揀A
自己揸車去接
一定係選近B，你心儀間屋仲要轉兩程車，miss一班車時間可能會加上去，仲未計天氣唔好／交通狀況／其中一個病咗依啲意外，要湊住兩個小朋友可以好輪盡。
B for sure. 又心儀又近係最perfect. 尤其而家返全日，車程遠，放學返到屋企都晏又攰。
朝早返學遲左起身，想截的士都唔係容易。
到小朋友大d，近既話又可以放心俾佢自己返放學。
B
一程車40分鐘可以接受 但要轉車就唔好喇
一陣 touch wood 病要早退、打風落雨，40 分鐘要轉車就狼狽！除非全程地鐵，而且出入都唔係露天, e.g. 將軍澳去佐敦德信讀書，沿途都唔洗點 dup 雨。
我自己一個人上年紅雨/黑雨早收工，撇雨等巴士，成身濕曬鞋都濕埋，幻想唔到點樣呢啲天氣湊 2 個小朋友。更何況 40 分鐘對於小學生真係遠左啲。
有冇折衷少少嘅方法，有冇校車嘅站係近近地你屋企，可以自己搭 1-2 個站去嗰度上車落車？
我就試過坐車45分鐘，初頭覺得無咩嘢，睇下風景傾下計。
但當日日係咁，就會好辛苦。尤其突然小朋友病；要去學校接返佢，或者帶漏嘢，要返屋企攞；約同學仔玩；塞車；放學上興趣班等等，就好希望屋企可以近啲
小朋友日坐兩次，但我日坐四次。雖然我玩手機就可以，但少咗好多時間做屋企嘢
後來搬屋搬學校，我同老公講屋幾靚都假，唔可以超過半小時車程，係最重要嘅要求
樓價好現實 反映「交通」「校網」，
唔使諗的士啦，冇車㗎。
長期包架Uber可能有得諗。
會揀A。空間好緊要，1200尺同800尺一定揀前者，越大越舒服，況且連個景都靚。小朋友讀書入一線學校某程度上係想將來有穩收入安居樂業大個買樓時多幾個靚盤選擇，咁點解唔一開始就買間靚屋一齊住？
可以買多架車，唔係睇有冇興趣，係睇有冇需要，自己車乾淨d之餘又慳返轉車時間。
其實係香港，要就學校嘅話就點都要搬2次屋，上左中學先搬dream house啦
無錯，800尺諗落大，其實住住下就唔夠，我都係5百頭實尺 搬去7百中實尺，得2個人，2隻大狗住，但住落買下買下野就無左好多位。
小朋友細（k to 3，4年班）學校近真係何其重要！你話有校車接送40分鐘其實都辛苦但都可以接受，嘩要自己接送 wor 真係唔好玩自己
如果我，因為對住居有要求，我唔想買咗B但成日個心會諗住A就好啦咁
所以我會揀A 同埋搵附近既2線學校
老實2線未必唔好，123線都睇你小朋友本身讀成點
不過我明學校都重要，咁一定要A又一定要呢間小學就得一個辦法：自己揸車
taxi/uber 果D有時都唔太可靠
其實仲有一個辦法，就係買左A, 放租A, 再租B區近學校。租幾年等小朋友大啲抽A區中學。咁就唔會怕miss A呢間dream house
1個讚
我做過雙租族，但係成日驚比業主趕走，一完死約就買咗新屋，當年唔係急住搬都唔會揀做雙租族～
我覺得揀A一定要有車，我仔學校在山上，得一架小巴去，試過晴天中午放學想call uber都無車肯嚟，要加＄10先有，打風落雨更加唔使諗～
遠離市區係好住的，我都住緊，不過我有揸車
買A放租，之後租B，A等佢哋升中先搬過去。
如果二揀一，我會揀B，因為你小朋友仲細，好多原因要大人接送，交通方便好緊要。
我曾經市區細三房vs東涌/將軍澳 大三房
最後都係揀市區細三房，小朋友瞓多啲，放學快啲返到屋企。
800呎都夠用。
我會揀A, 正正因為有小朋友，屋企空間大d, 有d 私人空間，play area, reading corner 都緊要
去程老公車，回程uber 應該唔會太辛苦，仲要你都已經兩個，上fb 試下搵d 自組校車（4個人一齊搭的士嗰d）可能都搵到
小朋友適應力好強，我細個都跨區返學，每程車都係reading time, 習慣左真係睇多好多書，根基打得好咗，唔會浪費時間！
該主題在最後一個回覆創建後90天后自動關閉。不再允許新的回覆。