因為佢哋發孫寒，所以唔會唔想湊。
我宜家唔想生，如果佢哋做到個1%-3%我先會去考慮。
咁真係make sure佢地做到果3%,而你有醒覺小朋友有可能有任何方面嘅缺失，你先至考慮。
其實樓主係一個有愛心嘅代母
佢要求領養人要達到好高要求先可以領養 
有冇認真傾過？將你呢個post 既睇法同你老公/發孫寒既長老講一次？話俾佢地聽而家係佢地想你生，所以佢地既責任大d要湊多d bb？係大家有共識而唔係一廂情願？
個人愚見，就算長老們拍哂心口湊大個孫，都唔應該生，都係嗰句，小朋友成長需要父母、唔係祖父母。
4個讚
我都覺，不過我覺得樓主如果有認真同長老傾過，佢就會知其實人地根本冇諗過要湊
講真如果第日我仔女/新抱咁同我講，我一定會覺得佢係咪傻左，你生b關我咩事，你做呀媽都話淨係諗住陪玩，更何況我做嫲嫲/婆婆既，我都係諗住陪玩架咋，仲上升到係我呢個老太既責任，想嚇死我咩
2個讚
除非我有好多好多錢 否則我想像唔到我點樣可以令自己可以做個輕鬆呀媽 同時個細路可以健康快樂成長+學業唔包尾唔會學壞+同你關係keep到好好+唔洗擔心佢
係咪要有一隊管家幫我照顧佢 記住佢食咩食物敏感 有咩喜好興趣愛好 有咩天份 心靈有冇缺失 邊跟學校對佢最好etc
感覺樓主係想justify自己嘅諗法/方向行得通
但我覺得你點justify都好 都唔能夠逃避做一個呀媽嘅責任 which is 你要有心理準備到時有好多嘢要自己親手處理 冇得外判（假設你有責任感又夠細心）而你唔可以為此埋怨返個細路令你失自由
我覺得照顧小朋友成長唔應該係一個project咁簡單 你唔應該用一個project manager拆晒啲task assign晒啲人去做 自己負責驗收就算
因為人地係打份工 但你係佢親生呀媽 如果你都唔上心跟緊啲 邊個有責任去為你好好照顧個小朋友？人哋疏忽令你小朋友受傷/有缺失你都冇所謂？（唔係要寵到佢燶 都唔係所有嘢都自己做 但係都好大部份係自己親力親為去了解佢）
我都好感激同好中意我婆婆 係佢湊大我
但我細個確實係唔識諗 覺得父母唔理我 剩係理細果個 所以同屋企人關係直到2x歲都唔好 係好大個先知父母都係錫我嘅
唔係怪我父母 而且同一套模式下 有啲細路都可以好開心 但如果我做人父母 我會想俾更多愛我小朋友 我相信佢會感受到 會有個更快樂嘅童年 （唔係就咁用物質去滿足佢)
4個讚
如果真係上次夫家做生意個位，
期望老人家加老公湊嘅話，真係要傾清楚。
1老爺奶奶當日都係外判，冇湊過細路，佢哋會唔會同樓主一樣想玩，玩完就交番俾父母？
2三個入面總有人要打點家族生意，可以輪住落水湊嗎？
3就算請晒工人管家，可能都要人管個管家，好少人一世人都幸運請到夾而又肯長做嘅員工，包括工人。屋企人肯管生意之餘亦管家中嘅員工嗎？
呢個咪就係最基本問題囉，你父母已經養大咗你（睇你講佢哋都唔係湊大你），生小朋友最大責任喺親生父母身上，就算你請工人，個責任都唔會落咗喺工人身上。點解你會覺得其他人有責任？仲要take 多d責任？勁費解！
1個讚
你都真係⋯⋯（想講粗口），令人無言。
小朋友天生就係想父母錫，就算佢有其他人錫佢，將來嫁個好老公、娶個好老婆，佢人生都永遠欠咗一忽。如果你一日唔改變思想，你都唔會係一個好媽媽，請你唔好生！
