一定係B。就近學校好重要，我再換樓都一定會睇埋小朋友小學而選。40分鐘仲要轉兩程車，每日咁樣都好辛苦下，仲要唔係幾個月係幾年。
明白大一點會舒服點，而且咁轉完就一勞永逸唔駛再樓換樓啦。所以都同意其他人所講，可以睇下A附近會否有好學校。
1個讚
我都明 A 間屋大環境又舒服, 無小朋友既話就一定會揀 A, 但有
小朋友就會以小朋友為先… 揀 B 比較好, 雖然你話你老公會車
佢地返學, 但有時小朋友可能上上堂唔舒服或者發燒要家長接返,
打風落雨接送都係一個問題的士都唔易截到…
2個讚
你都幾得意喎, 人地都無問你去外國讀書既問題…
9個讚
移民都唔一定英國嘅
4個讚
又或者學校附近除左b, 仲有冇其他更大嘅樓
1個讚
我淨係諗起一落雨要轉車都論盡
1個讚
B
感覺A太遠
轉兩程車萬一打風要趕住番屋企都好麻煩
40分鐘車程有啲耐, 計埋等小朋友放學行出黎, 上上落落既時間, 可能要一個鐘先入到屋… 有無機會有保姆車經到 A 附近?
落雨已經煩到嘔，而且咁頻撲細路仔好易病
1個讚
B.
坐太耐車自己玩自己。
我覺得首要考慮間樓 易唔易甩手先，其次先係學校車程。
你帶著2個細路搭下車，40分鐘其實無咩問題，佢地倦，就會訓下覺，醒咪當係教下佢地認識社區。過幾年讀中學，唔通又要搬屋？
我小學都係要搭半個鐘車返學放學，可以睇下街，行下商場，搭下車，好快就過。
1個讚
揀b, 除非樓好舊
中學生唔同小學生，中學起碼唔駛接送放學，唔會擔心落雨轉車論盡，小一至小三45分鐘要轉車真係辛苦，如果單程我覺得都仲可以考慮。如果係小四以上，我覺得都可以唔駛住得近學校
1個讚
我細個嗰陣就係好似A要搭兩程車，冬天天未光又凍就出門口，原本係住b 一程車。
未瞓醒就出門口，我搭緊車啲同學仔仲瞓緊，
人哋放學返屋企玩緊，我就仲搭緊車。
遇上塞車仲會遲到，比我揀一定揀b.
2個讚
其實買得起1200尺屋，不如買多架車，自己接送好過。一係請個外傭幫手一齊帶返學放學。
你自己都諗住住十年8 載，一定買間自己鍾意 同 較大市場價值 既屋。細路過幾年大D，自己返學放學都得LA。落雨塞車e d 小問題，遲早都面對，人地美歐加 D 人落雪都係咁返
3個讚
40分鐘多唔多，睇情況啦，太細就真係唔值
提一句：朝早係超難call uber/taxi，所以爸爸有咩事唔返工，你要預坐公交先得
其實，係咪一定要e+換樓？定係過3兩年先？大dd，或者你睇清楚功課/活動情況，可能會好d
我當年係大仔升K3 由MOS 搬去大圍，因為出九龍返學方便好多，好多學校有車入沙田，都會停大圍
結果，讀SFA 一年，校車都要40分鐘左右，自己坐一程巴士唔計等車，仲快，但唔想煩，校車啦
之後轉咗去九龍城，返學30min (火車轉小巴，總站上)，回程成個鐘 (中途站等小巴)，校車呢？又係大半個鐘，但校車姨姨好惡，更重要係坐校車6:30出門，坐火車7am 出門，阿仔唔願搭校車，想過同鄰居call 車，但試過一兩次無車，都係行去火車站穩陣
所以，好多野要"執生"，但如果B近成咁，其實都唔錯
不過，總有d同學住老遠，家長/司機接送
我老公都有叫我不如學車，但我對揸車冇興趣，又驚自己馬路殺手，計番養車同的士費好似相差無幾咁。
我老公自己就好鐘意A，因為好近佢公司，揸車15分鐘就到。
A附近既學校比較2線，而家個間就一線，再下年細既小朋友又直入，所以唔想放棄間學校。
都會想而家換樓呀，因為而家住緊2房覺得好逼，一直都係望快d知小一讀邊就換樓。
如果係有校車一程40分鐘，我覺得好ok。可惜A係又要我來回接送，仲要分2程，我都驚分2程d 等車時間好難就，變相又再再早d 出門廢事遲到
但係B呢，我而家住緊近5xx呎，換樓大多約200呎真係多間房同套廁，廳冇乜分別。換樓stamp duty/裝修費好貴，都有d想一步到位換大d住到老喇。可惜係學校附近我能力範圍內淨係買到B
出錢果個都鍾意A，B 都唔洗點諗 la.
有無可能搭一半，即係只搭一程車去最近校車點，之後上校車？
雖然我老公都鐘意A多d，不過小朋友湊番學係我搞，所以佢叫我自己諗下接唔接受到咁樣來回接送6年，佢話B佢都冇所謂既。
可能我再研究下A屋苑有冇咩保母車啱搭喇。