我b 11日大，佢成日提早15-30分鐘餓而喊，本身都想由佢喊一陣，但佢一喊就聲嘶力竭，好癲，應該點做。
咁細個feed on demand先啦，佢想食就比佢食啦，大少少先跟schedule
可能係餓，或者要安全感。
如果早15-30分鐘我都照餵佢，我本身第一個月都諗住定時定侯先餵，但發現其實bb同我哋一樣，有時可能早咗肚餓都唔出奇，所以我依家兩個月都會照feed on demand
我反而覺得4歲開始容易好多. 帶出街, 餐廳選擇, 去遊樂場/主題樂園等都輕鬆.
我做咗十二年仲更輕鬆，不過就有其他煩惱，最大得益係戒咗懶、遲到、拖延、求其嘅性格。樣樣都習慣要嚴謹、double check, 樣樣要做準備。
樓主頂住呀。回想呢十幾年都係好大嘅磨練
頭一個月都冇辦法，喊係真係肚餓多，係要餵密d
早15至30分鐘冇乜問題，都係要照餵，餵完掃完風就擺落床瞓 ，盡量由佢自己瞓著唔好抱住瞓
你可能會留意到佢兩隻手成日有驚跳反應會扎醒喊，我嗰陣用love to dream睡袋好幫到手
又或者你搵件衫仔卷埋擺喺佢兩隻手旁邊，等佢兩隻手旁邊唔好太多 space
去到個半兩個月時間開始定啲，先真係開始調校時間表，食玩瞓咁樣一個cycle，大約三個鐘一個cycle (人奶)，奶粉可能可以耐少少
一喊就埋身，唔使諗太多，Schedule嗰啲唔適合埋身我覺得
自己經驗：一打一，宜家兩歲，小朋友細個埋身多所以好少喊，大個有安全感唔痴身