3個讚
其實你想生仔嘅原因
- 驚自己會後悔
- 唔想比人哦
所有嘅考慮都只係為自己、唔係為個未存在嘅b去諗、你不如決心好好享受你自由自在嘅人生算。
8個讚
係，我老公又係俾親戚湊，同阿媽關係疏離
我老公同學又係，移民都唔同阿媽講聲
然後我公司同事（上左年紀）個仔又係俾人湊到小學先接返，同佢關係疏之餘仲要畢業都唔工作，三十歲人只識攤大手板問阿媽攞錢
女仔我諗好啲啲嘅，仔嘅話普遍細個唔理後，阿媽晚年要執返手尾（係，我老公都本來一事無成，靠父母俾錢去外國讀書，又俾層full pay樓佢，後來我睇唔過眼先chur到佢唔好咁一pat野）我一早睇穿湊仔嘅野要還之後，我決定要出100%心力親力親為去理仔女。
樓主老公同父母關係無疏到，成功嘅原因係家族生意，之後個十幾年工作屋企日對夜對，咪易啲補救返囉。
但係咪下一代都會復製到咁順利呢？
1個讚
生左一樣會後悔，生左一樣會俾人哦
我係樓主就實唔生啦
1個讚
我未生之前我媽話唔會幫我湊，到生咗佢想湊，但突然一場大病連行都要人扶
我自己都要返工，好彩搵到保姆姨姨湊，但朝晚自己帶出帶入，又要趕返工，做唔晒嘢都冇得ot ，因為要趕住湊接返bb⋯⋯不過其實最辛苦係bb成日跟我早出晚歸，自己返到屋企都好攰，但都會盡力陪bb玩同佢傾吓偈，雖然佢未識講嘢
真係要陪到bb瞓著老公返嚟，先可以沖涼碌下電話，但唔會後悔生咗佢出嚟
所以樓主唔好諗生咗長輩一定幫到手
我覺得樓主而刻唔生會好過生，咩都外判晒，不如玩人哋個bb算啦
2個讚
真係幫到啲唔太緊要，但濕星嘅家務
照顧小朋友，真係少啲心力都死，跟少一眼都出事
Exactly!
有個親戚個女就係時常擺係長老度湊（from new born）
而家果個女就最多issue，見到媽咪會勁attention seeking
學習既野唔入腦，而家幼稚園已經比老師投訴佢睇太多電視返學呆滯
D野學完又唔記，乜都話唔識唔記得
咪就係長老只係識養大佢，唔會識點同佢玩d有用既遊戲
日日夜夜都係睇電視同埋班公仔…
以前無野架，而家呢個社會唔得呀嘛
生得出黎就想佢好，唔係話虎唔虎媽，起碼唔好樣樣諗住外判就無問題
3個讚
始終今時今日、大部份會長擺小朋友喺長老度唔太理嘅（單親有病冇得講）、父母本身一定唔重視小朋友嘅教養。（一定有人話要揾食迫不得已、但如果兩公婆要揾食揾到仔都冇時間湊但又照生、咁會有幾緊張小朋友教育？甚至有啲人只係唔想困身、先放小朋友喺長老度）
1個讚
咁你覺得係咩問題令到d人唔生
親戚個仔俾親戚湊，個仔叫人哋（唔係親身父母）做爸爸媽咪，俾我一定hurt 到爆炸。呢個仔細個好多品行問題，佢親身爸爸想鬧都無用，因為個仔唔會聽。
聽過一句說話，親子關係由細到大儲落嚟，到青春期時慢慢消耗。
6個讚
係架 我覺得佢地係好自私 為左自己唔好咁困身 就成日擺一個係長老度
長老係好好既 但係你講到教育就真係無可能靠長老
最近佢係度話佢小朋友唔記野 唔睇書 夜訓 乜乜乜
我心諗呢D野我早兩年已經察覺到有問題
你做人地父母今時今日先講 會唔會太後知後覺呀
你想你個女睇多d有益既野 你係咪要自己身體力行陪佢一齊做呀
擺得係長老度 你就預左佢只會physically長大啦
不過又唔係我個女我就無謂多事