我小朋友就係無根底架啦，一科唔合格，但上堂知道咩事，老師會就佢程度。
都好過喺香港，一半唔合格，上堂仲完全唔明，老師進度越來越快。
無諗過要任何優勢。
講返主題，英國讀書辛唔辛苦？可以好辛苦，亦可以唔辛苦，有得揀。
香港無得揀。我想放棄某科功課，老師唔俾。英國可以。
3個讚
你接受到就冇問題，不過我覺得係好多家長以為來左英國仔女會自動變叻，輕鬆入大學，不停happy唔使付出時間去讀書咁
3個讚
都係， 但佢地吾係好似MargoYork咁無所謂， 係諗住吾駛溫書， 只係靠上堂， 不停打機睇電視就可以升到大學
2個讚
係英國讀書中小學係咪唔辛苦，我唔清楚。但係我所識喺英國讀大學嘅人，都讀得唔輕鬆。 所以如果喺英國， 中小學個底打唔好， 僥倖入咗大學，一樣會讀得辛苦。
1個讚
讀書辛唔辛苦呢個主題，好似我小朋友咁，當然係香港chur d,英國零功課超級輕鬆，跟得上跟唔上，都係輕鬆，因為學校無逼你一定要幾時幾時跟得上。
但係已經兩年幾啦，佢地仲係好掛住香港校園生活，根本都唔介意多功課多默書。
反而係家長我，堅頂唔順香港啲國情教育，見到就火燒心，小朋友仲喺旁邊嘻嘻哈哈比人洗緊腦都仲要溫啲洗腦內容，你地話作為家長點頂？
移英讀書輕鬆啲算係bonus黎, 我諗唔多人會當係移民嘅目的嘅，長遠都係希望小朋友將來眼界開闊啲，同埋可以脫共。
自細努力耕耘，高中大學實會輕鬆少少嘅，不過我諗到時小朋友都咁大個啦，有自己嘅追求同標準，想點面對學業係佢嘅事喇，仲做直升機家長咩，學習壓力管理都係重要嘅一課，我唔覺得讀書辛苦係壞事。
7個讚
讀書如果要有所成，喺邊度讀都會辛苦。
初小階段嘅學校教育，不過係輔助，最主要睇家長。
可以接受英國嘅教育， 點講都係一種幸運兼幸福。
3個讚
有朋友最初話俾小朋友讀state school, 但諗諗下都係唔放心(佢自己留學時都係讀私校).
可惜由於資金唔太夠兩個小朋友讀私校, 就轉移目標想考grammar school.
佢以為好易考, 我俾佢睇英/數/兩科推理的練習, 深到佢卻步.
當地谷的家長Year 1-2已經開始準備11+, 尤其讀私校prep school的. 唔係移民KOL所講的英國讀書好輕鬆.
六七歲去英國讀state school再考11+就另一件事
1個讚
前提係唔care成績一定係輕鬆，咁係香港讀唔care成績一樣都好happy好輕鬆
1個讚
但人喺外國，讀唔到書搵樣技能，衰d 講句做麥當勞都過到活。但喺香港唔得，父母先咁緊張小朋友成長。
4個讚
如果冇長老湊細路，特別小學前，想返工改善經濟一啲都唔易。
就算小學後，如果有兩三個要托兒，一日最少要用二三十鎊。揾得少一啲都唔化算
唔係計多唔多圖書館帶細路去。
識個本地人一個細路，佢請左人上門湊，接放學。但要預 nanny一兩星期請一兩日假
1個讚
係香港，做茶餐廳侍應，我估都生活到(如果有間公屋)。
識人老豆做裝修，帶個仔入行，考咗水電牌，幫我裝水龍頭，收$1500，唔使一個鐘搞掂。其實係邊度，有門手藝，一樣揾到食。
1個讚
無咁誇張，當地家長好怕burn out. 我親戚都只係year 5 prep, 考到top嘅grammar schools. 佢話同學仔都係咁。當地有少數人year 4 prep嘅，不過真係少數。
6-7歲準備考8+入好prep school, 8+ exam format同11+好相似. 然後入到好的prep school就繼續準備11+. 所以其實唔係9-10歲先開始準備.
係呀，但首先要有間公屋，或者屋企有地方住。
2個讚
要咁緊張準備11+嘅肯定有，但有幾多個呢？
我好肯定話你知，唔多
有幾多個? 就係全部6-7歲開始準備prep school 8+入學試的考生.
即5%嘅私校學生囉
State school無所謂prep 8+入學試
咁又係. 來來去去一同競爭的都係嗰班人.
後生仔預排+10年, 然後入住前半年(好似係)入息唔可以過limit.
1個讚