事源係 早排擺酒，剩左一圍
就諗住做冬一家人去酒樓食埋餐飯
咁依家可以12人食 咁我同老公就想湊夠12個人食
但我女家呢邊親戚唔多，有d又唔得閒黎
於是就諗住叫多d男家嘅親戚，有個親戚係有Cancer
我媽一聽到就好唔高興 話唔好叫佢黎啦佢有cancer（佢好迷信，佢應該覺得意頭唔好？）之後又指定叫邊個邊個男家既親戚黎。我老公聽到就好嬲，話人地有cancer已經好慘，點解仲要咁歧視人？我呀媽都好嬲，佢覺得我老公重視自己個親戚多個自己個岳母
因為呢件事我同我父母已經冷戰左成個月，琴日主動約佢地食飯，我呀媽仲係度講緊d晦氣說話，話叫我地同佢地d親戚食得架啦，仲話我幫住我老公
唉，究竟我哋係咪真係有做錯？應該同佢道歉？
咁你媽又係既，cancer又唔會傳染
唔應該道歉🫣等佢淡就算
下次開始以後分開食，廢事煩
一定唔會安排2家人一齊食飯, 大忌 
我就一定唔會道歉, 都無錯道咩歉?
每個人都有病既時候。。。如果 病既唔請得，窮既唔請得，單親既唔請得，你下次淨係同佢食算
呀伯母又真係做多左
你做中間人又誠實左啲，首先應該諗個籍口同老公講 話怕唔怕人多惹病個有cancer嘅親戚，本身長期病患最怕惹到病架應該，直接講好易大家唔妥大家
但你又要俾你呀媽知道左老公嬲
真係無言
而家變成咁，你有好大程度上嘅責任所以你自己私底下兩邊氹啦
你媽有心結，不過最緊要都係你俾佢覺得你錫哂佢，然後再幫老公講返多啲好說話
道歉係邊個同邊個道歉我覺得你自己私底下氹返人好喇，唔好叫人道歉，兩邊都係
叫阿伯有o係屋企食自己啦
為依件事唔需要道歉，如果係中間d態度之類果d就無意見，睇下係唔係嘈得好勁。
如果我老母咁樣講我會真係唔同佢地食。
如你所願，收線
不如咁諗…
媽媽的出發點應該是為你好
是否迷信就另一回事
佢咁信意頭
不如同佢講，好福氣分享俾有需要的人是功德
另食完嗰餐飯，就是新開始，好運接住嚟，餐飯嘅嘢由得佢留在餐飯
最後，唔好再兩家人食飯
新年都咁話
你老豆有咩睇法?
覺得你媽因為cancer 唔俾人去食飯呢個行為合理?
同意你媽講宜家你只幫老公一家?
因為當時個情況係我地3個係度傾電話
我老公一聽到佢咁講就即刻爆啦🫣
我知道我都有責任
不過我真係唔識點處理
道歉係我媽想我地道歉，因為琴日佢仲提緊呢件事既時候仲好嬲咁
咁就太轟烈喇實在
一齊傾電話又真係避唔到
講真，伯母嘅要求有啲過火
仲要人道歉
所以我唔認為你老公要道歉
你各自各咁氹
氹返老公再問佢，肯唔肯認下低威囉，唔駛道歉嘅，你負責買啲野，佢負責送俾你呀媽，請下食飯咁，見面前你再落多啲嘴頭話老公唔係咁嘅意思之類
你同你老公講你媽媽要個下台階
氹掂老公，佢都應該唔會要你難做
但大前提都係你老公肯唔肯，如果佢唔肯其實都唔怪得佢，唯有你再慢慢氹返呀媽
嘩呢個都好重要
叫你老豆出聲幫手擋下呀媽啲火
我媽都超麻煩，我都係叫我老豆幫我我老豆一出聲，我呀媽就唔會再迫我
如果係我, 我一定一定一定唔會道歉, 係自己阿媽歧視人哋, 最多我唔再提, 慢慢等件事過去… 不過, 以後都只係自己同父母食算啦…
如果掉轉成件事 你媽有病 你奶奶話叫你媽唔好黎 黑到人
你幫你媽 奶奶嬲左你 你會唔會同你奶奶道歉？ 你咪知道答案
我講道理 就一齊唔好食 做錯仲要擺款？自己阿媽都無情講
好女兩頭瞞, 係有用嘅.
我都成日都兩頭瞞
我阿媽迷信極都未試過因為對方有病而覺得人哋唔應該出席飯局，佢成日話好事係百無禁忌，要避都避唔到咁多
呢件事你有兩點你可以改善：
1，明知阿媽迷信就唔好比你老公同阿媽直接對話
2，約三邊人一齊食飯，呢個組合出事機會係A級
道理上要道歉果個係你阿媽，迷信到傷害人哋感情喎。果餐飲男家有份比錢，請邊個食係人哋嘅事，佢批評人仲教你老公請邊個嚟？就算掛住長輩個牌都好無禮貌囉。
情感上你要道歉嘅對象係老公唔係阿媽，伯有咁講嘢好失禮好無同理心，比男家知道真係分分對你印象都差埋。佢咁講就算目的係想個女好都先陷你於不義。
樓上JM講得岩，好女真係要兩頭瞞架，男家嘅資訊唔好講咁多比阿媽聽。你阿媽依家係落唔到台，但歉呢… 比著我就一定唔道，如果唔係下次更無理就要就範。不過我會好聲好氣同佢講我嘅難處，同老公念舊念親情嘅優點。大家文化背景唔同，所以無是非對錯，然後過年時封返封大利是「孝敬」佢就算啦。
下次你想公平啲，寧願出錢分開請男女家食飯，都唔好約一齊了，尤其知道自己阿媽唔易搞（我阿媽都惡搞，所以我盡量避免佢同男家仲有我老公接觸）。
咪係囉！
點會咁安排
伯母唔啱，唔洗道歉。
我覺得你太縱容唔講道理嘅老人家
我好憎我媽就係咁，如果係我，我一定唔會道歉，再爆多句：他日你有cancer我都唔會同你食飯
我認我係衰女包，有無道理可自己決定
我覺得係你媽做錯，點可以話人cancer然後唔好叫人黎，正常人聽到都會覺得佢唔啱啦。
你應該同你爸私下講，話主動約食飯已經係俾下台階你媽，講道理唔係幫住邊個，呢件事應該問十個人，十個都會覺得唔應該歧視人cancer啦。叫佢唔好小事化大。
同埋啱啱先結婚，正常啊媽應該唔會咁快嘈，講啲咩重視老公親戚多過啊媽既言論，係咪本身結婚個陣都有啲事發生，有過節啊？可能有其他嘢放咗喺心，積積埋埋。