁即係壽酒果一晚放低d手信，點知過左大壽無耐太婆就拗柴又成日頭暈要查藥油，結果去到d手信用晒先好返，太婆勁嬲我阿媽，話佢o係佢生日時俾d藥物佢搞到佢真係唔妥。
依家我阿媽都成日提我唔好送依d野俾人，好用想介紹人用都唔好送俾人
想問清楚當時人，最容易解決，大家坦開講
前同事結婚，雙方父母都唔係迷信嘅人。
佢bridesmaid有白事，同事覺得無問題，佢地係best fd. 奶奶都冇問題。但阿媽突然好大反應，堅持唔比佢做bridesmaid , 同事唔理解點解平時唔迷信嘅阿媽做乜而家迷信。我安慰佢，佢可能就係驚你奶奶touchwood有咩頭暈身㷫會怪你一世，即使而家口頭上唔介意，唔想你嫁第一日就有婆媳問題
4個讚
唔需要用理性去理解「老爺奶奶」呢種角色，總之唔係過份要求，又無傷大雅，就照做，又或者做左唔好比佢地知
1個讚
長輩信，最簡單是跟機
佢話點做，如果做到就順下佢意
新年講意頭，每一年總有沙沙石石，免得被入數
是否迷信，其實不是重點…
新年靜靜地休息下，是福氣
7個讚
我屋企初一唔比洗頭，我細個搵個籍口話落街買嘢，其實係去salon洗，然後求其買啲零食返屋企，就解決左。費是家嘈屋閉
1個讚
其實真係問番個當事人介唔介意。不過我直覺嚟睇，紅紅相冲又好過紅白相沖，紅事我會問，如果係白事，我雖唔迷信，但都唔會問人。
3個讚
各有信仰，但求大家都心安理得就prefect
紅紅相沖例子我又有 
朋友係護士，唔信相沖依d野，阿女6個月佢再懷孕，5個月肚時去飲人地滿月酒，當晚見紅要call車入醫院，細仔出黎1.1磅，成家都好擔心湊得好辛苦擔心養唔大，不過結果都好好細佬依家好健康成長。 依家兩姊弟相差不足一年 
4個讚
嘩~~~
5個月出世?
好犀利
1個讚
被迫出世，出左黎都諗佢養唔大 
所以BB 好犀利
生命力好強
家人又捱到佢大
宜家仲健健康康
奇蹟
所以有人寧可信其有