請問大家換樓會諗埋小朋友學校距離嗎？
黎緊想換樓，但心儀既屋苑同學校較遠，所以心大心細。
背景：
一家4口，2小朋友將升小，ftm會自己接送。
A: 1200呎，離學校40分鐘車程距離，要轉2程車，冇校車。
B:800呎，離學校8分鐘車程。
其他嘢不論樓齡，樓宇質素，景觀等都係A較好。
一方面覺得攞咁大筆錢買樓梗係要買個自己鐘意既，起碼住10年8年。但同時又驚2個小朋友每日來回冇左成粒幾鐘好浪費時間精力。B其實亦唔差，只係睇完A有對比，能力內買到冇買又好可惜。如果A搭的士，每月來回貴差不多$5000 又覺得好唔抵。
我會選B
40分鐘車程上深圳都得了，太遠。
除非自己揸車，小朋友可以瞓下。
40 分鐘車程拎黎俾小朋友做功課仲好，來回差個半鐘
B.
要轉2程其實都幾遠
小學係咪心儀？會唔會轉校？
如果心儀又唔會轉校，我會B.
否則會再比較下A校網學校心儀度再打算
對自己好啲－定係⋯⋯ B
你想清楚，送佢哋返學之後，仲要坐40分鐘車程先返屋企，
下午又係坐40分鐘車程接佢放學。
4 x 40分鐘= 每日 3 2 0分鐘 用係坐車
每日浪費左 5個 幾鐘頭。
仲未計其他突發事件。
小學係比較傳統同多功課既學校。40分鐘對小朋友黎講係咪真係爭好遠？ 因為大人我有時hea下hea下40分鐘就過左…
小學係心儀架，應該都唔會轉校…
近的話B真係算好近，只係A睇樓時覺得好靚好大，覺得好有生活質素，自己好鐘意。
爸爸有揸車，朝早個轉應該佢車小朋友番學。所以我應該係每日個幾鐘搭車，我都有d覺得搭車時間唔係好值既…
我住過山卡拉，又住過/住緊市區，真係住唔返咁遠，有小朋友後更加會揀方便為主
每日40+40分鐘，其實用嚟做其他嘢仲好，遇著天氣唔好時仲要轉兩程車，太麻煩喇，的士都唔會話截就截到
近學校好重要，之前住附近我地返到屋企食完飯佢同學先返到屋企，住近每日可以多d時間休息。
全部我都唔會選，我會去英國安排入學，完 !
揀 A
學校都未開始讀
緊係轉區啦
In 番該區出名 band 1 學校咪得
睇遠啲
每個區都有好學校
為學校就B啦，40分鐘對小學來講太遠，估你應該係學校係九龍香港島，新界樓係大同新但交通時間搞唔掂，到上中學再諗搬啦
40分鐘仲要轉車，一轉一等好易加多10分鐘，咁就差唔多成個鐘。日日咁樣好浪費時間
有冇邊程可以的士Uber 減少時間？
以前我女讀小學時就係轉兩程巴士先返到屋企。放學要等巴士黎，去到中轉站又要等架巴士到，最後差唔多要成個鐘先返到去。
B, me too
要錢錢錢先得
比著我唔使諗一定係B, 小朋友返學近係大人細路都得益！
如果你咁鍾意A, 不如睇下A區附近啲學校係咪真係咁不濟？或者都接受到，咁就可以兩全其美。