各方面都吃力不討好，做全職主婦湊2個，由朝忙到晚都無停過，細女仲細，日嘈夜嘈，大女就頂心杉，成日都好激心，都唔識點教，老公因為返工煩，返到黎就黑口黑面，我講咩都唔應，都算，幾句唔應，我就會收聲，但又會埋怨我唔同佢上床，因為我真係好攰，無咩意慾，所以協議左一個星期一次，不過佢都唔滿足，有時好啦，同佢做多次，但1，2日後又話要，唔俾又黑面，唉，我真係好心攰，開始反思其實結婚生仔個意義係咩？我都係呻下，因為其實都唔知可以同邊個講，身邊果個又唔願意同我傾計
1個讚
可唔可以比自己放日假，放手比老公湊一日等佢知你一日有幾攰幾忙？唔好理佢點搞，自己放下假。
3個讚
協議咗佢反口仲黑面，好簡單，叫佢湊女兩日睇下佢點
5個讚
試吓比多啲家務老公做，幫輕下你，你有時間同體力咪可以同佢上床囉。如果佢唔幫手，sorry呀，冇時間。
最緊要錫自己，姊妹加油！
7個讚
你老公係咪古時大男人心態個種呀？ 男主外女主內
個標題應該叫做「做全職老婆同老母好煩」。我好明白你⋯當我哋做到仆街時d男人放工返到來自以為高人一等錦，睇見到眼火爆。我有理由相信係你表達得唔夠具體，當我哋好攰好燘時答佢哋「我湊女湊到好攰唔想做」佢一定會聽唔入⋯
試下當你老公係小朋友錦「儲分制」每完成一個task吸隻兔仔比佢，儲齊五隻有一次sex
, 如果佢咁叻一日內完成到五個task你到已經冇咁攰啦
3個讚
眼熟
我老公都係咁，
成日黑口黑面。
問佢野，即刻啤住你。
一係就好串咁答你。
其他人一係鬧番佢，
一係唔理佢。
有幾次我都比佢嚇親，
好聲好氣同佢講嘢。
小朋友更比佢嚇到喊。
樓主你只有同自已講，
呢啲係佢嘅性格，
佢阿媽生佢已經係咁架啦。
無得變，天生黑面。
性方面最重要係大家都有心情，
有感覺。
無心情同咸魚有咩分別。
個人意見。
1個讚
其實男人係咪普遍無同理心，見個老公咁可能要諗下出黎做返野儲下錢，我老爺都係養家嘅大男人，我奶奶無做過嘢，老來有唔舒服，老爺自己唔舒服就立即走去睇私家，我奶奶就要排公立醫院
老公有無放假嗰陣主動幫輕下你？或者有冇問過做啲咩可以幫輕下你？
如果冇無論如何，你都要出返去搵工，做咩工都好總之就係出返去搵工，直至到佢理解湊小朋友係共同責任，同埋去理解錫老婆都係佢嘅責任。
而家咁樣嘅生活，捱多幾年一定出現裂痕。
首先佢一返嚟唔好同佢呻呻呻，屋企嘢最好你自己諗方法搞掂，大事例如要搵師傅整就同佢商量。正如我一返屋企，我都唔想啲人俾一大堆問題我去面對。佢返工辛苦，你都要體諒吓
你同男人都係太累了，大家都想有人體諒自己工作/湊仔嘅辛苦。但當自己都累，就都無精力照顧對方感受。
改變人好難，所以可以調轉改變自己。以下嘅嘢唔係人人啱用，唔啱用當無聽過就得：
你試下體諒佢，佢黑口黑面，你就講工作辛苦啦，唔講其他事務嘢，等佢心情好啲，佢先會有心力去體諒你。
2個讚
首先要諗方法令自己冇咁攰先，因為冇 energy 其實乜都做唔好
我都同你一樣都係湊兩個，細既又係好細一唔啱就大喊 lur 地etc; 大既又大好多句句一言九頂成日講D hurt 人說話
不過我又冇「由朝忙到晚都無停過」wor, 你係咪D嘢太上心太勤力所以咁攰？
例如家務咁，唔駛好似姐姐咁所有都做，個地 dirty 咪由佢囉唔駛日日掃
煮飯，咪叫吓外賣，食吓 pizza/包囉，唔駛日日都三餸一湯
跟住湊囡s 喇，細既咪由佢情緒發洩囉，喊到攰佢會自己抖吓
大果個只能包容吓，佢講既未必係心果句 so don’t take it seriously
咁你心情好D，又冇咁攰應該個人會舒服好多
總之你搞掂自己先，之後先諗老公 problem
5個讚
十分認同，最有效既方法。
至於老公個問題，唔處理好易有婚姻問題。
有好大部份男人，其實只要果方面滿足，細路有無管教好或家務有無做，唔多重視的。
先用 hea心境做家務，等有返多些體力，就盡量多些行埋。唔好再約法三張，幾耐做幾次咁，難聽些講，買賣咩。
之後感情自然會好返。
1個讚
點解你老爺既錢唔比奶奶用下咩？
我識好多都係就算老婆自己有番工都好，
都一定要老公比家用自己。
老公唔記得左，老婆會發脾氣的。 
或者老公提款咭老婆手揸，
每個月出糧，
老公需要用錢先一啲一啲比佢。
我自己就唔係呢類。
唔生都生左 忍耐下 小朋友好快大
老爺性格大男人，自私又孤寒，家用有比，但醫療包埋係家用裏面，儲到幾多就靠我奶奶本事，不過私院啲醫療真係好貴，加上又退咗休好多年，咁錢就得一筆又係佢搵返黎嘅，攞咗出黎醫我奶奶，老爺將來身體有事時點有錢醫自己，之前身體健康就話夠食夠著就得，老來要醫病嗰筆錢真係要計清楚
我老爺性格都係大男人同自私，但係佢係有錢，都叫做肯俾錢。但就唔會照顧奶奶，姐係唔噓寒問暖，唔陪睇醫生，家務煮飯唔洗旨意，只係出錢。好彩奶奶生左個女，會照顧佢，但兩個女得一個會照顧。