我女P2, 勁被動唔同人講野, 作為阿媽, 我用一招 “零食外交”: 買得意花巧零食, 小朋友互相交換從而彼此熟絡。呢招係我女身上係work的。
不過都係比一個開始的機會, 都要小朋友自己識把握，有時聽佢講今日同邊邊個交換零食, 又有時同我講邊邊個鐘意食咩叫我帶多一份, 就覺得都係值得的。
3個讚
謝謝你，我都學下呢招先
要睇仔仔點諗，如果佢覺得自己一個都ok，咁就由佢，唔好勉強。
如果佢係想識朋友／想要改變現狀，我覺得可以帶啲零食同同學分享，從而打開話題。
平時留意下啲同學鍾意講咩話題，如果個話題自己都有興趣嘅(唔好格硬無興趣，無嘢搵嚟講)，咪補充下嗰方面，搵機會插下咀。
要留意有d學校係禁止同學間交換零食（因為怕有人食物敏感）
我都係呢招，但我又唔係刻意做，因為我仔小食盒好豐富，我會特登整蛋糕餅乾加水果，我仔之後返嚟話啲同學仔會成日睇佢食乜，又試過我仔話有同學冇野食，可唔可以請佢食？咁我就會俾多份小食佢拎返學。
而我哋小學就有提過只可以帶獨立包裝食物交換。
係, 我地學校都係叫學生帶獨立包裝食物。
其實開初都唔係刻意，只係有日阿女同我講佢有同同學交換/請零食，我意識到係一個機會，自此就會帶多DD。
你地真係好,會幫小朋友諗點樣社交
諗返起我細個唔識同人玩,屋企人又無乜支援,真係想喊
1個讚
因為我都有個寂寞童年
1個讚
Yes 細個最怕聖誕聯歡會，運動/旅行日
人地最開心嘅時刻更顯得自己無朋友。所以好怕小朋友似足我
原來好多媽媽同我一樣會擔心小朋友識唔到朋友
而家要面對既問題係點樣教小朋友拒絕朋友仔要求同選擇好的人做朋友，真係好傷腦筋 
好有共嗚呀我。 
係，又怕小朋友無朋友仔，但又怕識埋啲唔好嘅同學仔。
咁我寧願既然小朋友唔介意小息時一個人，就暫時一個人自由自在。
係…俾佢地做自己…無為刻意改變迎合別人
可能大小小佢地會自己識到朋友
同佢解釋下，
人生就係不斷嘗試，不斷去尋找，適合自己嘅朋友，
年紀細就係搵朋友，
將來成為大人之後，就係搵女朋友／老婆。
一定不斷被人拒絕、拋棄、遠離⋯⋯
叫佢勇敢啲面對，努力過一定有得著，經驗係要累積。
1個讚
我小朋友細個都係咁，小息就自己行行企企，食下零食。到高小就好好多，而家中學，好快識到朋友，仲成日約出去打波。
零食外交我自己細細個用過，其實識到嘅朋友都麻麻地 
因為人地係因為你有嘢食而同你玩。後來中學就自己有勇氣去問，就解決到個問題
依架諗返，其實自己一個過小息都無咩大問題。
我阿仔在家以外的地方好慢熱，岩岩問左佢點樣識同學，佢話直接問佢可唔可以做朋友
我聽佢講都多人一齊玩的
我小朋友係香港 人緣好好 有朋友 又班長又小息間中幫下老師 攪到好忙 同 開心
黎左uk, year 6,英文唔夠好 陌生環境,初初小息無人同佢玩,自己坐埋一邊食lunch
佢話都唔明佢地講乜,自己一個休息佢都ok
(我聽到都唔開心,我有攞過零食呢招,我小朋友都唔敢)
後尾過左成個月先有同學一齊玩下
而家year 7,中學,一開學識到幾個同學仔,係自自然然識左。
識朋友我覺得都講緣份。
我小朋友話,無人同佢玩可以去幫下老師,去下廁所,八下人做乜都可以消磨時間。