大家移民咗嘅有冇d咩婚姻問題，可以分享舒解下
其實婚姻問題原於變化
可以係一齊做生意，生仔，搬屋等等
7個讚
係呀，因為移民有好多變化會影響婚姻，所以大家可以分享下
估計，不外乎金錢問題
一個走，一個唔多想走
有好咗同差咗嘅地方。
好咗係因為
- 地方大，心情靚咗，情緒穩定咗。
- 小朋友學業問題易搞咗。
差咗係因為
- 無工人，老公埋怨我清潔和煮食不合他標準。
5個讚
咁叫佢試吓做？
6個讚
日對夜對、成日都全家行動咁囉、獨立開既我有啲唔慣
2個讚
Overall 婚姻係好咗，我好感激我老公知道我情緒問題肯走，本身佢都好唔放心佢父母（近八十歲）但佢話當行開下，放六年假，唔好諗住移民咁final先
不過過到嚟冇咁多地方去，留喺屋企多啲，有啲悶
3個讚
我都覺得悶過香港好多，我地中年有工作但都好似過緊退休生活咁
叫佢做下
1個讚
一來我冇太好心情，二來呢度夜晚餐餐煮，好多時出一陣街又要返屋企，都唔係嗰回事咁
佢真係自己做，做得好過我。我對煮食和清潔要求一向低。不過佢要返工，所以無咩時間。
最後大家解決咗，間中請鐘點，間中買外賣。我清潔和煮食亦有改善一點，佢要求亦降低一點。
夫妻解決問題，不代乎都係各行一步，同埋用錢解決啦
4個讚
認真、我開始明佢哋點解生咁多小朋友
咁生活就會變得繁忙但都唔係多姿多彩囉
3個讚
而家冬天、可能夏天好啲、我見無小朋友既朋友就久唔久就快閃歐遊
2個讚
我明白有小朋友係好窩心及熱鬧，我原生家庭都不錯嘅，我成日話我媽，但我知佢都幾為仔女，我都感到家庭溫暖
不過細路嘅生活又真係唔啱我，我好冇耐性
歐遊未開始呀，可能錢未穩定，我又未有心情。但有去下附近城市遊一日咁，真係得個行字，都不錯
我同老公感情冇大問題，佢係悶蛋，但佢都會陪我，呢排佢忙睇波，我覺得我煮乜都冇所謂，佢都係食足球
4個讚
問題反而係移民前多
一個想，一個唔想
到決定左了，一個想早啲，一個想遲啲
定左日期，為寄家當為清屋又成日嘈
到依家已經到左埗，反而無再嘈了
因為好清楚，嚟到陌生地方，陪伴我一齊面對的只有佢
心中只有更多的包容和體諒
10個讚
好啱呀，我都諗：嚟得要共同進退，夫婦齊心
唔好太執著，有乜咪學本地人咁：拖下hea下，唔知唔理又一day
1個讚
我暫時無， 我兩公婆反而係家務同文書上分工仲好左
1個讚
都係，有時為小事鬧交但明知喺外國都係得番兩個人，鬧完交第二日都係要一齊面對新生活
3個讚
一開始個時太多嘢要處理，大家態度都麻麻，一齊好多年都未試過咁嬲。但係傾返同d到步嘅事處理完又比以前更好，可以一齊煮飯其實好開心，見到另一半樂意試好多新嘢我都變得更加欣賞佢。