係英國識人或聽返嚟有唔少人，嚟咗之後成日話想返香港，或已忍唔住返過香港，但佢地都唔係有要事辦或為探親，只係為咗食買玩，嫌英國悶冇好嘢食冇娛樂。仲要成日係仔女面前呻悶，呻英國落後等等，但我眼見佢地仔女都適應得好好，話鍾意喺呢度。
移民不是旅行，移民係為咗乜？點解有機會移民？為咗吃喝玩樂而返香港，咁點解仲要走？
15個讚
為吃喝玩樂有咩問題，英國的確係悶，冇香港咁多娛樂同美食
4個讚
少部份人顧住仔女忽略咗自己嘅需要
愈住得近核心地段愈似香港
都唔一定要返香港嘅, 可以喺英國周圍行吓睇吓邊度啱自己住
4個讚
諗下點解自己有機會移民？
如果覺得咁自由隨時可以返去吃喝玩樂嘅，點解仲要走？
放假去外地旅行, 感受自己生活的地方沒有的, 好正常ar.
3個讚
是移民不是走難，點解有時間有錢唔返得香港？
而且冇親人冇朋友係香港要見？
成世人只可留係英國？
我識有香港人成日暗地裡話其他返香港嘅人大膽。。。又話自己入藉前都唔會返。。。
其實係經濟問題，根本冇錢返。
呢類人遲早有心理問題
3個讚
人愈大，有很多習慣不是話改就改。
所以年紀愈人愈難適應。
不過，其實好多人都係為仔女而走。
好佩服佢哋捨棄自己既得之安樂，去換下一代正常發展。
5個讚
我都唔明，其實去旅行就係為左食買玩，但去英國/外國旅行就得，番香港旅行就變左有錯？就算唔係旅行，試過離開覺得唔適合，想番香港我都覺得冇問題。
3個讚
閒錢多，兩邊走冇所謂嘅
2個讚
朋友移民英國, 上年已買定今年返香港同日本機票.
親戚移民加拿大, 返香港都會途經日本或Hawaii旅行.
有資金的人一向環遊世界.
1個讚
又唔係咁極端嘅
有啲人完全唔考慮返，唔係有經濟問題，係對香港完全冇信心，怕返咗去突然鎖港等等的恐懼
我自己就唔會為吃喝玩樂返去，但人地咁做我冇特別感覺。我最反感係太空人，小朋友用英國資源免費讀state school，大人繼續賺錢交稅比個迫害人民的冷血政府
20個讚
不過留低又唔好成日放負，放得多又真係會負
3個讚
我識嘅冇經濟問題嘅都返過香港再返英國。佢地一年來回一兩次
話原全唔返個啲，識落都係手緊嘅。
返一次香港，一家四口機票都預三千鎊左右。有屋企人地方住會好啲，否則一次要一萬幾千鎊。如果積蓄唔多，係英國屋又冇，工作又未穩定。點返？
咁我冇識呢啲
我識個個係細路讀 boarding school, 學校一放假，媽媽就帶細路返香港見爸爸。呢種我覺得冇問題
我都想買定機票，但一直擔心 covid 啲政策
返一返香港要駛十幾萬？？？
而家返UK 隨時又要pcr
我就係一直唔肯返香港嘅人。我唔係因為危險，而係我真係太鍾意英國，太憎而家嘅香港。我一諗到一返香港，又會間接俾錢而家個政府，就好唔想返。係思鄉都係返日本。
不過其他人要返一返我又覺得正常嘅。好過亂咁移民嚟，好快後悔又回流。又更加好過去英國攞著數唔貢獻嘅人。
21個讚
返去探下親好正常啫
1個讚
睇你一家幾多個人，有冇屋企人地方住定要住幾耐酒店
之前機票要£8xx一個人，返去都要出去食買行。
我預六七千鎊
當一家4口返一星期算啦