岩岩生咗BB，依家BB兩個月
無屋企人幫手，無請工人
覺得全職媽媽真係好難做，有時BB喊起上黎真係好想發脾氣，好無助
有無全職媽媽一齊呻下？
3個讚
好明白你，
我個女有時喊起上嚟，
奶都唔食，
要等佢發完脾氣先食。
1個讚
想當年，湊住佢連午餐都煮唔到俾自己食。因為佢真係好痴身，時刻都要抱。即使而家幾歲大，煮緊飯都仲要同佢玩講嘅遊戲，冇一刻得閒。不過我覺得係BB性格，有啲真係冇咁痴，識得自己玩。
2個讚
好明白你，我都係一樣自己一打一
我盡量預備蒸或者焗就食得嘅野，有時都會抱住佢淥個麵食
有時抱到手攰我喺屋企都會用孭帶 
我BB而家五個月大啦，一切都值得 
加油 
2個讚
一打二，冇長老冇工人
同小朋友一齊係好開心
靜落嚟又會有啲掛住以前嘅生活
教小朋友有時會好迷惘
但當佢比你想像中叻同懂事個時又會好欣慰同覺得好值得
佢哋喊我有時都好煩躁，尤其係忙緊家務個時或趕時間個時，有時都唔明白點解以前佢bb時唔會咁易覺得嬲
而家佢哋識講野喇，覺得想靜5分鐘都好難
做全職媽媽真係會越來越難
除咗教同照顧佢哋都係屬於自己一場修煉
7個讚
坐月果陣試過起身連牙都唔記得刷就食野
要湊女試埋身，泵奶一頭煙
好辛苦，我明白架，辛苦就上黎講啦
2個讚
我係兩個月之後大部份時間自己一個湊
有冇比固定時間表你BB？
例如固定時間食奶，play time，nap time 咁樣一個固定時間嘅循環？
根據我嘅經驗，而家呢個時間啱啱好可以訓練BB 有固定 schedule ，就算未到食奶時間開始喊要奶，寧願一路抱住佢都唔好俾佢食住，最多只可以喺指定食奶時間前15mins比
咁對佢自己生理時鐘同培養消化吸收能力，同對你自己都好湊得舒服啲
另一樣可以考慮嘅嘢，係可以明確表示唔同嘅地方係做唔同嘅嘢
例如固定地方食嘢，固定地方nap，固定地方玩
即係我就算買咗 playmat ，我都唔會俾BB喺嗰度瞓
佢一夠鐘瞓覺就會擺番佢去 搖床 / BB 床
夜晚瞓覺一定會著睡衣，全黑加開夜燈，開床鈴，然後熄燈瞓覺
開始食固體嘅時候，我係淨係食嘢先擺佢喺 highchair ，一食完就會拎走佢
BB 好注重習慣，固定時間，固定環境，固定儀式，佢比佢自己知道接下來會發生咩事，咁佢就會少啲 unknown 少啲喊。
加油！
4個讚
想當年我自己坐月，自己湊b，我仲要返工添，自己生意，未坐完就湊住個B返工。
我當時學識一樣野，BB喊，由佢喊一陣（當然排除佢濕片肚餓唔舒服呢d），自己覺得心煩就抖一抖，入廁所又好，入廚房又好，深呼吸，深呼吸，同深呼吸。之後就可以繼續架喇
加油呀媽媽。
4個讚
無事既，捱過就好
當年月都未坐完就接近變單拖湊，
宜家一打一到阿仔4歲，
準備變一打二，
記住 從來無bb會因為喊而死，只要無嘔奶，
佢要扭咪由佢扭下囉！
你要好好照顧自己，
你心情好，bb先會過得好
3個讚
明白啊，係又喊，唔係又喊，真係好煩。
同埋要時間去摸熟bb脾性，情緒
想當年，雖然知bb唔識聽，但我都會燥底話佢兩句，起碼我都有發洩空間，話完佢又繼續做家務
我係第一個好湊，第二個就癡身到喺屋企去廁所都要跟住。
2個讚
一個人湊一個4歲，一個4個月
1個讚
我自己湊大三個
而家最細三歲返daycare終於甩身喇
將近9年時間成日都就顛就顛
所以好明白你！
我心得係，千祈唔好成日困嚴鬥
要抽時間同小朋友出街
而家仲係bb仲易，推車仔、揹帶就出得去
可以睇自己有興趣嘅嘢，轉換心情
遲d 要餵副食品反而出街麻煩d，佢哋口腔期又鐘意周圍摸同咬
所以把握唔同時期安排唔同活動俾自己
加油呀
有咩就同人傾多d 偈，都會開心d
5個讚
加油
唔好比bb喊聲帶比你負能量
佢哋喊係肚餓、濕咗、唔舒服或者純粹想抱
喊下唔會死，唔洗秒速放低跑去
慢慢深呼吸一個，慢慢行去處理
同意樓上，行下公園轉換下心情
2個讚
大個啲就好啲，不過又有另一樣煩，不過見証到成長係開心的
1個讚
跟隊認同樓上話出下街
唔知係咪街嘅聲音/氣壓/溫度濕度唔同，bb 一出到去會好定，通常都係會訓著咗。近近地去下樓下，帶多幾條紗巾，尿片都唔洗帶，有咩事就返返屋企。媽媽轉換下focus，個人都會放鬆啲
仲有一個講出嚟可能俾人丙，就係儘量減少家務嘅質量，如果用即棄嘅嘢可以減輕家務，不如短期內就偷懶一下。
6個讚
同意
Bb需要嘅係一個健康快樂嘅媽媽，而唔係一塵不染嘅屋企，一定要抽時間比自己休息。
加油啊樓主，慢慢摸熟咗bb嘅脾性，佢又開始習慣呢個世界時就會越來越好，我仔而家剛剛兩歲，好掛住嗰個成舊飯咁，淨係識食瞓屙時嘅佢
6個讚
我女bb果時都成日喊
我說服自己由佢喊一陣，喊多啲個肺強壯啲
我老公就想bb快啲識講嘢，可以知道佢為乜喊
1個讚
不能同意更多！
湊b上手左，大家都摸熟左脾性，建立到習慣先慢慢調節
2個讚
耐性真係最最最重要。我都學咗十年先至識收吓啲脾氣。最初bb 細時我真係成日鬧bb。而家睇到街上啲人對住啲bb喊都好有耐性，我都有少少內疚
2個讚
好多謝大家！我會好好俾多啲耐性，試吓多啲同佢落下街，等自己個人都輕鬆下！
3個讚