我覺得有啲男人根本就唔會appreciate FTM, 佢哋只會覺得你無咩嘢做，返工最辛苦。去到呢個位，睇你覺得做人好難其實你都已經唔enjoy做ftm。為咗自己心理健康，不如搵份工再請人幫你湊小朋友啦。
再湊落去變左黃面婆又覺得自己小朋友麻煩，同老公關係又差已經太遲。
出嚟做嘢有競爭力，有錢，識到人，到時老公話唔定驚你有第二個，更加緊張你。
真心覺得女人一定要工作，就算係part time都好，有賺錢能力會好好多
我都覺啊，一係就儲定一筆錢，唔做嘢都夠洗既。
就算儲唔到錢，但老公見到老婆有賺錢能力，佢地會感覺好啲
唔係FTM搵唔到錢而令老公睇唔起自己從而對自己差，係個老公唔適合有個FTM嘅老婆。
要有一個開心快樂嘅FTM老婆，個老公首先係要知道每個家庭崗位都係極其重要，知道老婆嘅辛勞，會欣賞並且感謝佢嘅付出。如果老公唔係Lee種人，已經比上一代嘅男尊女卑、重男輕女觀念荼毒，咁就唔好勉強自己做FTM。
要成為一個開心嘅FTM，其實都係要睇下自己究竟適唔適合做FTM，生之前亦要衡量下自己個能力。如果覺得兩個小朋友會好吃力，咁咪生一個囉，如果根本都唔鍾意小朋友，咁就唔好生，因為真係好麻煩。
最後，夫妻有一定密度嘅性生活係樣好基本、好基本嘅嘢，係幫兩個人叉電、增進彼此感情嘅活動，如果連Lee樣都覺得冇意思、其中一方推來推去根本唔享受、覺得屈就或者係施捨，咁段婚姻就真係唔知為乜。如果30歲已經要面對性生性不協調嘅問題，咁唯有將就下過埋嗰幾十年、睇住d仔女大，盼望老來得安慰。
至於要睇下個老婆搵唔搵到錢同有冇財力再來決定需唔需要尊重佢，我覺得係好低層次嘅考慮，咁樣係拜金，不如直接搵個事業有成嘅女強人做老婆。
1個讚
我覺得唔係話”要睇下個老婆搵唔搵到錢同有冇財力再來決定需唔需要尊重佢”，而係我覺得要成世靠人哋俾錢既感覺無安全感。呢個都係個人感覺，我係覺得有錢好重要既。
等人俾錢我個主動權唔係我手上，當然可以係老公有錢啲，但我都要有錢。因為尊重/俾錢，都係今日我可以俾你，他日我可以改變既野。小朋友細個陣會比較睇到ftm付出，人生流流長，到仔女都大個陣就可能唔記得哂。
咁當然ftm係有付出，係值得收人工，我女性角度當然好support。但現實啲講，好多人都會take it for granted。等於請工人佢會覺得要俾錢，但老婆做家務又唔覺得要俾錢。我觀察到大部分情況係咁。
老公係搵到錢既，老婆賺錢買花戴咪仲開心，小朋友又可以兩公婆一齊湊。
咁即係唔關老公事，係個老婆要錢旁身，咁就唔適合做FTM。
但前提都係好似你咁講要搵個係會個老公知道老婆辛苦，又感謝付出囉。但就算係母女母子關係都唔係個個感激母親付出。今日唔知聽日事。無做野會放左自己係一個比較worst既position。
係呀，所以唔係個個可以做到開心嘅FTM，要外在環境同心理質素都ok先得。
1個讚
活在當下，好好對身邊嘅人，珍惜擁有嘅嘢，唔好充滿怨氣。對父母寬容d，對配偶著緊d，對仔女唔好太苛索。
該主題在最後一個回覆創建後180天后自動關閉。不再允許新的回覆。