最近呢幾年買既樓係唔係基本上都負資產？
你會等升返定換更大樓？
跌咗都要住
自住唔驚
之前D人講嘅
是否「負資產」要睇業主比咗幾多「首期」，
樓價 細過 銀行貸款金額 先至係 「負資產」。
好多人誤會 現價 低過 賣入價 就係 負資產。
咁我都誤會左
如果借9成，又跌得多先負
借九成，就會負資產。
但壓測底下，再加上借少啲，銀行回返多啲現金回贈的誘因下，上到會的業主都有實力供得起樓。
除非唔好彩，上完會就經濟出問題。
同埋自住物業/長線放租，升跌只係字面數字，每月準時還錢，銀行唔會call loan。
3個讚
其實投資/自住都好難係最低點買，最高點放。
我唔會成日check住樓價，除非講緊炒樓啦。
我覺得有需要買樓同有錢就會買。啲錢唔用係樓都係用係其他地方，宜家通脹，咩都好貴。
依家換大定升返先換大啲
就睇你手上流動資金。
如果你資金夠首期，梗係跌市換大單位抵啲。買左大單位，岩價再放細單位。
如果等甩手再換樓，其實都係低賣低買，高賣高買。
如果要先賣後買, 跌市難攪少少… 因為跌市要甩到手上層樓較難, 可能要比市價減 5% 先得… 但因為要換樓, 可能減左就買唔到心水樓, 條數好難計… 而且唔同屋苑既抗跌力又唔同… 未必想賣的同相買的跌相同 %
市升就可能要追價買樓, 但賣樓會易啲有客 
近排都有兩個fd換樓。不過佢地都係買左10年以上。雖然樓巿跌咗但都賺好多。
無錯，條數唔知點計先好，等於呢幾年白供，仲要另外比多筆首期出來… 但等升返其他又一齊升，好難決定
10年一定無問題，係賺少d咁解，
之前10年仲要低息，趁市低換都有著數
係呀，所以都會羨慕人早買早享受。
負資產係睇你借幾多
借得少冇咁易
一賣一買換樓要好博，仲要博得好準先成功。
我家人買左新盤，想收樓前放自住樓都唔成功，即使佢個單位地段，樓層，景觀都靚，但買家見市差就劈得太多，最後封盤無賣，轉放租。
我自己年中都入市，買大單位先放租，等小朋友大先收返自住，無放到自住樓，依家放都有賺，但唔會跌市放。
我買完都跌多左2-3%，但又無感覺，因為最後目的都係自住。
有啲荀盤，我都有睇過，一個就真係荀，其他都係兇宅隔離，一樓加敘利亞風，有一間係平少少，但原來隔離早幾個月有空中飛人，睇定先話我知，入屋時已feel到寒寒地。 新聞永遠只提荀盤，大跌市，但就要自己行先知，真係荀既好快就消失。
今年2023正正會經濟衰退
上年縮表加息嘅效果今年開始反影落實體經濟
香港食大陸同外國兩條水
大陸經濟已死
外國今年會死
香港
2個讚
講真，呢幾年保守啲好
自住樓都唔好借咁盡
識人2021年尾買納米新樓收租 （我有講過）本身個個月要自己補錢落去供樓已經係多樣駛費
而家座樓第一期開始SSD 鬆綁，已經講緊跌左22% 有多，比佢買嘅價錢
1個讚
市一跌, 買家即轉觀望, 好多樓都未睇即壓估價 10%, 一係當睇示範單位咁, 攪攪震無幫襯… 只有市升, 啲人驚遲買會貴, 先會肯按住估價去傾價。
新聞提嗰啲有時市價黎, 只係之前開價好高, 而家賣返正常價/比估價低 d… 同埋估價有滯後, 可能當時屋苑成交價已經又下調左, 估價未反映到出黎…同埋市面係有好多人有足夠資金見到筍盤即掃, 如果見啱先放自住 (換樓計) 係唔會夠人快
換自住樓好難完全跟市況, 有時真係只能按家庭需求去做決定 
呢啲都多
有啲家庭興趣係假日去睇下樓
所以我家人收到agent call試底線就會話佢堅係決定買先講。
所以有啲賣家會話見票先傾 