讀緊小學三年級，佢小一二最friend朋友仔移左民，今年開學同班同學都幾好，但一小息落操場就會各自各搵返校車、小一二同學玩。我話咁你咪痴埋去囉，佢又話融入唔到
我細個又係唔識同同學相處，唔通個仔似足我
想請教下我可點做或點教佢？謝謝
我細時最怕小息，怕冇人同自已玩。
無辦法，做人就是咁難。
11個讚
係，佢學校小息仲要特別長，諗起都煎熬
唔好擔心住，識朋友講緣份，小朋友會隨住自己思想同成熟度順其自然，勉強主動走埋去，最後辛苦嗰個係自己
1個讚
整啲愛心靚靚小食盒返去請同學食？
一定有啲單獨嘅同學仔，
叫你個走去同佢玩（包剪揼）（左一拳，右一拳，我哋大家收一拳）大慨這類遊戲。
3個讚
如果走埋去痴呢個失敗，痴o個個又失敗的話，會仲唔開心更冇自信，我細個就係咁。
大個諗返如果學識獨處，順其自然的話就最好
13個讚
我囡都係
佢話小息自己一個人周圍行嚟行去
不會其實我細個都係咁，係想搵朋友但算啦，勉強冇幸福，學識自己獨處都係一個技能
2個讚
參加啲課外活動都會識到人，可以考慮吓去玩啲學校既運動班/興趣班果類，希望係班級識唔到人，班級以外都識一兩個
我細個都大部分小息一個人行來行去或者做風紀，因為英數去特登走去另一間細班房上堂，個人又怪怪地
無咩朋友，不過都係第啲情況識到幾個朋友仔（等校車、等𨋢）所以識朋友都係隨緣就得
做家長唔使咁緊張，上中學都會識到第二班，出社會又未必keep到同一班朋友架啦
出黎社會有邊個唔係獨來獨往？提早適應獨處可能係一件好事，唔可能日日都一大棚人出出入入架嘛
2個讚
我小朋友小息都係一個人。小息多數去廁所，食零食，去圖書館，操場行嚟行去，咁就過咗個小息。
其實小朋友只要佢鍾意返學，上堂學習開心，同同學相處到就得。
時間岩岩好
呢個post好好
因為我都驚小朋友無朋友
我細個係勁驚無人同我玩，為左please朋友做左好多自己覺得心很累嘅野（例如傾電話3小時），我都想小朋友做自己，理其他人感受之餘都要自己開心
打定底先
1個讚
我個小朋友都係咁
聽到有少少心痛
不過都鼓勵佢主動搵朋友
有個同學係幼稚園同學，我叫我女同佢傾計
我女話「佢都唔講野既～」
我心諗「下！？你夠唔講野啦🫠」
其實知道佢都有幾個舊同事朋友
不過唔肯搵新朋友
算啦，擔心唔到咁多
試下帶啲嘢吸引其他同學仔？
細個時帶橡筋繩返學小息玩，好多同學仔主動走過來一齊玩
係，多謝你及上面meiyee嘅提醒。我今朝送返學同仔傾多幾句，佢都話自己行黎行去好過勉強加入…唉雖然好心痛，但佢又好似無乜野咁…其實佢性格好好，只係比較被動…
2個讚
Yes 佢同隔離左右同學都相處得幾好，但一free play就搵唔到人咁
我都咁講，佢又話唔識做主動，又怕其他人拒絕佢（二年級時有班人拒絕佢搞到佢有陰影，但個班人根本大部分人都拒絕，搞小圈子，後來都俾老師話，所以唔係仔問題）
佢無打針咩都唔玩得
咁順其自然啦
我小朋友都係被動型, 人地唔搵佢玩,佢就自己行黎行去等夠鐘上堂, 問佢又覺得冇乜野,隨心啦, 其實人大左都係咁, 邊得黎咁多朋友日日圍威喂