大多跟口，一竹篙
其實我覺得香港都好多賺到錢既工作係唔洗學歷。成日都聽話地盤/豬肉佬/裝修/水泥缺年輕人入行，呢d 都幾萬喇，係好多情願舒舒服服做萬幾蚊文員。
女仔讀得唔叻既仲有做sales，保險，識同學做美甲做做下自己開舖頭做。其實去邊都好，最重要有一門手藝。
其實有時我覺得香港家長過份緊張，包括我自己都係，成日想望子成龍望女成鳳，見到同學叻又驚自己仔女渣，其實只要乖，唔好誤入岐路，性格肯做唔懶既，就算讀唔成書都冇所謂既。
9個讚
英國優勝過香港嘅地方，就係可以選擇生活指數相對低嘅城鎮生活。
如果真係要同香港相比較，要用幾個大城市嚟比，先有可比性。
2個讚
其實最重要係家長心態，其實藍領一向易揾食但辛苦，英國的藍領比香港的起碼得到應有的尊重
3個讚
我表哥做緊呢d 囉，老婆有份文職，無仔女，都係住公屋先搞得掂。
其實無話唔得嘅，我意思係大前題要搞掂住，初入行搵到幾多？係咪個個叻到做top sales?
戴頭盔先，我唔係話外國一定比香港好，只係現實見到班後生18歲要自己出嚟獨立，佢哋可能做份你所講嘅sales, 收銀、酒吧，租間房都擺到張床。但香港似乎唔可以，所以家長先覺得讀書、神科會有前途。
5個讚
咁香港人都可以去大陸發展嘅，所以住開倫敦嘅讀唔到書都可以去其他城市。
之前有朋友講如果有二百萬港紙， 而仔/女喺香港入唔到大學， 畀二百萬去外國讀大學，定幫佢買間屋做首期。 佢覺得就算去外國讀完大學返嚟，可能都係搵萬零2萬蚊一個月咁，中六畢業，係香港學門手藝，分分鐘仲好D。
1個讚
去一流大學先會考慮. 其實這個財政狀況, 去外國留學係奢侈品.
係香港都入唔到大學，好難去外國一流大學。
200萬，美國一定唔洗諗，歐洲，澳紐可以諗下。
1個讚
我諗睇吓去咩大學、同埋其實呢度好多工種人工都幾好pay 、讀唔到大學都可以學門手藝有尊嚴咁生活
香港唯有讀書高既風氣比較盛、好多家長都堅持要小朋友一直讀上去
1個讚
朋友中喺大陸發展嘅， 都係去北京，上海， 生活指數同香港有得揮。
2個讚
藍領幾萬加文職萬幾，加埋都5,6萬，你表哥應該爆左公屋quota?
住屋到其實屯門/洪水橋2手居屋都平，首期低，由畢業到結婚2公婆一齊儲應該唔係太難？
我都有同學係未買樓，通常係唔想將就搬去大西北舊樓，情願出面租，可能佢地又唔想俾屋綁住，都冇所謂既，人要取捨。
咁會唔會係你女本身間學校勁、英文底好、我聽返數學都可能操到、英文就要浸、華人社會操卷係有一套但要入都唔係真係咁易、仲有呢度好多印度人都好勁
識人去完澳洲讀書，做左幾年野後揾萬零蚊文職，都話如果當年讀書錢用來做首期，自己在香港讀high dip, 睇情況再 part time degree, 經濟情況會好好多
當年200x年，樓價未甘癲，都講得通，家下唔知得唔得。但之後佢求其入政府做排公屋，等升point, 工種唔需要大學學位
3個讚
畢業生初入行sales係揾唔多。但咁講，就算高學歷既一畢業都唔係揾得多，讀account 做big 4既入行都係萬幾咋，business 既好多都係萬幾。讀神科就話起薪勁姐。
我反而覺得要睇係咪賺錢既行業，然後睇係咪有興趣做呢樣嘢。
做家長私心我都想自己仔女讀神科，第日出黎舒舒服服，但有時見到d 學生太大壓力輕生既新聞，就有反思其實係咪讀唔成書就等於人生變成垃圾。
然後諗番自己唔少讀唔成書既同學，其實生活都唔係話差姐，就令我又放鬆番少少。
1個讚
我肯定香港一般學校的9-10歲英文程度同11+好遠距離.
英文唔係操卷就會有大進步. 就算即刻開始瘋狂閱讀, 都要一兩年先見到初見成效.
呢兩個大城市緊係啦，只能去二、三線城市，或者大灣區。
人哋財政狀況唔方便問太多啦，但依家係咪真係咁好搵？我覺得未必。
未補地價都平？全數買居屋應該同私樓差唔多。
我自己都讀唔成書㗎
但我個年代仲有機會，衰d 講句肯做就有機會，兩公婆總算有瓦遮頭，但依代制度又變咗。所以我先回應初初所講，喺香港唔緊張學業都可以好happy，當然家長放鬆係好，但有人會現實咁諗，唔讀書將來佢要點生活。
都係嗰句，香港搞掂住屋就輕鬆好多，讀唔讀到書係其次。
2個讚
如果係我，我都情願200萬俾首期。去邊都好，其實搞得店住就輕鬆好多。
讀唔成書最重要都係學手藝，我以前公司年年都有d後生畢業入黎做admin，我真係覺得好浪費，呢d工做10年都係呢d 價，年紀愈大愈唔值錢。學手藝就調番轉。
去二，三線城市，不如留係香港。係香港搞唔掂，政府仲有好多支援。
2個讚