移民後我哋感情反而好咗，大家想法一致，搵屋揀學校所有嘢都算順利。以前係香港間中為老爺奶奶鬧交，而家我同老爺奶奶冇乜聯絡，同老公完全冇鬧交。不過英國生活真係幾悶，唔似以前要跟小朋友功課測驗咁忙。另外我住細 Town, 出街冇咩食，shopping 冇嘢買
2個讚
初到步時大家都好大壓力，可能因為未有收入，老公本身亦睇到好灰，好多脾氣，成日話我洗嘢唔乾淨，其實係水漬。另一方面屋企家務全部都係我做，好辛苦，仲要比佢話我，我覺得好委屈，大家仲要係屋企困獸鬥。
而家呢？
而家有一個返工好D，有收入。其實我哋冇乜財政壓力，只係冼緊儲備冇安全感，擔心唔夠錢退休。
個時其實我只係死忍，由原本好樂觀變到而家都好悲觀
1個讚
呢個係好頭痛，喺呢邊發得掂，cover到所有開支，但退休嗰筆唔會計得掂
1個讚
唔想諗都無得諗太長遠、以前我一直係有計劃嘅人、邊個三年前會諗今日會係異地
3個讚
完全係
唔知最後係咪駛曬D錢就靠政府，好似本地人咁
都有嘈交 但嘈完都要一齊面對 ,哦幾句見好就收,有問題兩公婆點都要拆掂佢
好彩老公係度搵到份part time, work from home 既,無咁徬徨
我就同係香港一樣服侍大人同個細既就得
不過真係餐餐都要煮,外賣同出街食都貴,加上我地無車又住細城市,買餸煮算,病左就捱一丁
但係又唔夠本地人咁多錢，佢哋廿歲開始儲，我而家四十幾
我哋多左為小朋友事而嘈，佢冇返工，多左時間响屋企，成日話小朋友呢樣果樣，管呢樣管果樣，好鬼煩
我哋多數都係煮，如果出開街先會出去食，不過都係食平野
1個讚
移民真係好考驗兩個人既關係
對係香港做慣公主少爺既人黎講
佢地另一半一定好大壓力
4個讚
香港搵外援太方便、而家相依為命、大家都要為家庭付出、唔係實嘈
你形容得好，香港好易揾外援，呢度無人幫，都係靠兩公婆