樓主呢個回應，就算有人幫佢湊哂bb 得閒陪佢玩，佢都有機會嫌個仔煩阻住佢玩電話。
其實佢未生、點諗都冇所謂
最緊要唔好生
希望只係膠post啦
唔好話擺低唔理果啲
就算會理、都可能出事
我朋友係兩公婆返朝九晚六、咁平時係公公婆婆加工人姐姐湊、小朋友係聰明、同時又有啲古惑、朋友兩公婆都知道公公婆婆同姐姐係管唔到個仔、都唔想老人家勞氣、總之放學返嚟做晒功課就做乜都得、兩公婆放工返嚟、就自己教返。
兩公婆返嚟係執得嚴、我作為旁人睇、香港雙職父母算係咁、起碼晚晚係一齊食飯、會一齊睇書傾計玩board games, 小朋友晚晚係同自己同一間屋訓
去到二三年級、學校投訴、話小朋友上堂駁咀、講粗口、講你eat JJ啦、會send性感女仔相比同學、偷婆婆銀包錢、教同學趁父母未起身喺銀包拎錢、老師鬧都仲駁咀唔識收、係嚴重到學校出信叫家長「嚴加管教子女」、兩公婆完全諗唔到點解小朋友會咁、明明由細到大都有教…….
後尾有社工定有教特殊教育經驗嘅朋友同個呀媽講、其實小朋友平時公公婆婆湊好free, 晚上返嚟父母就嚴到軍訓咁、其實某程度上仲衰過你全日比佢free, 小朋友其實係適應唔到、所以出現咁多行為問題….
2個讚
冇錯….唔一致嘅管教會令小朋友冇所適從
早幾年都仲想生, 但近呢2,3年唔想喇 (宜家廿中⋯⋯)
環境唔適合生活, 亦都擔心生咗出嚟教唔到, 冇錢比小朋友讀國際學校/ 去外國讀書, 亦都冇錢移民 唔生小朋友d錢就可以使返喺自己身上 
5個讚
睇到1999
樓！主！千！其！唔！好！生！啊！
3個讚
想生但又好struggle, 年紀大要生唔容易