成日都聽得多讀happy school既家長，後悔當初無揀學術深既幼稚園或谷既小學，到升小覺得銜接唔到或派中學派得唔好，咁有無人係調返轉呢？
你講嘅case 係咪即係唔啱讀 / 讀唔上
其實入咗所謂神校嘅，由小一學期完開始(點都捱完個小一先)，每年都有幾個轉走去國際學校
好睇小朋友料子…啱就唔後悔
頭一兩個月好後悔，因為學校小一就用小二英文教科書，即我要教返佢小一grammar； 中文就不供詞填充，排句成段又小二程度，咩都要我教，都咪話唔嚇親。仲要我係working mum, 個時勁後悔做咩唔揀間二線happy小學，仲開始睇其他學校下學期轉校資料（但我下年中離港，可見我幾desperate 想轉走）
但由十月發現問題跟到十一月，再應付埋測驗後，覺得個女由唔識變到識，而家功課已可自己完成後啱9成（之前係5成錯）；中文測驗由入學試嘅唔合格要入課後輔導小組變到全班最高分；默書由要溫兩個半日變半小時；都幾驚訝小朋友適應力可以咁強。而家適應左又唔覺得好辛苦，所以就唔諗轉校了。
但係，我女學校開學不久已有人轉校走，鄰居及朋友親戚亦分別係捱唔住而走，所以後悔嘅人一定有。
3個讚
我心態係有得谷一定入咗谷嘅小學，小朋友適應力強，唔啱轉去其他輕鬆少少小學都容易啲。
而且小學覺得不能太過HAPPY，係小學個底紮唔好，升中就會辛苦。
我個人為例小學讀書唔好升咗間B5中學其實都係跟唔上。
我身邊有朋友小朋友入咗一線小學讀書一般，升去B2A中中唔洗點出力都入到精英班應付自如。
不過我見哥哥家姐有能力入到一線小學成績OＫ，但尾隨細佬妹跟唔到小學進度。
1個讚
呢個世界只有啱唔啱讀嘅問題，和你自己識唔識做最好嘅選擇。
有人係谷得，有人係一谷就死。同埋香港嘅教育制度，唔係人人都頂得住。
我個仔在英國讀緊大學，佢話啲鬼仔表示辛苦過讀中學，但仔話DSE 嗰一兩年，佢一日瞓 6個鐘，大把功課和補習，入到大學至少瞓到 8個鐘，輕鬆好多。
香港人，或者係華人社會，一致向三師神科為目標，因為個個都唔想做工人階級，小朋友細細個就操。 歐洲地方，唔會攪小朋友，係攪都係家長自己嘅選擇，讀到書嘅上大學，讀唔成嘅做藍領工人，行行出狀元，
6個讚
個人程度跟唔到學校程度都係煩事，但你擔心嘅係小朋友定你自己？如果擔心小朋友，要深入啲了解佢留意佢嘅能力同情緒，如果擔心自己，就要諗清楚自己當初咁揀嘅初衷，再諗諗之後點行。
同意唔好低估小朋友適應力，但同時家長期望管理同埋點幫小朋友適應都好重要。
我小朋友讀嗰間都係出名多功課，但表面上量多但唔難，咁算唔算谷？
同一班小朋友，同一數量功課，有人可以1小時內完成，但又會有啲家長呻，多功課搞唔掂 ，小朋友做到11點先可以訓，咁到底又算唔算谷？似乎唔係在於邊間學校，係小朋友自理能力同學習態度問題，呢啲都係建基於家長點教導小朋友。
大部分懶散嘅小朋友都唔會突然上到中學咁好彩識開竅自己的起心肝讀書，加上香港嘅課程好似砌積木咁，個基礎唔好，家長學生都辛苦。再講，好多人話到升中再算，但好多人到升中先發現，小學已經決定咗大半上咩中學，係同一教育制度下，谷唔谷嘅學校同樣都係面對dse, 你真心認為會有happy school?
1個讚
真！同一間學校小一，已有人讀得輕鬆有人吃力，問一問，輕鬆個個幼稚園keep 住睇書伴讀，跟時間表做人；吃力個個屋企從來無去圖書館無伴讀，時間拎晒去玩，父母唔跟。
覺得吃力個個幼稚園真係過得好happy, 呢家學校每日10樣功課，佢地已放棄學校抄手冊，返去呀媽睇eclass 算，否則仲要捉手冊真係11點都訓唔到，小一既10月已經係咁。
所以有時d野各有前因莫羨人。講返正題，小朋友覺得讀唔上係咪要立即諗quit 呢？其實人生好多野都唔係一帆風順，遇上難題同逆境我地要同小朋友一齊點面對？我覺得家長既反應會好影響小朋友日後面對困難既能力。
不過樓主無打算大吵大鬧嘈學校做咩咁深咁難已經算係咁
3個讚
同一間學校都會有呢兩類學生。
有小朋友做功課自動波，
家長唔洗催，做完先玩。
唔識先問大人。
有小朋友無心讀書，
做功課三催四請，
重要嫌大人煩。
補習都無心機聽。
有人岩有人唔岩。
4個讚
其實乜人都有，你無諗過嘅都可能有
每個人能力同性格都唔同，入到適合嘅就好，人地覺得點，同自己無關~
呢排先有個師兄家長話多謝母校栽培
但我仔臨離開時，一d感覺都無，只係早d早就好~
要講後悔，後悔由私校轉神津囉~
我自己就無後悔當年搵一間學術深及「勁谷」嘅小學比個仔讀。
但係這六年一定係非常辛苦及唔開心。
2個讚
呢類讀HAPPY SCHOOL好過
有，我好朋友嘅大女之前讀協恩，考試測驗80幾分，先生打電話去家長嗰度投訴。
試過幾次，最後轉咗去國際學校.
因為呢類學校扣分好嚴謹，例如twenty-five, 寫左twenty five, 無左hyphen， 就當錯字，無左幾分啦
協小要爭頭四十名入協中，啲阿媽都咪話唔緊張。
我個朋友，佢哋係relax 嗰一種. 當年入到，純粹純粹佢自己個大女. 另外果啲兄弟姊妹全部入國際學校。兩年之後佢阿媽頂唔順，仲辛苦過個女，決定轉去國際學校決定轉去國際學校。
朋友個女入左間好chur 女校，差唔多個個月都有測驗，隔星期有默書，成績跟唔到，老師就打電話俾朋友，叫佢個補習老師跟緊D，結果朋友頂左兩年就轉左國際學校。佢話嗰兩年真係非人生活
我小朋友正正係chur女校，但其實默書測驗都係溫緊考試範圍，每次考試範圍都唔會重考，亦冇教淺考深，所以真係唔同小朋友/家長點適應
你女係咪尖沙咀女校？
我女學校係港島，基本上感覺女校都係chur