唔道歉，仲同你亞媽講你迷信會另我離婚，安樂啦
咁又唔係，我有時都會安排，不過係老爺奶奶同自己父母，唔會咁多人。
多謝你咁認真覆我
剛剛同佢傾過，佢仲係覺得自己冇問題
佢話，我只係講咗一句咋嘛，使唔使咁樣鬧返我
邊有女婿會咁唔尊重個岳母架，家下個親戚重要d定岳母呀。又話邊個邊個個女婿好好架，點會咁樣罵人
佢仲話以後唔想見到我老公（我諗呢件事只係導火線啦，之前已經有因為其他嘢嗌交）
男家已經知道左呢樣嘢啦
我奶奶都有同佢嗌交
佢真係周圍辣火頭
搞佢唔掂
係呀，你講得啱，結婚之前已經嘈過一獲，今次可能只係導火線，佢話以後都唔想見到我老公喎剛剛打過比佢，佢又係咁罵我老公
咁你等一排再處理佢哋既關係啦，宜家氣上心頭，又落唔到台，唯有冷處理。
我唔知佢哋之前嘈咩啦，但你媽都好唔識諗，新婚要個女難做。
或者你教精你媽啦，你就企係有道理個邊既，佢係唔想人去都作個好啲既理由，話廢事人哋有病舟車勞頓咁辛苦嘛，宜家都幫佢唔落。
1個讚
坦白講,男家女家最好唔好有咩來往,就係最好嘅安排
第時唔好再約一齊見啦
少見反而可以維持表面和平
4個讚
講就講結婚係兩個人既事，但其實真係兩家人既事。
我覺得耐唔耐見下對方都正常？話哂都叫親戚。但當然人人都要做好自己本分啦。正如你新識個朋友都會客客氣氣。
你阿媽都幾極品下，俾著我，呢d 人唔止唔同佢道歉，更加唔會氹佢，等到佢知自己衰咩先見面，做咩仲要聽佢說話睇佢面色？
道歉、氹佢咪即係暗示佢啱？下次又俾佢食住上。
上次奶奶新抱飲茶單嘢可以咁盡，親身老母都一樣，呢d 嘢講道理。
3個讚
如果呢單嘢係男女家掉轉，個男人打俾奶奶係咁鬧新抱，好多女人反應好大。
佢咁嬲，叫佢嬲夠先搵你啦，老公俾人鬧好過癮咩？！
4個讚
真係玩好大
宜家辣著晒男家
我覺得冷處理算
既然佢講到唔要見女婿
咁咪唔好見一排先
同埋得閒搵你老豆探下口風
睇下你媽諗法有無咩改變先決定幾時再搵番佢
我之前都有咁講過
佢就會話我唔幫佢(佢應該覺得我，我老公，我奶奶3個圍攻佢)
佢好硬頸 我諗佢一世都唔會覺得自己有問題
都過咗個幾月，以為佢會下咗啖氣
點知好似越嚟越嬲咁
樓主媽媽應該一向都迷信開，做女無理由唔知阿媽龐嘢，你喺中間要學識好女兩頭瞞（好大嘅學問）。
雖然阿媽咁嬲法係唔合理，不過情感上都明佢係為你著想，你喺依個時候講道理，佢又點會聽得入耳呢。
既然佢咁擔心意頭依啲嘢，我會同佢講，搵咗乜乜廟求咗啲平安府（向依個方向諗返啲令佢安心方法，或者樓上jm咁講都唔錯），安撫咗佢嘅擔心先同佢講道理啦。
3個讚
就算佢下咗啖氣，過幾個月咪有其他嘢又嬲過。
佢唔明就唔好俾老公同佢見面，佢覺得唔尊重咪唔尊重，佢好識尊重人咩？你自己返唔返去受氣就自己決定。
2個讚
咁佢哋之前嘈交，係咪都係你媽唔講道理？定男家真係有野對佢唔好？
迷信最多八婆野啫、cancer 又唔係傳染病、仲要嘈、樓主好好安撫老公啦
再嘈直接答佢對老公黎講男家親戚梗係親過外母、在理在情伯母都好野蠻
以後兩家都係少接觸為妙
1個讚
我媽以前都係、再嬲已經唔係因為件事、係因為冇人認低威氹返佢落唔到台、但而家我唔會再縱佢啦
3個讚
你明知你媽咁介意呢啲仲要兩家人一齊食飯
其實擺完酒
除非有白事 兩家人都唔會再見
咁如果要道歉， 之後餐飯我要全部出席既做晒身體檢查同算過命先好黎
成件事一定係係媽唔啱㗎啦，冇可能道歉
有機會係你媽仲未習慣個女結婚，覺得冇咗個女，但用咗發晦氣嘅方法表達。
結婚係兩個人定兩家人嘅事，其實係個人選擇
感覺樓主都係好想取悅個阿媽，但冇咩牙力俾人食住嗰種
對住啲無理取鬧嘅人，最佳方法係比佢更癲
唔係要歇斯底里咁發癲
想當年我媽又係事後不滿個婚禮，我好淡然咁講，咁搞多次囉滿意未？
然後佢就自然收皮
你媽再話你手指拗出唔拗入
我會同佢講咁離婚囉，成世痴住你好冇？
經一事蔡一智，唔好再夾硬男女家一齊食飯喇
4個讚