呢個方法得喎
以迷信導迷信
你媽「long嚟」成咁，同佢講道理都嘥氣
你媽初時係嬲你老公，宜家係嬲你幫住老公，冷處理好似係俾時間佢發酵而越來越慶
但我無智慧去解決呢d野，作為一個當初無做好女兩頭瞞的女兒及妻子，我衹可講一聲抱抱
1個讚
點迷信極都唔會講得出口，你阿媽人品好有問題
直情唔關迷信事，係佢個人有問題
5個讚
唔知你想點啦，作為第三者睇呢件事呢，要道歉嗰個應該係你阿媽，唔係你哋！
調返轉頭，唔係沮咒佢，生cancer嗰個係佢嘅時候，俾人咁樣歧視，佢自己又點諗？
3個讚
要道歉同老公道歉啦，自己阿媽講啲咁難聽嘅說話搞到一鑊泡
男家都冇錯，你幫男家都好正常啫
類似嘅情況我都試過，不過好在我老公冇聽到
當年產檢嘅時候，正常產檢都會驗吓唐氏之類嘅嘢，我同阿媽講去驗嗰陣時，佢即刻好大反應，話佢家族冇啲咁嘅嘢，我阿爸嗰邊都冇
果下我真係好嬲，即係如果萬一唔好彩有乜嘢事，咁佢係咪話我老公嗰邊出咗問題先？基因突變唔得嘅？
不過果下我真係”good“一聲吞咗佢冇出聲，因為我知道佢覺得自己好有道理，嘈佢反而會嬲咗我
但係呢件事我記到今時今日
咁多年我學識咗，如果你諗住息事寧人，除非諗住呢世都係咁，同唔講道理嘅人道歉係完全唔work 㗎
6個讚
我嘅睇法， 唔會道歉
（可能我會有啲自我投射落你媽度， 可能以下會有偏見）
你媽唔覺得佢有問題， 你媽覺得做咩要同"呢啲人" 食飯
唔好招野 啲晦氣返黎
佢要你道歉， 要你知錯係其一
其二係， 我係你媽， 我做嘅嘢一定係啱
你係錯， 你必需道歉去承認我先啱個位
而且你老公咁樣同我講嘢， 無大無細，個親戚仲親過我呢位媽媽 （唔記得點稱呼， 女叫阿媽係奶奶， 仔叫媽媽係？？ ）， 條氣唔順
我覺得如果講明你地嘅底話
你媽都唔明， 由佢
佢無同理心點講都唔會明
（sorry, 用咗呢個字）
當然， 如果唔想同阿媽關係咁差
saysorry 都ok嘅
不過講完， 佢係唔會明到底你地出發點
但可以平息件事
不過下次再有類似嘅事， 即你地有唔同嘅意見
你都係屈服個位
2個讚
佢淨係會聽到你咀咒佢， 其他咩都聽唔到， 諗到嘅係點樣鬧爆你
3個讚
嘩超正，完全係有聲 
完全講啱晒伯母嘅思維，因為我阿媽都會係咁諗
就算事實擺在眼前，擺明全世界都話佢錯，佢再加多句：
錯咗咪錯咗囉，家陣你好巴閉咩？（跟住求其搵啲咸豐年前嘅嘢話你錯繼續鬧） 
3個讚
你媽又知佢cancer
講真餐飯邊個做host 就邊個決定
奶奶同你阿媽嘈？
咁大件事？
人地個女婿關佢乜事，人地個外母都未必咁老土
1個讚
有聲post
而家都唔係講對錯、因為太明顯、唔排除新婚想俾個下馬威佢老公
我以前都想息事寧人都認低威、同埋怕煩
、點知佢只會變本加厲、到一個點始終會爆、除非一方突然醒覺或者另一方永遠做低、我未嫁前都無所謂、跟住自己結婚生子、佢就會講結左婚無阿媽之類既說話、都傷心有啲人真係一定要贏同好面子、果個仲要係自己阿媽……
2個讚
好女兩頭暪，係真架
1個讚
得罪講句：仆街一個，人哋有cancer仲諗緊意頭嘢
賤都要講：佢自己小心身體，有報應嘅
道佢條老毛
唔道歉 仲會教訓佢
每個人都有病嘅時候 何況cancer又唔會惹開 如果大傷風感冒就請佢唔好嚟唧
野蠻人只會愈來愈野蠻 唔會助長佢發大
不過又係怪, 又會無啦啦提個親戚有cancer… 定係親戚甩曬頭髮, 想提提阿媽先?
1個讚
如果男女對調, 你一定俾大家X到係豬隊友。你媽媽擺明情緒勒索, 件事明明佢有問題, 都可以講到係你地唔啱。你道歉, 你老公會點諗?
總之, 以後唔好兩家一齊食飯啦。
7個讚
真，出現婆媳問題就係老公唔識處理，男女掉轉都一樣
外母不滿女婿由結婚堆稹到而家，同樓主點處理一定有關係
反而冇人關心男方要忍受外母歧視自己親戚，個老婆仲諗住去道歉！
完全唔明點解要猶豫道唔道歉呢個問題
換著老婆受委屈，個老公仲要同奶奶道歉，一定俾人產到上天花板！
7個讚
唔係架，迷信依家嘢本身就係一門唔make sense嘅哲學，你用再多嘅科學同佢講都無用，家下雞同鴨講咁，你又唔知對方嬲乜，對方又嬲你唔明佢。
其實唔係邊個錯，只係大家觀點唔同，你無辦法講服佢相信你嗰套，佢又無辦法明點解你地唔明。
你地只係結婚無耐，話以後唔見、講晦氣說話好容易，但咁樣真係值得咩？
你做中間嘅就要學識喺兩邊角度諗下，再諗下佢地份人鍾意聽咩說話（你應該係最清楚嘅人），試下喺對方角度諗下，可能會令你明白多啲而無咁嬲，睇下可以點安撫媽媽嘅擔心，然後再同老公分析返件事等佢無咁嬲。
1個讚
我嘅話應該連自己呀媽都鬧埋，都唔好講話道歉。不過佢而家落唔到台，要諗個落台位比佢大家唔好再提就算。佢主要覺得無面
2個讚
你就唔好再打比佢喇，除非佢態度軟化
事實佢係錯！冇可能仲發人脾氣
下台階都比左佢
佢自己要繼續企係台到 幫 唔 到 佢！
正常都唔會難為自己個女
幾廿歲都唔化！
2個讚
迷咩信丫
根本係心地唔好
如果伯友自己有病、係咪會摺埋自己唔好比自己邪到人？